سىرتقى ىستەر مينيسترلىگىنىڭ مالىمدەمەشىسى ب م ۇ حاۋىپسىزدىك القالار كەڭەسىنىڭ 2375- ٴنومىرلى قاۋلىنى ماقۇلداۋى جايلى تىلشىلەردىڭ سۇراۋىنا جاۋاپ قايتاردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 09:16:00

 

    شينحۋا اگەنتتىگىنىڭ حابارى: ب م ۇ-نىڭ حاۋىپسىزدىك القالار كەڭەسى ا ق ش-تىڭ شىعىس بولەك ۋاقىتى بويىنشا قىركۇيەكتىڭ 11-كۇنى سولتۇستىك كورەيانىڭ يادرو سىناعىن جاساۋ ماسەلەسى جايلى 2375- ٴنومىرلى قاۋلىنى ٴبىر اۋىزدان ماقۇلدادى. سىرتقى ىستەر مينيسترلىگىنىڭ مالىمدەمەشىسى گىڭ شۋاڭ قىركۇيەكتىڭ 12-كۇنى وسى جايلى تىلشىلەردىڭ سۇراۋلارىنا جاۋاپ بەرىپ بىلاي دەدى: سولتۇستىك كورەيا حالىقارالىق قوعامنىڭ جالپى بەتتىك قارسى تۇرۋىن ەلەپ-ەسكەرمەي، تاعى ٴبىر رەت يادرو سىناعىن جاساپ، ب م ۇ حاۋىپسىزدىك القالار كەڭەسىنىڭ قاۋلىسىنا اۋىر دارەجەدە قايشى كەلدى. جۇڭگو حاۋىپسىزدىك القالار كەڭەسىنىڭ وسى جايلى قاجەتتى شارالار قولدانۋىن قۇپتايدى. كورەي تۇبەگىنىڭ جاقىن كورشىسى بولعان جۇڭگو تۇبەك جاعدايىنىڭ وزگەرىسىنە قاداعالاي نازار اۋدارادى. تۇبەكتى يادروسىزداندىرۋعا، تۇبەكتىڭ بەيبىتشىلىگى مەن ورنىقتىلىعىن قورعاۋعا، سۇقپات- ٴماسليحات ارقىلى ماسەلەلەردى اقىلداسىپ شەشۋگە تاباندى بولۋ-جۇڭگونىڭ سولتۇستىك كورەيا يادرو ماسەلەسىن شەشۋدەگى، جۇيەدەن حاۋىپسىزدىك القالار كەڭەسىنىڭ وسى ماسەلەنى تالقىلاۋىنا قاتىناسقان كەزىندە ۇستانعان دايەكتى مايدانى. تۇبەك ماسەلەسىن شەشۋدە قاتىستى ٴارقايسى جاقتار تەگىس جاۋاپكەرلىك ارقالاپ، تيەسىلى رولدارىن ساۋلەلەندىرۋلەرى، ناقتىلى شارالار قولدانىپ تۇبەكتىڭ قىسىلتاياڭ جاعدايىن باسەڭدەتىپ، سۇقپات-كەلىسسوزدى قايتا باستاۋلارى كەرەك. سولتۇستىك كورەيا ب م ۇ حاۋىپسىزدىك القالار كەڭەسىنىڭ قاۋلىسىنا بويسىنىپ، حالىقارالىق قوعامنىڭ ۇنىنە قۇلاق اسىپ، يادرو باسقارىلمالى بومبىسىن زەرتتەپ جاساۋىن توقتاتۋى كەرەك. ا ق ش، وڭتۇستىك كورەيا سياقتى جاقتاردا جاعدايدى ونان ارى ۋشىقتىراتىن ارەكەتتەن اۋلاق بولۋلارى ٴتيىس. تۇبەك ماسەلەسى ٴسوزسىز بەيبىت جولمەن شەشىلۋى قاجەت، اسكەري تاسىلمەن شەشۋدەن شىعار جول جوق، جۇڭگو وسى تۇبەكتە سوعىس-بىلىقپالىق بولۋىنا استە جول قويمايدى.

 

اۋدارعان: امانتاي مۇسايىپ ۇلى