حاينان ولكەسى سەنىمدىلىك ەسىمدىگىن ٴتورت تۇسكە ٴبولۋ مەحانيزمىن جاسامپازدىقپەن ىسكە قوستى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2019-09-11 16:14:00

 

    ٴوز حابارىمىز: مەملەكەتتىك كەڭەستىڭ 6-رەتكى زور تەكسەرۋىنىڭ 10-تەكسەرۋ گرۋپپاسى تاياۋدا حاينان ولكەسىندە تەكسەرۋ جۇرگىزۋ بارىسىندا مىنانى بايقادى: حاينان ولكەسى قىزىل-قارا تىزىمدىكتەردى قايتالاي تۇرگە ٴبولۋ ٴتۇزىمى مەن شوعىرلى تۇردە ۇقىق بەرۋ قالىبىن ىسكە قوسىپ، قىزىل، سارى، كوك، جاسىل سياقتى ٴتورت تۇسكە ٴبولىپ، بۇكىل ولكەنىڭ الەۋمەتتىك بايلىق ساۋدا تەكشەسىنە سۇيەنە وتىرىپ، 3 تۇردەگى باستى تۇلعا مەن ساۋدانىڭ 6 ماڭىزدى بۋىنىنىڭ سەنىمدىلىگىن انىقتاۋعا جانە بىرلەسىپ سيلاۋ- جازالاۋعا دەم بەرەدى. تەكسەرۋ گرۋپپاسىنداعىلار بىلاي دەپ قارادى: وسى ٴادىس سەنىمدىلىكتەن ايىرىلعانداردىڭ اتتاپ باسۋىن قيىنعا سوقتىرىپ، سەنىمدىلەردى شابىتتاندىرادى.


    ۇعىسۋعا قاراعاندا، مەملەكەتتىك دامۋ-رەفورما كوميتەتى قاتارلى مينيسترلىك-كوميتەتتەر 2015-جىلدان بەرى سەنىمدىلىكتى بىرلەسىپ سيلاۋ-جازالاۋعا ساياتىن 51 ٴتۇرلى ەسكەرتپەنى ىلگەرىندى-كەيىندى بىرلىكتە جاريالادى ٴارى كوپتەگەن سالادا مەملەكەتتىك ٴبىرتۇتاس ولشەمدەگى قىزىل-قارا تىزىمدىكتەر ٴتۇزىمىن ورتاعا قويدى. الايدا ۇقساماعان سالالار مەن تۇرلىشە فورماداعى قىزىل-قارا تىزىمدىكتەردىڭ ىستەتىلۋ اۋماعى، سيلاۋ-جازالاۋ دەڭگەيى ٴبىر-بىرىنە ۇقسامادى.

اۋدارعان: امانتاي مۇسايىپ ۇلى