مەملەكەتتىك كەڭەس قوعامدىق قامسىزداندىرۋ اقىسىن تومەندەتۋ قىزمەتىن شىنايى جاقسى ىستەۋدى تالاپ ەتتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-07-11 15:19:00

 

    ٴوز حابارىمىز: 7-ايدىڭ 10-كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە قوعامدىق قامسىزداندىرۋ اقىسىن تومەندەتۋ قىزمەتىن شىنايى جاقسى ىستەۋ تالاپ ەتىلىپ، مەملەكەت مەنشىگىندەگى كاپيتالدىڭ ٴبىر بولەگىن قوعامدىق قامسىزداندىرۋ قورىن تولىقتىرۋعا جوتكەۋ بەلگىلەندى.


    قوعامدىق قامسىزداندىرۋ اقىسىن تومەندەتۋ-كاسىپورىنداردىڭ اۋىرتپالىعىن جەڭىلدەتىپ، بازار تۇلعاسىنىڭ ومىرشەڭدىك قۋاتىن ارتتىرۋداعى ماڭىزدى شارا. مەملەكەتتىك كەڭەس كەڭسەسى باسىپ تاراتقان « قوعامدىق قامسىزداندىرۋ وتەمى مولشەرىن تومەندەتۋ جالپىلىق جوباسىندا » بىلاي دەپ ايقىن بەلگىلەندى: 2019 -جىلى 5-ايدىڭ 1-كۇنىنەن باستاپ قالا-قالاشىقتاعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ ورىندارىندا تاپسىراتىن اقى سالىستىرماسىن تومەندەتكەندە، مەكەمە تاپسىرعان قاراجات سالىستىرماسى %16 تەن جوعارى ولكەلەردە % 16 كە دەيىن تومەندەتۋگە بولادى. قازىر ساياساتتىڭ تياناقتانعانىنا ەكى ايدان استى، بۇكىل ەلدەگى 31 ولكە قوعامدىق قامسىزداندىرۋ اقىسىن تومەندەتۋ جوباسىن جاريالاپ، قالا-قالاشىقتارداعى جۇمىسشى-قىزمەتكەرلەردىڭ نەگىزگى زەينەتكەرلىك قامسىزداندىرۋ ورىندارىنىڭ اقى تاپسىرۋ سالىستىرماسىن ٴبىر جولدا تومەندەتتى، سونداي-اق جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋ اقى مولشەرىن كەزەڭ بويىنشا تومەندەتتى.


    ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسى بىلاي دەدى : جوبا بويىنشا، مەجەمەن بيىل زەينەتكەرلىك قامسىزداندىرۋ وتەمى ٴۇشىن 190 ميلليارد يۋاننان استام اۋىرتپالىق جەڭىلدەتىلەدى، كاسىپورىنداردىڭ جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋ وتەمى ٴۇشىن 110 ميلليارد يۋاننان استام اۋىرتپالىق جەڭىلدەتىلەدى، 3 قامسىزداندىرۋ تۇرىندە تۇتاس جىلدا قوعامدىق قامسىزداندىرۋ وتەمى ٴۇشىن 300 ميلليارد يۋاننان استام اۋىرتپالىق جەڭىلدەتىلەدى . قاتىستى ساندى مالىمەتتەرگە نەگىزدەلگەندە، الدىڭعى جارىم جىلدا كاسىپورىن جۇمىسشى - قىزمەتكەرلەرىنىڭ نەگىزدىك زەينەتكەرلىك قامسىزداندىرۋى، جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋ وتەمى 128 ميلليارد يۋاننان استام ازايعان، ەلىمىزدىڭ ٴتۇرلى قوعامدىق قامسىزداندىرۋ قورىنىڭ اينالىمى جالپى جاقتان ورنىقتى بولىپ، ۋاعىندا، تولىعىمەن تولەۋگە كەپىلدىك ەتىلەدى.

اۋدارعان: ٴسانيا قازەك قىزى