ا ق ش ادىليا مينسترلىگى ەرەكشە پروكرور تاعايىنداپ، ترامپ سايلاۋ ۇيىرمەسى مەن رەسەيدىڭ قارىم قاتىناسىن تەكسەرەدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-05-19 09:53:00

 

    شينحۋا اگەنتتىگىنىڭ حابارى: ا ق ش ادىليا مينسترىنىڭ ورىنباسارى روسىنستان مامىردىڭ 17-كۇنى فەدەراتسيالىق تەكسەرۋ مەكەمەسىنىڭ بۇرىنعى باستىعى روبەرت. ميلدىڭ ەرەكشە پروكرور بولىپ تاعايىندالىپ،ترامپ سايلاۋ ۇيىرمەسى مەن رەسەيدىڭ قارىم قاتىناسىن تەكسەرۋگە جاۋاپتى بولاتىندىعىن جاريالادى. روبەرت. ميل سول كۇنى اتالعان مىندەتتى قابىلدادى.

 

روسىنستان بىلاي دەدى: بۇل ۇيعارىمدى شىعارىلۋى قىلمىستى ىستىڭ قوزعالعاندىعىنان نەمەسە وسى جونىندە ارىز شاعىم تۇسكەندىكتەن ەمەس. ەرەكشە پروكرور تاعايىنداۋ- وسى ٴىس جونىندە جاۋاپكەرشىلىك ارقالاۋ ٴۇشىن. بۇل حالىقتىڭ مۇددەسىنە ۇيلەسەدى.

 

ا ق ش زاڭى بويىنشا، ٴبىر دەلو مەن ادىليا مينسترلىگىنىڭ ٴمانساپتىلارىنىڭ اراسىندا كومەسكى مۇددە قاقتىعىس بولعان جاعدايدا، ادىليا مينسترلىگى ەرەكشە پروكرور تاعايىنداپ، اتالعان دەلوعا تەكسەرۋ جۇرگىزەدى. ادەتتەگى ادىليالىق پروكرورمەن سالىستىرعاندا، ەرەكشە پروكرور اناعۇرلىم دەربەس بولادى.

 

اۋدارعان: شالقار قازەز ۇلى