جەر-جەر ورتا كۇز مەرەكەسىن قۋانا قارسى الۋدا
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 16:01:00


    ٴوز حابارىمىز: ورتا كۇز مەرەكەسى مەن مەملەكەت مەرەكەسى تاياپ قالدى، وتانىمىزدىڭ جەر ـ جەرى شىت جاڭا بەينەگە ەندى، كوپشىلىك تارتىمدى قيمىلدار ارقىلى وتانشىلدىق سەزىمدى بەينەلەپ، جاڭا ٴداۋىردى القادى.


    سوڭعى كۇندەرى جيليننىڭ جياۋحى وزەنىندە ايدارگۇل، گولانديا گۇلى قاتارلى 20 نەشە ٴتۇرلى الۋان گۇل-ٴشوپ كوركەم كورىنىس قالىپتاستىردى. جىجياڭ ولكەسى چۇيجوۋ قالاسى كايحۋا اۋدانى دا ساتىلى اتىز جاساپ ەككەن كۇرىشتەن مول ٴونىم الۋ الدىندا تۇر.


    چۇڭچيڭ قالاسىندا «مەن جانە وتانىم» قيمىلى كوپتەگەن قالا تۇرعىندارىن باۋرادى. سىچۋاننىڭ بەيچۋان اۋدانىندا، چياڭزۋ، زاڭزۋ، حۇيزۋ، حانزۋ قاتارلى 33 ۇلت بۇقاراسى ٴبىر اراعا باس قوسىپ، ساۋىق-سايران سالىپ، وتانعا اق جارما تىلەك تىلەدى. جياڭشيدىڭ نانچاڭ قالاسىندا نەشە ٴجۇز ادام “ سۇيىكتى جۇڭگو ” ٴانىن بىرلىكتە شىرقادى . گۋاڭشيدىڭ چيڭشيۋ تاۋىنداعى جۇزگە جۋىق شىراق كورمەسى وتانىمىزدىڭ قارىشتاپ دامىعاندىعىن ايگىلەدى. حاڭجوۋدا 8-كەزەكتى شيحۋ حور فەستيۆالى 70 الاڭدا بىرگە ويىن قويىپ، بۇكىل قالانى دۋمانعا بولەدى.تارتىمدى ويىن نومىرلەرى جۇڭحۋا ۇلتىنىڭ قۇدىرەتتەنۋ ۇلى بارىسىن سۋرەتتەدى.


   «سۇيەم سەنى، جۇڭگو» مۋزيكاسىنىڭ كوتەرىلۋىنە ىلەسە، ۋحانداعى 200 ۇشقىشسىز ۇشاق قالا قورعانىنىڭ تۇنگى اسپانىندا قالىقتاپ، «مەن جۇڭگونى سۇيەمىن» دەگەن لۋزينكالار كورەرمەندەردىڭ وتانشىلدىق ىنتاسىن جالىنداتتى.


    جاڭا جۇڭگو قۇرىلعاندىعىنىڭ 70 جىلدىعىن قارسى الۋ ٴۇشىن، سولتۇستىك شەكارا وڭىردەن قارلى ۇستىرتكە دەيىن بەس جۇلدىزدى قىزىل تۋ وتانىمىزدىڭ جەر-جەرىندە جەلبىرەپ، قويۋ مەرەكەلىك تۇسكە بولەدى. «جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ. مەملەكەت تۋىن ارداقتاۋ» قيمىلى بىرنەشە كۇننەن بەرى بەيجيڭ، شاڭحاي، نانجيڭ، گۋاڭجوۋ، شىنجىن قاتارلى جەرلەردە ورىستەتىلدى.

اۋدارعان: گۇلجان زارقىنبەك قىزى