7-كەزەكتى ٴۇرىمجى حالىقارالىق ازىق-تۇلىك اس-سۋ جارمەنكەسى باستالدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-05-19 10:51:00

    شينحۋا اگەنتتىگىنىڭ حابارى: 7-كەزەكتى ٴۇرىمجى حالىقارالىق ازىق-تۇلىك اس-سۋ جارمەنكەسى 18-مامىر كۇنى باستالدى، جارمەنكەدە «ٴبىر بەلدەۋ ٴبىر جول» تاقىرىبى كورنەكتىلەنىپ، لەنيا بويىنداعى 40 نەشە مەملەكەت پەن ٴوڭىردىڭ ازىق-تۇلىك كاسپورىندارىن جارمەنكەگە قاتىناسۋعا باۋرادى.

 

جارمەنكەدە رەسەيدىڭ قىزىل شۇجىعى، قىرعىزىستاننىڭ بالى، سيريلانكانىڭ قىزىلٴشايى، فرانسيانىڭ جۇزىم شارابى قاتارلى ەل ٴىشى-سىرتىنىڭ جۇزدەن ارتىق ازىق-تۇلىك تاعامدارى جۇرت نازارىن اۋداردى. ۇيىمداستىرۋ كوميتەتىنىڭ تانستىرۋىنا قاراعاندا، جارمەنكەگە حالىقارالىق ولشەمدە 2500 جارمەنكە ورنى ورناتىلىپ، جالپى جەر كولەمى 70 مىڭ شارشى مەتىر اۋماقتى يەلەپ، ەل ٴىشى-سىرتىنان مىڭعا تاياۋ ازىق-تۇلىك كاسپورنى قاتىناسقان.

 

وسى رەتكى جارمەنكە- حالىقارالىق ازىق-تۇلىك جارمەنكە رايونى، ەل ٴىشى اس-سۋ كاسىبى رايونى، كاسپورىنداردىڭ قىزمەت وتەۋ رايونى، ازىق -تۇلىك تاعامدار رايونى جانە جارىس ونەرىن كورسەتۋ رايونى قاتارلى بەس رايونعا ٴبولىنىپ، ازىق-تۇلىك شيكزاتى، مانەرلەۋ، قوراپتاۋ قاتارلى تۇتاس تىزبەكتى ٴوز ىشىنە قامتىپ، كاسپورىنداردىڭ ٴوزىن ايگىلەۋى مەن كەڭەس وتكىزۋىنە اۋىس-كۇيىس تەكشەسىن جاراتىپ بەرىپ، كوپتەگەن قولايلىقتار جاسادى.

 

جارمەنكە 18-مامىردان 22-مامىرعا دەيىن بولادى، جارمەنكە كەزىندە تاعى جۇڭحۋا اسپازدىق ونەرىن كورسەتۋ، جۇڭگو-شەتەل ايگىلى اسپازدارىنىڭ شينجياڭ بالىعىن پىسىرۋدان ونەر كورسەتۋى، شينجياڭدىق اسپازداردىڭ ونەر كورسەتۋى قاتارلى قيمىلدار ورىستەتىلىپ، ەل ٴىشى -سىرتىنان كەلگەن قوناقتارعا شينجياڭنىڭ اس-سۋ مادەنيەتى تانىستىرىلادى.

 

اۋدارعان: گۇلميرا قوزىقان قىزى