جەكەلەردىڭ زەينەتاقى ٴتۇزىمى تياناقتانىپ، زەينەتكەرلىك كوپ جاقتان قامتاماسىزداندىرىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-12 15:58:00

 

    ٴوز حابارىمىز: ادام كۇشى بايلىعى جانە قوعامدىق قامتاماسىزداندىرۋ مينيسترلىگى 6 - ايدىڭ 11 - كۇنى جاريالاعان حاباردا بىلاي دەلىنگەن : ادام كۇشى بايلىعى جانە قوعامدىق قامتاماسىزداندىرۋ مينيسترلىگى باستاماشى بولىپ، قاتىستى تاراۋلارمەن بىرگە زەينەتكەرلىك قامسىزداندىرۋىنىڭ ٴۇشىنشى تىرەكتى ساياساتتىق قۇجاتىن زەرتتەپ جاساعان، قازىر بۇل ساياسات ٴساتتى جۇرگىزىلۋدە. جەكەلەردىڭ زەينەتاقى ٴتۇزىمىنىڭ جەدەل تياناقتاندىرىلۋىنا بايلانىستى، تۇرعىنداردىڭ زەينەتكەرلىك مامىلەسىنىڭ جوعارىلاۋى شىنايى ٴۇش جاقتان قامتاماسىزداندىرىلاتىندىعىنان دەرەك بەرەدى.

 

ەلىمىزدىڭ كوپ ساتىلى زەينەتكەرلىك قامسىزداندىرۋ ٴتۇزىمى نەگىزدىك زەينەتكەرلىك قامسىزداندىرۋ، كاسىپورىنداردىڭ جىلدىق قورى، جەكەلەردىڭ امانات قويۋ سيپاتىنداعى زەينەتكەرلىك قامسىزداندىرۋى جانە ساۋدالىق زەينەتكەرلىك قامسىزداندىرۋى، اتاپ ايتقاندا، ايتىلمىش ٴۇش ۇلكەن تىرەك بولدى. ٴبىراق ٴبىرىنشى تىرەك جانە ەكىنشى تىرەكتى سالالارمەن سالىستىرعاندا، ٴۇشىنشى تىرەكتى سالانىڭ ولقىلىعى بار دەۋگە بولادى. 2018 ـ جىلى 4 ـ ايدا قازىنا مينيسترلىگى، باجى باس مەكەمەسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى كوپتەگەن تاراۋلار بىرلەسىپ « جەكەلەر باجىسىن كەشەۋىلدەتەتىن ساۋدا زەينەتكەرلىك قامسىزداندىرۋىن تۇيىندە سىناق ەتۋ جونىندەگى ۇقتىرۋدى » باسىپ تاراتىپ، زەينەتكەرلىك قامسىزداندىرۋىنىڭ 3 ـ تىرەك سالاسىنا ٴتيىمدى ىزدەنىس جاسادى. 2018 ـ جىلى 5 ـ ايدىڭ 1 ـ كۇنىنەن باستاپ تۇيىندى سىناق ەتىلگەن رايوندارداعى جەكەلەردىڭ جەكە ساۋدا زەينەتكەرلىك قارجى ەسەبى ارقىلى بەلگىلەمەگە ۇيلەسەتىن ساۋدالىق زەينەتكەرلىك قامسىزداندىرۋ ونىمدەرىن ساتىپ الۋ شىعىسى بەلگىلى ولشەم كولەمىندە باجىدان بۇرىن تارتىپ قالۋىنا جول بەرىلەدى. تۇيىندى سىناق ەتۋ مەرزىمى ٴبىر جىل بولادى.

 

ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى جاۋاپتىسىنىڭ تانىستىرۋىنا قاراعاندا، ەسەپ ٴتۇرى ٴتۇزىمىن قولدانۋدى ويلاستىرىپ، ٴبىر تۇتاس ينفورماتسيا باسقارۋ، قىزمەت وتەۋ تەكشەسىن قۇرىپ، بەلگىلەمەگە ۇيلەسەتىن بانكەنىڭ قازىنا باسقارۋ، ساۋدالىق زەينەتكەرلىك قامسىزداندىرۋ، قور قاتارلى فينانس ونىمدەرىنىڭ بارلىعى زەينەتكەرلىك قامسىزداندىرۋىنىڭ ٴۇشىنشى تىرەكتى سالا ونىمىنە اينالىپ، بازاردىڭ ۇزاق ۋاقىت قارجى قوسۋ ارقىلى جۇمىس جۇرگىزىپ، جەكەلەردىڭ زەينەتاقىسىنىڭ قۇنىن ساقتاۋ جانە ارتتىرۋعا بولاتىن بولدى.