«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى ورىستەتىلۋدە
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 10:30:00


    ٴوز حابارىمىز: جۋىقتا بۇكىل ەلدەگى پارتيالى كادرلار باس شۋجي شي جينپيڭنىڭ “ اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ” تاقىرىپتىق تاربيە قىزمەت ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ،، جەتە تۇسىنىپ، شىنايى ۇيرەنىپ،شىنايى سەنىپ، نەگىزگى تاقىرىپتىق تاربيەنى ناقتى تياناقتاندىرۋعا كۇش سالدى.


    وسى ەكى كۇندە چيڭحاي ولكەسى زاڭ اتقارۋدى ارناعا ٴتۇسىرۋ ورەسىن جوعارىلاتۋ ٴۇشىن، 15 جىلدان بەرگى ەڭ زور كولەمدى قاتىناس ساقشى قىزمەت ورنىنىڭ كاسىپتىك ونەر باسەكە قيمىلىن وتكىزدى. چيڭحاي ولكەلىك قاتىناس ساقشى باس اترەتىنىڭ ورىنباسار باستىعى تيان لي بىلاي دەدى: ۇيرەنگەندى كادەگە جاراتۋعا، ۇيرەنگەندى ىسكە اسىرۋعا ٴمان بەرىپ، چيڭحايدىڭ قاتىناس ساقشىسىنىڭ قىزمەت ورنىنىڭ شەبەرلىك ورەسىن جالپى بەتتىك جوعارىلاتىپ، قوعام حاۋىپسىزدىگى قاتىناس باسقارۋ قىزمەتىنىڭ ايتارلىقتاي قىزمەت وتەۋ سيپاتىن تولىق كورنەكتىلەندىرىپ، قالىڭ حالىق بۇقاراسىنا ٴتىپتى دە جاقسى قىزمەت وتەۋ كەرەك.


    حۋنان ولكەلىك دامۋ جانە رەفورما كوميتەتى حالىق بۇقاراسى ەڭ كوڭىل ٴبولىپ وتىرعان، ەڭ تىكە، ەڭ رەال ماسەلەلەردى شىعار ٴتۇيىن ەتىپ، بيىلدان بەرى بۇكىل ولكەدەگى 33 كورىنىس رايونى ەسىك بەلەتى باعاسىن تومەندەتتى، 16 كورىنىس رايونى سايكەستى قىزمەت وتەۋ باعاسىن تومەندەتتى، 6 جاڭا كورىنىس رايونى تەگىن اشىلدى . حۋنان ولكەلىك دامۋ جانە رەفورما كوميتەتى باعا اقى الۋ باسقارماسىنىڭ ورىنباسار باستىعى حي باي بىلاي دەدى: بۇل قاراجاتتى تومەندەتۋ كەزەكتەگى باعا قىزمەتىندەگى ماڭداي الدى ٴىرى ٴىس . ٴبىز ٴتۇرلى شارالار قولدانىپ، وزىندىك قۇندى تومەندەتۋ سىندى وسى شارالاردىڭ ناقتى تياناقتانۋىنا شىنايى كەپىلدىك ەتتىك.


    فۋجيان ولكەلىك ونەركاسىپ-ساۋدا بىرلەستىگىنىڭ ەكونوميكالىق بايلانىس ٴبولىمى قالىڭ حالىق باسقارۋىنداعى كاسىپورىندارمەن تىعىز بايلانىس ورناتىپ، «مىڭ كاسىپورىن مىڭ قىستاققا كومەكتەسۋ» قيمىلىن ورىستەتىپ، ٴتىپتى دە كوپ حالىقتىق كاسىپورىنداردىڭ ساۋدا قوعامدارىن كەدەيلىكتەن قۇتىلدىرۋدان قامال الۋ شايقاسىنا قاتىناسۋعا جەتەلەدى. فۋجيان ولكەسى ونەركاسىپ ـ ساۋدا بىرلەستىگى ەكونوميكالىق بايلانىس ٴبولىمىنىڭ ورىنباسار باستىعى چىن شياڭدۇڭ بىلاي دەدى: بايىرعى توڭكەرىستىك رايون سوۆەتتىك رايونىنىڭ جالپى بەتتىك دوڭگەلەك داۋلەتتى قوعام قۇرۋ اياق الىسىنداعى بىردە ـ بىرەۋى قاتاردان قالماۋىنا كەپىلدىك ەتۋدى بورىش ەتىپ، جاۋاپكەرشىلىك ارقالاپ، حالىق باسقارۋىنداعى كاسىپورىنداردى بايىرعى توڭكەرىستىك رايون، كەدەي قىستاق، كەدەي بۇقارانىڭ ناقتى قيىنشىلىعىنا نازار اۋدارۋعا جەتەلەپ، كەدەيلەردى سۇيەمەلدەۋ بايلىعىن ەگجەي ـ تەگجەيلى ورنالاستىرۋ كەرەك.

اۋدارعان: كۇلان ىرىسباي قىزى