لي كىچياڭ دۇنيە بانكەسىنىڭ باستىعىمەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-12 11:25:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 6 - ايدىڭ 11 - كۇنى جۇڭنانحايدىڭ زىگۋاڭگى سارايىندا دۇنيە بانكەسىنىڭ باستىعى مارپاسپەن كەزدەستى. لي كىچياڭ بىلاي دەدى: جۇڭگونىڭ دۇنيە بانكەسىمەن سەلبەستىگى جۇڭگونىڭ رەفورما جاساۋ، ەسىك اشۋ اياق الىسىمەن نەگىزىنەن ۇقساسايدى ٴارى جۇڭگونىڭ دامۋىنادا ٴتيىمدى، ٴوزارا پايدا جەتكىزىپ، تەڭ يگىلىككە كەنەلۋدى جۇزەگە اسىردى. ەكى جاق سەلبەستىگىنىڭ بولاشاعى كەڭ، كەدەيلەردى سۇيەمەلدەۋدى ىلگەرىلەتىپ، وڭتۇستىك پەن سولتۇستىكتىڭ دامۋ پارقىن ازايتىپ، باياندى دامۋدى جۇزەگە اسىرۋعا ٴتيىمدى. جۇڭگو قازىر اتقارىلىپ وتىرعان حالىقارالىق ەكونوميكا ـ فينانس جۇيەسىنىڭ ات سالىسۋشىسى، قۇرۋشىسى جانە ۇلەس قوسۋشىسى رەتىندە دۇنيە بانكەسىمەن سەلبەستىكتى تەرەڭدەتىپ، دۇنيە ٴجۇزىنىڭ دامۋىن، گۇلدەنۋىن بىرگە ىلگەرىلەتۋدى قالايدى. لي كىچياڭ بىلاي دەپ اتاپ كورسەتتى: جۇڭگو دۇنيە جۇزىندەگى ەڭ ٴىرى دامۋ ۇستىندەگى ەل رەتىندە، ٴوز ىستەرىن ويداعىداي ىستەۋمەن بىرگە، وتەۋگە ٴتيىستى حالىقارالىق جاۋاپكەرشىلىگى مەن بورىشىن ويداعىداي وتەيدى. ٴبىز اكىمشىلىكتى ىقشامداپ، ۇقىقتى تومەنگە بەرۋ رەفورماسىن تەرەڭدەتۋ ارقىلى باجىنى زور كولەمدە ازايتىپ، اقىنى تومەندەتىپ، بازارلانعان، زاڭمەن باسقارىلاتىن، حالىقارالانعان ساۋدا ورتاسىن جاراتىپ، جوعارى ساپالى دامۋدى ىلگەرىلەتەمىز.

 

مارپاس بىلاي دەدى: جۇڭگو ەكونوميكانىڭ ارتۋى مەن دامۋى جاعىندا كورنەكتى تابىسقا قول جەتكىزدى. دۇنيە بانكەسى جۇڭگومەن ەكى جاقتى جانە دۇنيە ٴجۇزى كولەمىندە كوپ سالاداعى سەلبەستىكتى تەرەڭدەتۋدى ٴۇمىت ەتەدى.