الدىڭعى 4 ايدا ەلىمىزدىڭ قىزمەت وتەۋ ەكسپورتىنىڭ ۇستاعان سالىستىرماسى % 35 تەن استى، ساۋداداعى كەرى بالانىس كورنەكتى تومەندەدى
كەلۋقاينارى: |جاۋاپتى رەداكتور: | جاڭالانعان ۋاقىت:2019-06-12 15:58:00

 

    ٴوز حابارىمىز: ساۋدا ىستەر مينيسترلىگى 6 - ايدىڭ 12 - كۇنى جاريالاعان ساندى مالىمەتتە كورسەتىلۋىنشە، 1 - ايدان 4 - ايعا دەيىن ەلىمىزدىڭ قىزمەت وتەۋ ساۋداسىنىڭ جالپى سوماسى ٴبىر تريلليون 744 ميلليارد 630 ميلليون يۋان بولىپ، ۇقساس مەزگىلىندەگىدەن % 4.1 ارتقان. مۇنىڭ ىشىندە قىزمەت وتەۋ ەكسپورتىندا ەكى ورىندى سان جالعاستى ارتىپ، قىزمەت وتەۋ ساۋداسىنداعى سالىستىرماسى % 35 تەن اسىپ، قىزمەت وتەۋ ساۋداسىنداعى كەرى بالانىس كورنەكتى تومەندەدى.

 

ٴبىرىنشى توقسانداعى قىزمەت وتەۋ يمپورت – ەكسپورتىنىڭ ارتۋ قارقىنىمەن سالىستىرعاندا، الدىڭعى 4 ايدا قىزمەت وتەۋ يمپورت – ەكسپورتىنىڭ ارتۋ قارقىنى % 4.1 كە جەتىپ، ارتۋ مولشەرى كورنەكتى بولدى. وسىعان قاراتا ساۋدا ىستەر مينيسترلىگى قىزمەت وتەۋ ساۋدا مەكەمەسىنىڭ ورىنباسار شارلاۋشىسى جۋ گۋاڭياۋ تالداۋ جاساپ بىلاي دەدى : 4 - ايدا قىزمەت وتەۋ يمپورت - ەكسپورتىنىڭ ارتۋ قارقىنى % 9 كە جەتىپ، 3 - ايداعىدان 6.8 پايىز جوعارىلاپ، 1 - ايدان 4 - ايعا دەيىنگى قىزمەت وتەۋ يمپورت - ەكسپورتىنىڭ ارتۋ قارقىنى 1.5 پايىز جوعارىلادى. « بۇل ەلىمىزدىڭ يمپورت ـ ەكسپورتقا قىزمەت كورسەتۋىنىڭ جالپى تۇلعالىق جاقتان ورنىقتىلىقتى ساقتاپ، جاقسى دامۋ ارنىنا قاراي قادام تاستاعاندىعىن كورسەتتى.

 

قىزمەت وتەۋ ەكسپورتىنىڭ، اسىرەسە، ٴبىلىم شوعىرلانعان قىزمەت وتەۋ ەكسپورتىنىڭ تاماشا دامۋ بەتالىسى جونىندە جۋ گۋاڭياۋ بىلاي دەدى : باجىنى ازايتۋ، اقىنى تومەندەتۋ جانە قىزمەت وتەۋ ساۋداسىندا جاڭالىق جاراتىپ دامۋدى تۇيىندى سىناق ەتۋ قاتارلى ساياساتتىق شارالار ىركەس ـ تىركەس شىعارىلىپ، قىزمەت وتەۋ ساۋداسىنىڭ دامۋىنداعى ىشكى قوزعاۋشى كۇش پارمەندى كۇشەيتىلىپ، قىزمەت وتەۋ ەكسپورتىنىڭ باسىمدىعىنىڭ ونان ارى كەڭ بولۋىن جەبەدى. ەلىمىزدىڭ قامداۋ قۇرىلىمدىق رەفورماسىنىڭ ۇزدىكسىز ىلگەرىلەۋىنە، سونداي - اق وندىرىستىك قىزمەت وتەۋ سالاسىنداعى باسەكەلىك قۋاتىنىڭ بىرتىندەپ جوعارىلاۋىنا بايلانىستى، ۇستەمە قۇنى جانە تەحنيكالىق قۇرامى جوعارى ٴبىلىم شوعىرلانعان قىزمەت وتەۋ ساۋداسى جەدەل دامدى.