جاڭ دىجياڭ ليۋكسەمبۋرگتىڭ باس ٴۋازىرى باتەلمەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-15 15:07:00

 

    ٴوز حابارىمىز: مەملەكەتتىك حالىق قۇرىلتايى تۇراقتى كوميتەتىنىڭ باستىعى جاڭ دىجياڭ 14-ماۋسىم كۇنى حالىق سارايىندا ليۋكسەمبۋرگتىڭ باس ٴۋازىرى باتەلمەن كەزدەستى.


    جاڭ دىجياڭ بىلاي دەدى: جۇڭگو مەن ليۋكسەمبۋرگ ديپلوماتيالىق قاتىناس ورناتقان 45 جىلدان بەرى، ەكى جاق ٴبىر-بىرىنە قۇرمەت ەتۋ، تەڭ مامىلە جاساۋ، سەلبەسىپ تەڭ يگىلىككە كەنەلۋدەي سەرىكتەستىك رۋحتا تاباندى بولىپ، ٴار سالاداعى ناقتى سەلبەستىگى قوماقتى تابىستارعا قول جەتكىزىپ، مەملەكەت اۋماعى، جان سانى، قوعامدىق تۇزىلىسى جانە دامۋ ساتىسى تۇرلىشە مەملەكەتتەر ارا دوستىق سەلبەستىكتىڭ ونەگەسىنە اينالدى. ٴتوراعا شي جينپيڭ مەن باس ٴۋازىر مىرزا بۇگىن كوپتەگەن ماڭىزدى ورتاق تانىمدارعا كەلدى، بۇل ەكى ەل قاتىناسىنىڭ دامۋىنا باعىت كورسەتتى، جۇڭگو مەملەكەتتىك حالىق قۇرىلتايى ەكى ەل ديپلوماتيالىق قاتىناس ورناتقاندىعىنىڭ 45 جىلدىعىن قۇتتىقتاۋدى وراي ەتىپ، ليۋكسەمبۋرگ پارلامەنتىمەن اۋىس-كۇيىس سەلبەستىكتى اناعۇرلىم نىعايتىپ، ساياسي سەنىمدىلىكتى بەكەمدەپ، ناقتى سەلبەستىككە تاماشا زاڭدىق ساياسات ورتاسىن جاراتىپ، حالىقتىڭ اۋىس-كۇيىس جاساۋىنا دانەكەرلىك ورناتىپ، ەكى جاق قاتىناسىنىڭ اناعۇرلىم دامۋىن جەبەيدى.


    باتەل بىلاي دەدى: مەن باس ٴۋازىر سالاۋاتىممەن جۇڭگوعا ساپارعا كەلگەنىمە قۋانىشتامىن، جۇڭگونىڭ باسشىلارىمەن ەكى جاقتىلى قاتىناس جانە حالىقارالىق ماسەلەلەر جايىندا ىشكەرلەي پىكىرلەستىم، ليۋكسەمبۋرگ ەكى ەل قاتىناسىندا جاڭا دامۋلاردىڭ جارىققا شىعۋىن جەبەيدى.

اۋدارعان: گۇلميرا قوزىقان قىزى