ليۋيۇنشان رۋمەنيادا رەسمي دوستىق ساپاردا بولدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-07-17 10:23:00

 

    شينحۋا اگەنتتىگىنىڭ حابارى: رۋمەنيا سوتسيال دەموكراتيا پارتياسىنىڭ ٴتوراعاسى، قاۋىم پالاتاسىنىڭ باستىعى دراگەنيانىڭ ۇسىنىسىمەن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجي چۋدىڭ شۋجيى ليۋيۇنشان 12-شىلدەدەن 15-شىلدەگە دەيىن رۋمەنيادا رەسمي دوستىق ساپاردا بولدى، ول بۇحارەستە دراگەنيامەن جانە زۇڭلي تۋدوسايمەن جەكە-جەكە كەزدەستى، سونداي-اق« 2017 جۇڭگو- شىعىس ورتا ەۋروپا ەلدەرى ساياسي پارتيالار سۇحبات جينالىسىنا» قاتىناستى. ليۋيۇنشان دراگەنيامەن كەزدەسكەندە بىلاي دەدى: ەكى ەلدىڭ بيىلىك باسىنداعى پارتيالارى جوعارى ساتىداعىلار اۋىس-كۇيىسىن نىعايتىپ، جەرلىك ورىنداردىڭ، جاستاردىڭ جانە ايەلدەر ۇيىمدارىنىڭ بارىس-كەلىسىن ارتتىرىپ، ەكى ەل دوستىعىنىڭ ساياسي نەگىزى مەن قوعامدىق نەگىزىن جالعاستى بەكەمدەۋى كەرەك.

 

ليۋيۇنشان تۋدوسايمەن كەزدەسكەندە ونىڭ جاڭا كەزەكتى ۇكىمەتكە زۇڭلي بولعاندىعىن قۇتتىقتادى، ول بىلاي دەدى: ەكى جاقتان «ٴبىر بەلدەۋ ٴبىر جول» قۇرلىسىن جانە وسى جۇلگەدەگى « 16+1 سەلبەستىگى» تەكشەسىنىڭ رولىن ويداعىداي ساۋلەلەندىرىپ، ەكى ەلدىڭ شارۋاشىلىق-ساۋدا، ەنەرگيا، فينانس، مادەنيەت، وقۋ-اعارتۋ، كوركەمونەر، ساياحات قاتارلى سالالارداعى ناقتى سەلبەستىگىنىڭ قوماقتى ناتيجەگە جەتۋىن ٴۇمىت ەتەمىن.

 

ليۋيۇنشان ساپار بارىسىندا «2017 جۇڭگو- شىعىس ورتا ەۋروپا ەلدەرى ساياسي پارتيالار سۇحبات جينالىسىنا» قاتىناسىپ، « جىبەك جولى رۋحىن ساۋلەلەندىرىپ، جۇڭگو مەن شىعىس ورتا ەۋروپا ەلدەرى حالقىنىڭ تاماشا بولاشاعىن بىرگە جاراتايىق» دەگەن تاقىرىپتا لەكسيا جاسادى. جينالىستان ىلگەرى ليۋيۇنشان «ٴبىر بەلدەۋ ٴبىر جول» قۇرلىسى فوتو كورمەسى مەن جەرلىك ۇكىمەتتەردىڭ تانىستىرۋ كورمەسىن تاماشالادى.

 

اۋدارعان: گۇلميرا قوزىقان قىزى