4-ايدا حالىق شارۋاشىلىعىنىڭ اينالىمى جالپى جاقتان ورنىقتى بولدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-15 16:34:00

 

    شينحۋا اگەنتتىگىنىڭ حابارى: مەملەكەتتىك ساناق مەكەمەسى 5-ايدىڭ 15-كۇنى جاريالاعان ساندى مالىمەتتە مىنالار كورسەتىلدى، 4-ايدا حالىق شارۋاشىلىعىنىڭ اينالىمى ۇيلەسىمدى ارالىقتا بولعان، جالپى تۇلعالىق جاقتان ورنىقتىلىقتى ساقتاۋ بارىسىندا ىلگەرىلەۋ اۋقىمىن جالعاستىرعان.

 

ٴوندىرىس جاعدايىنان قاراعاندا،1-ايدان 4-ايعا دەيىن بۇكىل ەل بويىنشا كولەمدەنگەن ونەركاسىپتىڭ ارتقان قۇنى ۇقساس مەزگىلىدەگىدەن %6.2 ارتىپ، ارتۋ قارقىنى بىلتىرعى تۇتاس جىلمەن تەڭ بولعان.

 

تۇتىنۋ جاعىندا،4-ايدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى ۇقساس مەزگىلىدەگىدەن %7.2 ارتىپ، ارتۋ قارقىنى الدىڭعى ايداعىدان 1.5 پايىز تومەندەگەن. مەملەكەتتىك ساناق مەكەمەسى تالداۋ جاساپ بىلاي دەدى، 4-ايداعى مەرەكە، دەمالىس كۇندەرىندەگى كۇن سانى وتكەن جىلدىڭ ۇقساس مەزگىلىندەگىدەن ەكى كۇن كەمەيگەن فاكتورلاردى ەسەپكە العاندا، ٴساۋىر ايىنداعى قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدىڭ ۇقساس مەزگىلىندەگىدەن %8.7 ارتىپ، وتكەن ايداعىمەن تەڭ بولعان.

 

قارجى قوسۋ جاعىندا،1-ايدان 4-ايعا دەيىن مەملەكەت بويىنشا تۇراقتى مۇلىككە قوسىلعان قارجى ۇقساس مەزگىلدەگىدەن %6.1 ارتىپ، ارتۋ قارقىنى ۇقساس مەزگىلدەگىدەن 0.2 پايىز تەزدەگەن.

 

نازار اۋدارۋعا تاتيتىنى، كاسىپتەنۋ جاعدايى ورنىقتى جاقسارىپ، جۇمىسسىزدىق مولشەرى تومەندەگەن. 1-ايدان 4-ايعا دەيىن بۇكىل ەل بويىنشا قالا - قالاشىقتاردا 4 ميلليون 590 مىڭ ادام تىڭنان كاسىپتەنىپ، تۇتاس جىلدىق جوسپاردىڭ % 42 ى ورىندالدى. 4-ايدا بۇكىل ەل بويىنشا قالا - قالاشىقتاردا انىقتالعان جۇمىسسىزدىق مولشەرى % 5 بولىپ، الدىڭعى ايداعىدان 0. 2 پايىز تومەندەگەن.

 

مەملەكەتتىك ساناق مەكەمەسىنىڭ اقپارات مالىمدەمەشىسى ليۋ ايحۋا تالداۋ جاساپ بىلاي دەدى : 4-ايدا حالىق شارۋاشىلىعى جالپى جاقتان ورنىقتى دامۋ جاعدايىن ساقتادى. سونىمەن بىرگە ٴبىز مىنانى دا كورە ٴبىلۋىمىز كەرەك : سىرتقى ورتادا ٴالى دە كۇردەلى، ورنىقسىز، تۇراقسىز فاكتورلار كوبەيۋدە؛ ىشكى دامۋدىڭ بىركەلكى، تولىق بولماۋ ماسەلەسى ٴالى دە ورىن تەۋىپ وتىر، ەكونوميكانىڭ باياندى، اقاۋسىز دامۋىنىڭ نەگىزىن بەكەمدەي تۇسۋ كوكەيتەستى بولۋدا.