ايبىندى ۋادە --- ۇلتتىق رايونداردىڭ كەدەيلىكتەن ارىلتۋ شايقاسىنان قامال الۋ بارىستارى اتتى ارناۋلى حاباردىڭ ٴبىرىنشى ٴبولىمى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-12 09:40:00

 

    ٴوز حابارىمىز: پارتيا 19-قۇرىلتاي قازاننىڭ 18-كۇنى بەيجيڭدە اشىلادى، پارتيا 18-قۇرىلتايىنان بەرى، كەدەيلىكتەن ارىلتۋ شايقاسىنان قامال الۋ--- پارتيا قىزمەتىنىڭ تۇيىنى جانە ەڭ ٴىرى حالىقتىق ينجەنەريا سانالىپ، سان مىڭداعان حالىق جۇرتشىلىعىنىڭ تۇرمىسىنا سايا ماڭىزدى ينجەنەرياعا اينالدى. پارتيا 19 - قۇرىلتايىنىڭ اشىلۋىن قارسى الۋ ٴۇشىن، بۇگىننەن باستاپ ستانسيامىزدا ۇلتتىق رايونداردىڭ بەس جىلدان بەرگى كەدەيلىكتەن ارىلتۋ شايقاسىنان قامال الۋدا قول جەتكىزگەن كەلەلى تابىستارى جونىندەگى « ايبىندى ۋادە--- ۇلتتىق رايونداردىڭ كەدەيلىكتەن ارىلتۋ شايقاسىنان قامال الۋ بارىسى» اتتى ۇلاسپالى حابار بەرىلەدى، بۇگىن «دوڭگەلەك داۋلەتتى قوعامدىق ورەگە جەتۋ جولىندا بىردە ٴبىر ادامدى قالىس قالتىرماۋ كەرەك » دەگەن تاقىرىپتاعى مازمۇندى تىڭدايسىزدار.

 

2015 - جىلى شي جينپيڭ جولداس بىلاي دەگەن بولاتىن: بۇكىل ەلىمىز بويىنشا ٴالى 50 ميلليون كەدەي جان سانى بار، 2020 - جىلعا بارعاندا وسى كەدەي جان سانىن كەدەيلىكتەن بۇكىلدەي قۇتىلدىرۋ كەرەك، بۇل كەزەكتەگى ٴبىزدىڭ ەڭ كوڭىل بولىپ وتىرعان ماسەلەمىز. 2013 - جىلدان 2016 - جىلعا دەيىن، ەلىمىزدە جالپى 55 ميلليوننان استام جان سانى كەدەيلىكتەن قۇتىلىپ، جالعاستى 4 جىل جىلىنا 10 ميلليوننان استام كەدەي جان سانىن كەدەيلىكتەن قۇتىلدىرۋ مىندەتى ورىندالىپ، ەلىمىزدىڭ كەدەيلەردى سۇيەمەلدەۋ تاريحىنداعى ەڭ تاماشا تابىس بولدى.

 

بەس جىلدان بەرى، باس شۋجي شي جينپيڭ 30 رەتتەن استام ەلىمىزدىڭ ٴار قايسى رايوندارىن كوزدەن كەشىردى، ٴتوراعا شي جينپيڭ ىشكى موڭعۇل، شيزاڭ، شينجياڭ، گۋاڭشي، نيڭشيا، چيڭحاي، گانسۋ جانە يۇننان قاتارلى از ۇلت رايونداردى دا ارالاپ، كەدەيلەردى سۇيەمەلدەپ دامىتۋ جونىندە 25 رەتتەن استام ماڭىزدى نۇسقاۋ بەردى. باس شۋجي يۇنناندا جان سانى بىرشاما از ۇلت دۋلۇڭ ۇلتىنىڭ ۋاكىلىمەن كەزدەسكەندە دوڭگەلەك داۋلەتتى قوعامعا قول جەتكىزۋدە بىردە ٴبىر ۇلت قاعىس قالمايدى دەگەن بولاتىن.

 

ٴار جىلعى ەكى ماجىلىستە، باس شۋجي شي جينپيڭ از ساندى ٴبىر ۇلتتىق رايون ۋاكىلدەر ۇيىرمەسىنىڭ تالقى قىزمەتىنە قاتىناسىپ، دالمە-ٴدال سۇيەمەلدەۋ قىزمەتىن جاقسى ىستەۋ جونىندە اسكەري سەرت بەرىپ، ٴار ٴبىر وتباسىنا بارىپ، كەدەيلەردى شينايى سۇيەمەلدەۋ كەرەك دەگەندى تالاپ ەتكەن. بيىلعى ەكى ٴماجىلىس كەزىندە باس شۋجي سىچۋان ولكەسى ۋاكىلدەر ۇيىرمەسىنىڭ تالقىسىنا قاتىناسقان كەزدە: كەدەيلىكتەن قۇتىلدىرۋدان قامال الۋ قىزمەتىن ٴار بىر قىستاق جانە ٴارقايسى وتباسىنا دەيىن جۇرگىزىپ، كىمدى سۇيەمەلدەۋ، قالاي سۇيەمەلدەۋ قاتارلى قىزمەتتەردى شىنايى جاقسى ىستەۋ كەرەك، مۇندا كەيبىر قىزمەتتەردى دەن قويا ورىنداۋعا تۋرا كەلەدى دەگەن بولاتىن.

 

مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ جاۋاپتىسى : باس شۋجي شي جينپيڭ ٴوزى باس بولىپ، وز قولىمەن ورنالاستىرۋ جاساپ، ٴوزى قۋزاۋ سالعاندىقتان، جەر - جەردەگى ٴبىرىنشى قول باسشىلار ىسكە كىرىسىپ، كەدەيلەردى سۇيەمەلدەۋ قىزمەتى شىنايى جۇرگىزىلدى دەدى.

 

بەس جىلدان بەرى، ج ك پ ورتالىق كوميتەت كەڭسەسى مەن مەملەكەتتىك كەڭەس كەڭسەسى ىلگەرىندى - كەيىندى 11 رەت سايكەستى قۇجات شىعاردى، ورتالىق پەن مەملەكەت ورگاندارىنىڭ ارقايسى تاراۋلارى 118 ٴتۇرلى ساياساتتىق قۇجات نەمەسە اتقارۋ جوباسىن جاريالادى، جەر - جەر كەدەيلىكتەن قۇتىلدىرۋ شايقاسىنان قامال الۋدىڭ جەلىلەس قۇجاتتارىن جاريالادى جانە كەمەلدەندىردى. شىعىس بولەكتەگى 9 ولكە قالا سالالار بويىنشا باتىس بولەكتەگى 12 ولكەدەگى 30 ۇلتتىق اۆتونوميالى وبىلىسىنا كومەكتەسىپ، شىعىس بولەكتەگى شارۋاشىلىق كۇش قۋاتى مىعىم 267 اۋدان باتىس بولەكتەگى 406 كەدەي اۋدانعا كومەك قولىن سوزىپ، تۇرمىستا قيىنشىلىعى بار ٴار ۇلت حالقىن بايۋ جولىنا باستادى.

 

اۋدارعان: قاناتبەك جۇماباي ۇلى