«اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىن ورىستەتۋ جايلى، ىشكەرىلەي ۇيرەنۋ، ماسەلەلەردى تەكسەرۋ، ونىمدىلىكتى جەبەۋ --گۋاڭدۇڭ، گۋاڭشي، حاينان قاتارلى جەرلەر تاقىرىپتىق تاربيەنى تىڭعىلىقتى ىلگەرىلەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 15:17:00

 

    شينحۋا اگەنتتىگىنىڭ حابارى: «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى جاپپاي ورىستەتىلگەننەن بەرى، گۋاڭدۇڭ، گۋاڭشي، حاينان سىندى 3 جەر ورتالىقتىڭ تالابىن تىعىز ارقاۋ ەتىپ، تىڭعىلىقتى ىلگەرىلەتىپ، تاقىرىپتىق تاربيەنى قازىرگى ورىستەتىلىپ جاتقان قىزمەتتەرمەن بارىنشا ۇشتاستىرىپ، كەڭ كولەمدى ۇيرەنۋ ـ تاربيەلەۋ، ىشكەرىلەي تەكسەرۋ ـ زەرتتەۋ، مۇقيات تەكسەرىپ جانە كۇش سالا تۇزەتىپ، تياناقتاندىرىپ، تاقىرىپتىق تاربيەنىڭ ناقتى ونىمدىلىككە قول جەتكىزۋىن جەبەدى.


    7-ايدىڭ 1-كۇنى گۋاڭدۇڭ ولكەسى «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىنىڭ ىزگى ىستەرىنەن بايانداما جاساۋ ٴماجىلىسىن اشىپ، بۇكىل ولكەنىڭ ٴارقايسى شەبىنەن كەلگەن 1400 پارتيالى كادرعا اۋەلگى ماقسات تاربيەسىن جۇرگىزدى. «سارىسقا قارسى تۇرۋدا ەڭبەك كورسەتكەن ارداگەر» جۇڭ نانشان، «ديحان اكادەميك» لۋ يۇڭگىن، «ٴىرى ەل شەبەرى» سۋ چۋانكى قاتارلى 7 تاڭداۋلى پارتيا مۇشەسى اۋەلگى ماقساتتى ۇمىتپاۋداعى اسەرلى حيكايالارىن بايىمداپ، بورىشتى ەستە بەرىك ساقتايتىن داۋىرلىك جاۋاپكەرشىلىكتەرىن ايگىلەدى.


    6-ايدىڭ ورتا شەنىندە گۋاڭشيدىڭ كوپ جەرى تاسقىن اپاتىنا ۇشىرادى، اۆتونوميالى رايوندىق پارتكوم مەن ۇكىمەت بۇكىل رايونداعى ٴار دارەجەلى قاتىستى تاراۋلاردان «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىبىنداعى تاربيەنى تاسقىننان ساقتانۋ، اپاتتان قۇتقارۋ قىزمەتىمەن ۇشتاستىرىپ، حالىقپەن تىنىستاس، تاعدىرلاس، جۇرەكتەس بولىپ، تاسقىننان ساقتانۋ، اپاتتان قۇتقارۋ شايقاسىندا اۋەلگى ماقساتتى ۇمىتپاي، بورىشتى امالياتتا ايگىلەۋدى تالاپ ەتتى. بۇكىل رايونداعى ٴار دارەجەلى پارتيا مۇشەلەرى، كادرلار، بۇقارا، قارۋلى ساقشى كوماندير-جاۋىنگەرلەرى، ٴورت ٴوشىرۋ، ورتتەن ساقتانۋ كوماندير-جاۋىنگەرلەرى شۇعىل اتتانىسقا كەلىپ، ٴتۇرلى قۇتقارۋ-كومەكتەسۋ مىندەتتەرىنە بار كۇشپەن ات سالىستى.


    6-ايدىڭ 29-كۇنى حاينان ولكەلىك پارتكومنىڭ رەفورمانى تەرەڭدەتۋ كەڭسەسى بارلىق پارتيالى كادرلاردى لينگاۋ اۋدانى پوليان قالاشىعى دوشيان قىستاعىنا بارىپ اۋەلگى ماقساتتى ۇمىتپاي، بورىشتى ەستە بەرىك ساقتاۋ تاقىرىبىنداعى پارتيا كۇنى قيمىلىن ورىستەتۋگە ۇيىمداستىردى. بارلىق پارتيالى كادرلار قىستاق كادرلارىمەن اڭگىمە ماجىلىس وتكىزىپ، وسى قىستاقتىڭ دامۋىنا اقىل ـ كەڭەس بەردى، ٴارى لينگاۋ ٴمۇيىسى ازاتتىق ەسكەرتكىش سارايىن ەكسكۋرسيالاپ، توڭكەرىس ىزدەرىن باسىپ، پارتيالىلىق تاربيەنى قابىلداپ، توڭكەرستىك رۋحتى ۇيرەندى.

اۋدارعان: نازار ٴارىپ ۇلى