شي جينپيڭ كامبودجانىڭ پاتشاسى سىحامونيمەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-15 15:02:00

 

    ٴوز حابارىمىز: مەملەكەت ٴتوراعاسى شي جينپيڭ 5 - ايدىڭ 14 - كۇنى حالىق سارايىندا كامبودجانىڭ پاتشاسى سىحامونيمەن كەزدەستى.

 

شي جينپيڭ بىلاي دەپ اتاپ كورسەتتى: جۇڭگو مەن كامبودجانىڭ دوستىعى بۇكىل دۇنيە جۇزىنە مەملەكەتتەر اراسىنداعى، حالىق اراسىنداعى ناعىز دوستىقتى ايگىلەدى، ول ادامزاتتىڭ تاعدىرلاس ورتاق تۇلعاسىن قۇرۋ جونىندە ۇزاق ۋاقىت جىرلاناتىن تاماشا اڭىز دەۋگە بولادى. جۇڭگو كامبودجا پاتشا اۋلەتىمەن بولعان ەرەكشە دوستىعىن قاستەرلەيدى. جۇڭگونىڭ نەشە ۇرپاق باسشىلارى سىحانوك پاتشامەن دوستىق سۇيىسپەنشىلىك ورناتتى، ٴبىز ونى ويداعىداي جالعاستىرىپ، ويداعىداي ساۋلەلەندىرىپ، جۇڭگو مەن كامبودجا دوستىعىنىڭ ۇرپاقتان ـ ۇرپاققا جالعاسۋىنا مۇمكىندىك جاراتۋىمىز كەرەك. جۇڭگو كامبودجانىڭ ٴوز مەملەكەت جاعدايىنا ۇيلەسەتىن دامۋ جولىمەن ٴجۇرۋىن ٴباز-باياعىسىنداي قولدايدى، كامبودجامەن بىرگە جۇڭگو مەن كامبودجانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىن ۇزدىكسىز تىڭ ساتىعا كوتەرەدى. ەكى جاق جۇڭگو مەن كامبودجانىڭ تاعدىرلاس ورتاق تۇلعاسىن قۇرۋ ارەكەت جوسپارىن ويداعىداي تياناقتاندىرىپ، ەكى ەل حالقىنىڭ يگىلىككە كەنەلۋىنە مۇمكىندىك جاساپ، ٴار ەل اراسىنداعى مادەنيەتتىڭ الۋان تۇرلىلىگىن ٴوزارا قۇرمەتتەۋىنە، وركەنيەت اۋىس ـ كۇيىسىن، ٴوزارا ۇلگى الۋىن جەبەۋگە ۇلگى بولۋى كەرەك.

 

سىحاموني بىلاي دەدى: جۇڭگو ۇكىمەتى مەن حالقىنىڭ كامبودجا پاتشا اۋلەتىنە دەگەن تەرەڭ دوستىعى مەن ۇزاق ۋاقىتتان بەرى كامبودجا حالقىنا كورسەتكەن قىمباتتى قولداۋى جانە كومەگىنە العىس ايتامىن. كامبودجا حالقى ٴارقانداي جاعدايدا دا جۇڭگو حالقىمەن باتىل بىرگە بولادى. كامبودجا جۇڭحۋا حالىق رەسپۋبليكاسى قۇرىلعان 70 جىلدان بەرى وراسان زور دامۋ جەتىستىكتەرىنە قول جەتكىزگەنىن قۇتتىقتايدى، جۇڭگونىڭ حالىقارالىق ىستەردە ساۋلەلەندىرگەن ماڭىزدى ىقپالىن القايدى، « ٴبىر بەلدەۋ، ٴبىر جولدى » ورتاق قۇرۋدى باتىل قولدايدى. ٴتوراعا شي جينپيڭ دارىپتەگەن ازيا وركەنيەتى سۇحبات جينالىسى ٴار ەل اراسىنداعى مادەنيەت اۋىس ـ كۇيىسى مەن ٴوزارا ٴتۇسىنىسۋدى ىلگەرىلەتۋدە ماڭىزدى رول اتقارادى.