جاستار بىرلەستىگى، وقۋشىلار بىرلەستىگى، پيونەرلەر وتريادى سىياقتى ۇيىمدارعا رەفورما جۇرگىزۋ جوباسى باسىپ تاراتىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-03-20 16:44:00

 

    ٴوز حابارىمىز: تاياۋدا، ورتالىقتىڭ بەكىتۋىمەن «مەملەكەتتىك جاستار بىرلەستىگىن رەفورمالاۋ جوباسى»، «وقۋشىلار بىرلەستىگى ۇيىمىن رەفورمالاۋ جوباسى»، «پيونەرلەر وتريادىن رەفورمالاۋ جوباسى» رەسمي باسىپ تاراتىلدى. وندا اتالعان ۇيىمداردى رەفورمالاۋدىڭ جەتەكشى يدەياسى، نەگىزگى پرينسىبى، نەگىزگى نىساناسى جانە ماڭىزدى شارالارى ايقىن كورسەتىلگەن.

 

پارتيانىڭ 18-قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرىنىڭ مۇراگەرلەرىن تاربيەلەۋ سىندى ستراتەگيالىق تۇرعىدا، جاستاردىڭ اقاۋسىز ەرجەتۋىنە وسكەلەڭ ٴمان بەرىپ، اتالعان ۇيىمداردىڭ قىزمەتىنە ايىرىقشا كوڭىل ٴبولدى. باس شۋجي شي جينپيڭ بىلاي دەپ باسا دارىپتەگەن بولاتىن: جاستار بىرلەستىگى مەن وقۋشىلار بىرلەستىگى-پارتيانىڭ جۇرتشىلىق توبى ىستەرىنىڭ ماڭىزدى قۇرامداس بولەگى. جاستار بىرلەستىگى مەن وقۋشىلار بىرلەستىگى ساياسي سيپاتتى، العاباسارلىق سيپاتتى، بۇقارالىق سيپاتتى ساقتاپ جانە كۇشەيتىپ، وزىندىك رەفورمانى ۇزدىكسىز ىلگەرلەتىپ، وزىندىك بورىشتى مۇقيات ادا ەتىپ، قالىڭ جاستار قاۋىمىن باستاپ، پارتيانىڭ سوڭىنان ىلەسۋى ٴتيىس. پيونەرلەر وتريادى ۇيىمىنىڭ بورىشتى ەستە بەرىك ساقتاپ، جاس وسپىرىمدەرگە جەتەكشىلىك ەتىپ، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋعا ساقاداي ساي بولۋىن ٴۇمىت ەتەمىز.

 

باس شۋجي شي جينپيڭ جاستار بىرلەستىگى، وقۋشىلار بىرلەستىگى، پيونەرلەر وتريادى سىياقتى ۇيىمدارعا ايىرىقشا كوڭىل ٴبولىپ، كوپ رەت ماڭىزدى بەكىتۋ نۇسقاۋ بەردى. ورتالىق شۋجيچۋ كەڭسەسى قاتىستى رەفورما جوبالارىن قاراپ ماقۇلدادى، ورتالىقتىڭ رەفورما كەڭسەسى ناقتىلى جەتەكشىلىك ەتتى جانە باعالاۋ جۇرگىزدى.

 

اۋدارعان: شالقار قازەز ۇلى