ورتالىق ۇگىت ٴبولىمى يۇي يۋانجۇنگە «ٴداۋىر ۇلگىسى» اتاعىن بەردى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-08-13 09:51:00

 

    شينحۋا اگەنتتىگىنىڭ حابارى: بۇكىل پارتيادا «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسى ىشكەرىلەي ورىستەتىلگەن ساتتە، ورتالىق ۇگىت ٴبولىمى 8-ايدىڭ 9-كۇنى بەيجيڭدە يۇي يۋانجۇننىڭ ىزگى ىستەرىن ۇگىتتەۋدى جاريالاپ، وعان «ٴداۋىر ۇلگىسى» اتاعىن بەردى.


    يۇي يۋانجۇن كوزى تىرىسىندە حۋنان ولكەلىك سۋ يگىلىگى مەڭگەرمەسىنىڭ ورىنباسار باس ينجەنەرى ٴارى دۇڭتيڭحۋ سۋ يگىلىگى قۇرىلىسىن باسقارۋ مەكەمەسىنىڭ باس ينجەنەرى بولاتىن . ول اۋەلگى ماقساتتى ۇمىتپاي، بورىشتى ەستە بەرىك ساقتاپ، سۋ يگىلىگى سالاسىندا تابانى كۇرەكتەي 25 جىل ەڭبەك ەتىپ، دۇڭتيڭحۋ كولىن حاۋىپتەن ارىلتىپ، ۇتىمدى پايدالانۋعا بار ٴومىرىن ارنادى؛ ول قاتاڭ دا ناقتى ٴىس تىندىرىپ، باتىلدىقپەن جاڭالىق اشىپ، ەكولوگيانى قورعاۋ مەن جونگە سالۋدى عىلمي ٴبىر تۇتاس جوسپارلاپ،قاشاندا كاسىپ جاراتۋ ىنتاسى مەن العا باسۋ قىزعىندىلىعىن ساقتادى ؛ ول قىزمەت بارىسىندا كىرشىكسىز بولىپ، قىرۋار قارجى وبيەكتىلەرىن باسقارىپ، جەكە باس پايداعا سالىنبادى؛ ول جاستاردى تاربيەلەپ، وزىنە كەلەر-كەتەرمەن ەسەپتەسپەي، ماماندانعان سۋ يگىلىگى قىزمەت قوسىنىن بارلىققا كەلتىردى. 2019 ـ جىلى 1 ـ ايدىڭ 19 ـ كۇنى جالعاستى كوپ كۇن ارىپ-شارشاپ قىزمەت ىستەگەندىكتەن سۋ يگىلىگى ينجەنەرياسى جۇمىس ورنىندا 46 جاسىندا قازا بولدى.

اۋدارعان: گۇلميرا قوزىقان قىزى