ەلىمىزدىڭ جەر - جەرىندە مەملەكەت حاۋىپسىزدىگى تاربيەسى قيمىلى ورىستەتىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-04-15 17:47:00

 

    ورتالىق تەلەۆيزياسىنىڭ حابارى: 15-ٴساۋىر- 4 ـ رەتكى جالپى حالىقتىق مەملەكەت حاۋىپسىزدىگى تاربيە كۇنى، بيىلعى قيمىلدىڭ باستى تاقىرىبى _ « جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، اۋىر حاۋىپ ـ قاتەرلەردەن كۇش سالا ساقتانىپ جانە ونى شەشىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ»، ازاماتتاردىڭ مەملەكەت حاۋىپسىزدىگى تانىمىن ورناتىپ، مەملەكەت حاۋىپسىزدىگىنە سانالى كوڭىل ٴبولىپ، ونى قورعاۋ ٴۇشىن، جەر ـ جەر مەملەكەت حاۋىپسىزدىگى جونىندەگى الۋان ٴتۇرلى ۇيرەنۋ ـ تاربيە قيمىلىن وتكىزدى.

 

چۇڭچيڭدە مەملەكەت حاۋىپسىزدىگى تاربيەسى مەكتەپ اۋلاسىندا ورىستەتىلدى، ستۋدەنت ۇگىت ـ لەكسيا ۇيىرمەسىندەگى وقۋشىلار ينتەرنەت حاۋىپسىزدىگى، عىلىم ـ تەحنيكا حاۋىپسىزدىگى، مادەنيەت حاۋىپسىزدىگى، شەتەلدە مۇددەنى قورعاۋ سياقتى جاقتاردا ۇگىت ـ لەكسيا جاساپ، ناق مايدانداعى وقۋشىلاردىڭ جالپىلىق مەملەكەت حاۋىپسىزدىگى كوزقاراسى جونىندەگى تانىمى مەن تۇسىنىگىن تەرەڭدەتتى، بۇكىل قالاداعى ورتا، باستاۋىش مەكتەپ وقىتۋشى ـ وقۋشىلارىنان 6 ميلليون ادام ينتەرنەت ارقىلى تىكە تاراتىلىمدى كوردى.

 

باتىس وڭتۇستىك ۋنيۆەرسيتەتى اقپارات مەديا ينستيتۋتىنىڭ وقۋشىسى شىن حۇيگى بىلاي دەدى : بۇرىن مەملەكەت حاۋىپسىزدىگىن مەنىمەن قاتىسسىز دەپ ويلايتىنمىن، وسى رەتكى ۇگىت ـ لەكسيادا توراپ حاۋىپسىزدىگىنەن عىلىم ـ تەحنيكا حاۋىپسىزدىگىنە، ودان مادەنيەت حاۋىپسىزدىگىنە دەيىن تىلگە تيەك ەتىلدى، ٴىس جۇزىندە مەملەكەت حاۋىپسىزدىگى ٴاربىر اداممەن تىعىز بايلانىستى.

 

شيحۋ كولىنىڭ جاعاسىندا «مەن جانە وتانىم» دەگەن ٴان ىرعاعى قالا تۇرعىندارىنىڭ نازارىن اۋداردى. بۇل ٴبىر توپ جاس وقۋشىلاردىڭ « كۋايشان » فورماسى ارقىلى مەملەكەت حاۋىپسىزدىگى تاربيەسىنىڭ ۇران تاقتاسىن كورسەتىپ، مەملەكەت حاۋىپسىزدىگى تاربيەسىن كوشەدە ۇگىتتەۋى ەدى.

 

بەيجيڭ، جياڭشي، حۋبەي سياقتى جەرلەردە «مەملەكەت حاۋىپسىزدىگى تاربيەسى » تاقىرىبىنداعى لەكسيا جانە كورمە، تالقى ٴماجىلىسى، ٴبىلىم جارىسى، فوتو سۋرەت جارىسى سياقتى باي مازمۇندى تاربيە قيمىلدارى دا ىركەس ـ تىركەس ورىستەتىلىپ، بۇقارانىڭ تۇرمىسىنا قابىستىرۋ ارقىلى قالا تۇرعىندارىنا مەملەكەت حاۋىپسىزدىگى بىلىمدەرىن ۇعىندىردى.