لي كىچياڭ حالىقاراداعى باستى شارۋاشىلىق-فينانس قۇرىلىمدارىنىڭ جاۋاپتىلارىمەن بىرلىكتە تىلشىلەردى قابىلدادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 10:39:00

 

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ قىركۇيەكتىڭ 12-كۇنى حالىقاراداعى باستى شارۋاشىلىق-فينانس قۇرىلىمدارىنىڭ جاۋاپتىلارىمەن بىرلىكتە تىلشىلەردى قابىلدادى. جۇڭگو شارۋاشىلىعى جايلى ٴسوز بولعاندا لي كىچياڭ بىلاي دەدى: جۇڭگو شارۋاشىلىعى بيىل ۇستەگى جارىم جىلدا %6.9 ارتتى، سوڭعى جارىم جىلدادا جاقسى ارىندى ساقتايتىن بولادى. شارۋاشىلىقتىڭ ورتا-جوعارى قارقىنمەن ارتۋىن ساقتاپ، ورتا-جوعارى دەڭگەيگە ويىسۋعا سەنىمىمىز كامىل.

 

جيىنعا قاتىناسقان حالىقاراداعى باستى شارۋاشىلىق-فينانس قۇرىلىمدارىنىڭ جاۋاپتىلارى جۇڭگونىڭ اشىق تۇردەگى دۇنيە شارۋاشىلىعى قۇرىلىسىندا كورسەتكەن قۇلشىنىسىن القاپ، جۇڭگو شارۋاشىلىعىنىڭ ارتۋ جانە فورماسى وزگەرىپ، ورەلەنۋ ارىنىنىڭ كۇشتى بولىپ، بولاشاعىنان ٴۇمىت كۇتۋگە بولاتىندىعىن ايتتى. بۇل ٴونىمدى ماكرولىق ساياسات پەن قۇرىلىمدىق رەفورما شاراسىنىڭ ارقاسىندا قولعا كەلگەن، سونداي-اق قوس جاسامپازدىقتىڭ وركەن جايا قانات جايدىرىلىپ، تيجارات ورتاسىنىڭ ۇزدىكسىز جاقسارۋىنان قولعا كەلگەن تابىس بولىپ، دۇنيە شارۋاشىلىعىنىڭ جاندانۋى مەن ارتۋ تەبىنىن ساقتاۋعا پارمەندى تىرەك بولدى ٴارى باسقا ەلدەردى پايدالانۋعا بولاتىن دامۋ تاجىريبەلەرىمەن قامدادى. حالىقاراداعى شارۋاشىلىق-فينانس قۇرىلىمدارى جۇڭگومەن سەلبەستىكتى ونان ارى كۇشەيتىپ، دۇنيە شارۋاشىلىعىنىڭ تەبىندى تۇردە، ۇلاسپالى، تەپە-تەڭ جانە كەڭ قولتىق ارتۋىن بىرلىكتە جەبەيدى.

 

اۋدارعان: امانتاي مۇسايىپ ۇلى