شي جينپيڭ سينگاپور پرەزيدەنتى حاليمامەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-15 15:03:00

 

    ٴوز حابارىمىز: مەملەكەت ٴتوراعاسى شي جينپيڭ 5 - ايدىڭ 14 - كۇنى حالىق سارايىندا سينگاپور پرەزيدەنتى حاليمامەن كەزدەستى.

 

شي جينپيڭ مىنالاردى اتاپ كورسەتتى: وتكەن ايدا زۇڭلي لي شيانلۇڭ جۇڭگوعا كەلىپ، 2 ـ كەزەكتى «ٴبىر بەلدەۋ، ٴبىر جول» حالىقارالىق سەلبەستىك جوعارى دارەجەلى تالقىسىنا جانە بەيجيڭ دۇنيە جۇزىلىك باۋ ـ باقشا كورمەسىنىڭ اشىلۋ سالتىنا قاتىناستى، وسى ايدا ٴسىزدىڭ تاعى دا جۇڭگوعا كەلىپ ازيا وركەنيەتى سۇحبات جينالىسىنا قاتىناسۋىڭىز، جۇڭگو مەن سينگاپۋر قاتىناسىنىڭ قويۋلىعىن تولىق ايگىلەدى. جۇڭگو مەن سينگاپۋر ٴبىر ـ بىرىنە دامۋ ورايىن جاراتىپ، ۇزاق ۋاقىتتان بەرى قول ۇستاسا العا باسىپ، مۇددەلەرى بارىنشا توعىسقان ەلدەر. ەكى ەل جوعارى جىكتەگىلەردىڭ بارىس ـ كەلىس ٴداستۇرىن ساقتاپ، ەكى ەل قاتىناسىنىڭ دامۋىنا ستراتەگيالىق جەتەكشىلىك ەتۋى كەرەك. جۇڭحۋا ۇلتىندا ادىلدىك، جاڭالىق جاراتۋ ٴداستۇر بار، «ٴبىر بەلدەۋ، ٴبىر جولدى» ورتاق قۇرۋ كەشىرىمشىل، دوستىق بارىس - كەلىستى ساقتاۋ، سونداي ـ اق كەزەكتەگى جۇڭگو مەن سينگاپۋر ەكى ەل قاتىناسىن دامىتۋدىڭ ەڭ ۇلكەن ورايى بولماق. ەكى جاق «ٴبىر بەلدەۋ، ٴبىر جولدى» جوعارى ساپالى بىرگە قۇرۋدى جۇڭگو ـ سينگاپۋر سەلبەستىگىنىڭ جاڭا پاراعىنا اينالدىرىپ، «قۇرلىق ـ تەڭىز جاڭا ارناسىنان» جانە 3 ـ جاق بازار سەلبەستىگىنەن ويداعىداي پايدالانىپ، تەزدەن ناتيجە جاراتۋلارى كەرەك. ەكونوميكانىڭ جاھاندانۋى مەن كوپ جاقتىلىقتى باتىل قولداپ، ازيا ەلدەرىنىڭ بەرەكە ـ بىرلىگىن نىعايتىپ، نازاردى سەلبەستىككە شوعىرلاندىرىپ، ازيا وركەنيەتى سۇحبات جينالىسىن وتكىزۋدى وراي ەتىپ، كورىكتى ازيانى بىرگە قۇرۋ كەرەك. كوپ ۇيەكتى دۇنيە قۇرۋ بارىسىندا، ٴبىزدىڭ دوستىق شەڭبەرىمىز بارعان سايىن كەڭەيەدى.

 

حاليما بىلاي دەدى: جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىن. جۇڭگونىڭ ازيا وركەنيەتى سۇحبات جينالىسىن وتكىزۋدى دارىپتەۋى دەر كەزىندە بولعان شارا بولىپ، ٴار جاقتىڭ قايتكەندە دۇنيە ٴجۇزى حالقىن اناعۇرلىم جاقسى يگىلىككە كەنەلتۋ جولىنا ىزدەنىس جاساۋعا پايدالى بولدى. سينگاپۋر مەن جۇڭگونىڭ قاتىناسى جاقسى دامىپ كەلەدى، ەكى ەل اراسىنداعى ٴتۇيىندى سەلبەستىك نىساندارى مەملەكەتتەر اراسىنداعى ٴوزارا ٴتيىمدى سەلبەستىكتىڭ ۇلگىسىنە اينالدى. سينگاپۋر « ٴبىر بەلدەۋ، ٴبىر جول » دارىپتەمەسىن تۋ باستان باتىل قولداپ، جۇڭگومەن ەكونوميكا ـ ساۋدا، گۋمانيتارلىق سالاداعى اۋىس ـ كۇيىستى، سەلبەستىكتى تەرەڭدەتىپ، ەكى ەل حالقىنا باقىت جاراتىپ، ەرەجەنى نەگىز ەتكەن كوپ جاقتى ساۋدا ٴتۇزىلىسىن بىرگە قورعاۋدى قالايدى، بۇل ٴار ەل، اسىرەسە، ورتا، شاعىن ەلدەر جونىنەن توتەنشە ماڭىزدى مانگە يە.