جۇڭگو مەن گانا قاتىناسى ايتارلىقتاي دامىدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-06-19 09:57:00

 

    شينحۋا اگەنتتىگىنىڭ حابارى: جۇڭگونىڭ گاناداعى باس ەلشىسى سۇن باۋحۇڭ جۋىردا گانانىڭ استاناسى اكرادا شينحۋا اگەنتتىگىنىڭ تىلشىلىگىن قابىلداعاندا، جۇڭگو مەن گانا قاتىناسىنىڭ بولاشاعى كەڭ، ٴبىر بەلدەۋ ٴبىر جول دارىپتەمەسى ەكى ەل قاتىناسىنا بەلسەندى ىقپال ەتەدى،-دەدى.


    سۇن باۋحۇڭ بىلاي دەدى: جۇڭگو مەن گانانىڭ ٴداستۇرلى دوستىعى تەرەڭ، تاياۋعى جىلداردان بەرى، جۇڭگو مەن گانا قاتىناسى ورنىقتى داٴساتتى دامىپ، ەكى جاق جوعارى جىكتەگىلەردىڭ بارىس-كەلىسى ۇزدىكسىز قويۋلاپ، ساياسيداعى ٴوزارا سەنىمى كۇن سايىن تەرەڭدەتىپ، ەكى جاقتىلى قاتىناس جانە ورتاق كوڭىل ٴبولىپ وتىرعان ماسەلەلەردە تىعىز قارىم-قاتىناستا بولىپ كەلەدى. جۇڭگونىڭ وزەكتى تۇيىنى مەن ماڭىزدى مۇددەسىنە ساياتىن ماسەلەلەردە، گانا جۇڭگونى باستان-اياق باتىل قولداپ كەلەدى، ال جۇڭگو ۇكىمەتى دە گانانىڭ ۇلت تاۋەلسىزدىگى، مەملەكەت قۇرىلىسى، شارۋاشىلىقتىڭ دامۋ فورماسىنا بۇرىلىس جاساۋ جانە رايوندى ٴبىر تۇلعالاندىرۋ قاتارلى جاقتارداعى قۇلشىنىسىن دا باستان اياق قولدادى. جۇڭگو مەن گانا قاتىستى سەلبەستىكتەردى جەبەۋى ٴبىر بەلدەۋ ٴبىر جول دارىپتەمەسىن تياناقتاندىرۋىنىڭ ناقتىلى بەينەسى. گانانىڭ ساياسيى ورنىقتى، بازارى اشىق، بايلىعى مول جانە ەڭبەككۇشى دە جەتكىلىكتى، باتىس افريكا رايونىن دامىتۋ جانە اشۋداعى ۇلگى ەل. گانا جاڭا ۇكىمەتى بيلىك جۇرگىزگەننەن بەرى، دامۋ باستى تاقىرىبىن توڭىرەكتەپ، تەمىر جول، تاس جول قاتارلى كەلەلى نەگىزدىك قۇرىلعى قۇرىلىستاردى جۇرگىزىپ، ونەركاسىپتەندىرۋ بارىسى قاتارلى بىرقانشا ماڭىزدى شارۋاشىلىق جانە قوعامدىق دامۋ پىلاندارىن جاساپ، جۇڭگو مەن گانانىڭ قاتىستى سەلبەستىكتەرىن جەبەۋگە كوپتەپ وراي جاراتتى.

اۋدارعان: نازار ٴارىپ ۇلى