ازيا مادەنيەت ساياحات كورمەسى بەيجيڭدە اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-05-19 10:57:00

 

    ٴوز حابارىمىز: ازيا وركەنيەت سۇقپات جينالىسىنىڭ ماڭىزدى جەلىلەس قيمىلدارىنىڭ ٴبىرى بولعان، مادەنيەت جانە ساياحات مينيسترلىگى وتكىزگەن «ازيا مادەنيەت، ساياحات كورمەسى» 5-ايدىڭ 16-كۇنىنەن 18-كۇنىنە دەيىن بەيجيڭدە وتكىزىلدى. ارناۋلى تاقىرىپتىق كورمە، كەسكىن كورمەسى، كەڭەس سياقتى قيمىلدار ازيانىڭ كەلبەتىن ايگىلەدى.

 

وسى رەتكى كورمەنىڭ نەگىزگى تاقىرىپتىق كورمە رايونى بولعان ازيا مادەنيەت ساياحات كورمە رايونىندا ازياداعى ەلدەر مەن رايونداردىڭ فارفور، ويما، توقىماشىلىق سياقتى حالىقتىق ونەرى مەن مادەنيەت ونىمدەرى توپتالدى. كامبودجا ساياحات مەكەمەسى حالىقارالىق بازارعا جالپىلاستىرۋ ىستەرىنىڭ باس باقىلاۋشىسى پۋلاك بىلاي دەدى: باي مازمۇندى تانىستىرۋ قيمىلدارى ارقىلى ٴتىپتى دە كوپ ساياحاتشى باۋراۋدى ٴۇمىت ەتەمىز. جۇڭگو كامبودجانىڭ 10 ٴىرى ساياحاتشى قاينارىنىڭ ٴبىرى. بيىل-جۇڭگو-كامبودجا مادەنيەت، ساياحات جىلى جانە جۇڭگو-لاوس ساياحات جىلى، ٴبىزدىڭ بۇل اراعا كەلۋدەگى ماقساتىمىز-جۇڭگولىقتارعا وركەنيەت جۇرتى مەن ماڭىزدى كورىنىس تۇيىندەرىن تانىستىرۋ.

 

مۇنان تىس، وسى رەتكى كورمە مادەنيەت، ساياحات سالاسىنداعى كاسىپورىندارعا اۋىس ـ كۇيىس تۇعىرىن ازىرلەپ، ازيا مادەنيەتى مەن ساياحات كاسىبىنىڭ اناعۇرلىم تەرەڭ، جان-جاقتى سالادا اۋىس-كۇيىس جاساپ، سەلبەستىك ورىستەتۋىنە وراي جاراتتى.

 

يران مەملەكەتتىك ساياحات مەكەمەسى بەيزاتتىق مادەني مۇرالار، قولونەر بۇيىمدارى قوعامىنىڭ جۇڭگودا تۇراتىن ۋاكىلى حى في بىلاي دەدى: ٴبىز يراننىڭ مەملەكەت ساياحاتىن تانىستىرۋدان سىرت، يراننىڭ كەيبىر قولونەر بۇيىمدارىن دا الا كەلدىك، وسى قيمىل ارقىلى يراننىڭ مەملەكەت مادەنيەتىن تانىستىرۋدى ٴۇمىت ەتەمىز.

 

ٴۇش كۇندە مادەنيەت جانە ساياحات ارناۋلى كورمەسى، جۇڭگو مادەنيەت ساياحات ونىمدەرىن تانىستىرۋ جينالىسى، ساياحات ساۋداگەرلەر جينالىسى، مادەنيەت-ساياحات ونىمدەر كەڭەسى، دۇنيە جۇزىلىك مۇراعاتتار كورمەسى، سونداي-اق نەگىزگى قوناق ەلدەردىڭ تانىستىرۋى، نەگىزگى تاقىرىپتىق ولكە، قالالاردى تانىستىرۋ سياقتى قيمىلدار جۇڭگونىڭ جانە ازياداعى ٴار ەلدىڭ مادەنيەت، ساياحات ىستەرىنىڭ دامۋ جەتىستىكتەرىن ايگىلەپ، جۇڭگو مەن ازيا ەلدەرىنىڭ مادەنيەت، ساياحات كاسىبىنىڭ توعىسپالى دامۋىن جەبەدى.