ادىليا مەڭگەرمە، مەكەمەلەردىڭ مەملەكەتتىك اڭگىمە ٴماجىلىسى اشىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-17 10:23:00

 

    ٴوز حابارىمىز: ادىليا مەڭگەرمە، مەكەمەلەردىڭ مەملەكەتتىك اڭگىمە ٴماجىلىسى 16-شىلدە كۇنى حيلۇڭجياڭ ولكەسىنىڭ حاربين قالاسىندا اشىلدى. ماجىلىستە كەمەلدى الەۋمەتتىك زاڭدىق قىزمەت وتەۋ جۇيەسىن قۇرىپ، ادىليا اكىمشىلىك رەفورماسىن جالپى بەتتىك ىشكەرلەتۋ ورتاعا قويىلدى.

 

ادىليا مينيسترى جاڭ جۇن بىلاي دەدى: جەر-جەرلەر ينتەنەت تورابىمەن ۇشتاستىرۋ، ۇيچات قاتارلى وسىزامان ينفورماتسيا تەحنيكاسىنان ويداعىداي پايدالانىپ، «زاڭدىق كەڭەس بەرۋ، قايشىلىقتار مەن تالاس-تارتىستاردى باسەيتۋ، قينشىلعى بار بۇقارانىڭ ۇقىعىن قورعاۋ، زاڭدىق قىزمەت وتەۋگە جەتەكشىلىك ەتۋ جانە قامداۋ» قاتارلىلار نەگىزىندە ٴبىرتۇتاس زاڭدىق قىزمەت وتەۋ توراپ تەكشەسىن قۇرىپ، ادۋاكاتتار ورنى، الەۋمەتتىك كۋالاندىرۋ ورنى، ادىليالىق ساراپتاۋ قۇرلىمى، زاڭدىق كومەك بەرۋ ورتالىعى قاتارلى ٴبىر توپ ناقتى زاڭدىق قىزمەت وتەۋ قۇرلىمدارىن تۇراقتاندىرىپ، بۇقاراعا ٴبىر تۇتاس زاڭدىق قىزمەت وتەۋ تەكشەسىن قۇرىپ بەرۋى كەرەك، جۇرتشىلىق زاڭدىق ماسەلەگە جولىققاندا وسى تەكشەدەن كومەك سۇراپ، ونداعى ۇزدىك ادۋاكات، كۋالاندىرۋشى، ادىليالىق ساراپتاۋشى قاتارلىلاردان توراپتا كەڭەس سۇراۋىنا بولادى، ۋاكىلدىك قۇرلىم ٴوزى قاراستى قۇرلىم اتىنان جۇرتشىلىققا كەڭەس بەرىپ، ولاردىڭ زاڭدىق سۇراۋىنا جاۋاپ بەرەدى.

 

ادىليا مينيسترلىگى قازىر ادىلياعا اكىمشىلىك جاقتان زاڭدىق قىزمەت وتەۋ قامباسىن زەتتەپ قۇرۋ قىزمەتىن ۇيىمداستىرۋدا، بۇل ٴوڭىر مەن تۇرگە ٴبولىنىپ، كاسپتىك ٴبىلىم قامباسى، زاڭدىق كەڭەس بەرۋ قامباسى جانە ەمتيحان دەلو قامباسى بولىپ قۇرىلادى.

 

اۋدارعان: گۇلميرا قوزىقان قىزى