ياڭ جيەچى ا ق ش-تىڭ مەملەكەت ىستەر حاتشىسى تيللەرسونمەن كەزدەستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-13 16:52:00

 

    شينحۋا اگەنتتىگىنىڭ حابارى: يامايكاداعى ساپارىن اياقتاتقانسوڭ جول-جونەكەي ا ق ش-تىڭ ۆاشينگتون قالاسىنا بارعان مەملەكەت ىستەر جوراسى ياڭ جيەچى قىركۇيەكتىڭ 12-كۇنى ا ق ش-تىڭ مەملەكەتتىك كەڭەسىندە ا ق ش مەملەكەت ىستەر حاتشىسى تيللەرسونمەن كەزدەستى.

 

ياڭ جيەچى بىلاي دەدى: جۇڭگو مەن ا ق ش قاتىناسىنىڭ تاماشا دامۋ ارىنىن ساقتاۋ ەكى ەلدىڭ ورتاق مۇددەسىنە ۇيلەسەدى ٴارى حالىقارالىق قوعامنىڭ ورتاق تىلەگى. ٴتوراعا شي جينپيڭ مەن پرەزيدەنت ترامپتىڭ تىكەلەي باسشىلىعىندا جۇڭگو مەن ا ق ش تاياۋدان بەرى ماڭىزدى-بەلسەندى تابىستارعا قول جەتكىزدى. ەكى جاق ەكى ەل باسشىلارىنىڭ ماڭىزدى ورتاق تانىمدارىن مۇقيات تياناقتاندىرىپ، ٴبىرىن- ٴبىرى قۇرمەتتەپ، ٴوزارا تيىمدىلىك جەتكىزىپ، سەلبەستىككە دەن قويىپ، الاۋىزدىقتاردى ٴبىرجايلى ەتىپ، ەكى ەل قاتىناسىنىڭ اقاۋسىز-ورنىقتى دامي تۇسۋىنە كەپىلدىك ەتكەندەرى ٴجون. ٴتوراعا شي جينپيڭنىڭ ۇسىنىسى بويىنشا، پرەزيدەنت ترامپ بيىل جىل سوڭىنا دەيىن جۇڭگودا مەملەكەتتىك ساپاردا بولادى، جۇڭگو ا ق ش-پەن بىرلىكتە قۇلشىنىپ، ترامپتىڭ جۇڭگوداعى ساپارىندا بەلسەندى تابىسقا قول جەتكىزۋىنە جەبەۋشىلىك ەتەدى.

 

تيللەرسون بىلاي دەدى: ا ق ش جۇڭگومەن ەكى ەل قاتىناسىنىڭ دامۋىن ورتاق جەبەۋدى قالايدى. پرەزيدەنت ترامپ بيىل جۇڭگودا مەملەكەتتىك ساپاردا بولۋدى ٴتورت كوزبەن كۇتۋدە ٴارى ٴتوراعا شي جينپيڭمەن ەكى ەل قاتىناسىنىڭ الداعى دامۋىن بىرلەسىپ جوسپارلاۋدى ٴۇمىت ەتۋدە. ا ق ش جۇڭگومەن حالىقارالىق جانە وڭىرلىك ماسەلەلەردەگى بايلانىس-سايكەسۋلەرىن كۇشەيتكىسى كەلەدى، پرەزيدەنت ترامپتىڭ جۇڭگوداعى ساپارىندا قوماقتى تابىسقا قول جەتكىزۋىنە كەپىلدىك ەتىپ، ەكى ەل قاتىناسىنىڭ ىشكەرىلەي دامۋىن جەبەيدى.
لي كىچياڭ دۇنيە ساياحات بىرلەستىگىنىڭ قۇرىلۋ سالتىنا قۇتتىقتاۋ حاتىن جولدادى

 

اۋدارعان: امانتاي مۇسايىپ ۇلى