ورتالىقتىڭ 3 ميلليارد 270 ميلليون كومەك قارجىسى وڭتۇستىك شينجياڭداعى كەدەي وتباسىلارىنىڭ بەيقۇت ۇي قۇرىلىسىنا بوساتىلدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-12 09:44:00

 

    شينحۋا اگەنتتىگىنىڭ حابارى: جىل باسىنان بەرى، شينجياڭ وتباسى سايىن 16 مىڭ يۋان بولشەم بويىنشا ورتالىق قازىنانىڭ بەيقۇت ۇي قۇرىلىسىنا بەرىلەتىن ەكى توپتاعى 3 ميلليارد 270 ميلليوندىق قوسىمشا كومەك قارجىسىن ٴار قايسى اۋدان قالالارعا تاراتىپ بەرىپ، وڭتۇستىك شينجياڭداعى 4 ايماق وبىلىستاعى كەدەي سەميالارعا تۇيىندى كومەكتەستى.

 

ٴتىلشىنىڭ شينجياڭ ٴۇيعىر اۆتونوميالى رايوندىق قازىنا مەڭگەرمەسىنەن ۇعىسۋىنشا، اۆتونوميالى رايوندىق قازىنا تاراۋلارى جۋىردا قۇرىلىس تاراۋلارىمەن بىرگە ورتالىق قازىنانىڭ بيىلعى 2 - توپتاعى 1 ميلليارد 950 ميلليون يۋان قارجىسىن ارقايسى اۋدان قالالارعا تاراتتى. اقپان ايىندا، العاشى توپتاعى 1 ميلليارد 320 ميلليون يۋان جەر - جەرگە تاراتىلعان بولاتىن. ەكىنشى توپتاعى قارجى بۇكىلدەي شينجياڭداعى ەڭ تومەنگى تۇرمىسى قامتاماسىزداندىرىلاتىن وتباسىلارىنا، اۋىل قىستاقتارداعى كەدەيلەرگە، مۇگەدەك سەميالارعا جانە كەدەيلىك ارحيۆكە ەنگىزىلگەن كەدەي وتباسشىلارىنىڭ كونە ۇيلەرىن وزگەرتىپ سالۋ قۇرىلىسىنا ىستەتىلەدى. شينجياڭ ٴۇيعىر اۆتونوميالى رايوندىق قازىنا مەڭگەرمەسى: جەر- جەر كومەككە يە بولعان وبيەكتىلەردى اشىق جاريالاۋلارى كەرەك، مۇندا قارجىنى ىستەتۋ، قۇرىلىس ماتەريال باعاسى جانە ونى وتباسىلارىنا تاراتىپ بەرۋ سىندى قىزمەتتەردى دە اشىق جۇرگىزىپ، قارجىنىڭ تولىعىمەن دەر كەزىندە سۇيەمەلدەنەتىن وتباسىلارىنا جەتكىزىلۋىنە كەپىلدىك ەتۋدى تالاپ ەتتى.

 

اۋدارعان: قاناتبەك جۇماباي ۇلى