«ايبىندى ۋادە: ۇلتتىق رايونداردى كەدەيلىكتەن قۇتىلدىرۋدان قامال الۋ بارىسى» دەگەن جەلىلەس ماقالانىڭ «جان سانى ءبىر شاما از ۇلتتار جونىنەن كەدەيلىكتەن قۇتىلۋ قۇر حيال ەمەس» دەگەن 3 ـ ءبولىمى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 09:49:00

 

    ءوز حابارىمىز: تومەندە «ايبىندى ۋادە: ۇلتتىق رايونداردى كەدەيلىكتەن قۇتىلدىرۋدان قامال الۋ بارىسى» دەگەن جەلىلەس ماقالانىڭ «جان سانى ءبىر شاما از ۇلتتار جونىنەن كەدەيلىكتەن قۇتىلۋ قۇر حيال ەمەس» دەگەن 3 ـ ءبولىمىن تىڭدايسىزدار.

 

2015 ـ جىلى باس شۋجي شي جينپيڭ يۇنناندا قىزمەت تەكسەرگەندە نۋجياڭ ليسۋ ۇلتى اۆتونوميالى وبىلىسى گوڭشان اۋدانىنداعى دۋلوڭ ۇلتىنىڭ ۋاكىلدەرىن ىستىق ىقىلاسپەن قابىلدادى. وسى رەتكى قابىلداۋدا باس شۋجي دوڭگەلەك داۋلەتتى قوعامدى جالپى بەتتىك قۇرۋدا ەشقانداي ۇلتتى قاعىس قالدىرۋعا بولمايدى دەگەن ماڭىزدى ءارى ايقىن نۇسقاۋ بەردى.

 

دۋلوڭ ۇلتى ـ ەلىمىزدە دامۋدا كەنجە قالعان جان سانى ءبىرشاما از ۇلتتارىڭ ءبىرى، جاڭا جۇڭگو قۇرىلعان باستاپقى كەزدە، دۋلوڭ ۇلتى العاشقى قوعامنان سوتسيالىستىك قوعامعا توتە وتكەن بولاتىن. جاقىنى جىلداردان بەرى، مەملەكەت دۋلوڭ ۇلتى شوعىرلى قونىستانعان گوڭشان اۋدانى دۋلوڭجياڭ اۋىلىندا تۇتاس اۋىل بويىنشا كەدەيلەردى سۇيەمەلدەۋ يىنجەنەرياسىن اتقارىپ، جيىنىءبىر مىلييارت300 مىلليون يۋان قارجى قوستى. قازىر دۋلوڭجياڭ اۋىلىنىڭ جان باسىندىق ورتاشا كىرىسى 2500 يۋاننان استى. گوڭشان اۋدانى دۋلوڭجياڭ اۋىلىنىڭ باستىعى لي يوڭشياڭ بىلاي دەيدى: باس شۋجي ايتقانداي، دوڭگەلەك داۋلەتكە بىرلىكتە جەتۋ ـ بارلىعىمىزدىڭ باس تارتۋعا بولمايتىن ورتاق بورىشىمىز. شەگاراداعى ءبىز از ۇلتتار كومپارتيانىڭ سوزىنە قۇلاق اسامىز، وندىرىستى ورگە باستىرىپ، شەگارانى ويداعىداي قورعايمىز.

 

جان سانى ءبىر شاما از ۇلتتار دەگەندە جان سانى 300 مىڭ ادامنان اسپايتىن ۇلتتار كورسەتىلەدى، مۇنداي ۇلتتاردان ەلىمىزدە 28 ۇلت بار، ولار نەگىزىنەن يۇننان، ىشكى موڭعول، شيزاڭ، شينجياڭ قاتارلى 13 ولكە ـ رايونعا ورنالاسقان. بيىل قاڭتار ايىندا، مەملەكەتتىك كەڭەس ‹‹ 13 ـ بەسجىلدىقتا ۇلتتىق رايوندار مەن جان سانى ءبىرشاما از ۇلتتاردى دامىتۋدى جەبەۋ پلانى جونىندەگى ۇقتىرۋدى ›› باسىپ تاراتىپ، از ۇلتتار مەن ۇلتتىق رايونداردى دامىتۋدى ءتىپتى دە كورنەكتى ستراتەگيالىق ورىنعا قويدى.

 

يۇننان ولكەسىندەگى جان سانى ءبىر شاما از ۇلتتاردىڭ ءبىر تالايى العاشقى قوعامنان نەمەسە قۇلدىق قوعامنان سوتسيالىستىك قوعامعا توتە وتكەندەر بولىپ، جەرلىك تىلدە «توتە كەلگەن ۇلتتار» دەپ ايتىلادى، جالپىلاي كەدەي بولىپ، تاربيە ماعلۇمات ورەلەرى دە ءبىرشاما تومەن كەلەدى. سوندىقتان، يۇننان ولكەسى جان سانى ءبىرشاما از بولعان 11 ۇلت پەن العاشقى قوعام نەمەسە قۇلدىق قوعامنان توتە وتكەن ۇلتتار شوعىرلى قونىستانعان رايونداردا 14 جىل تەگىن وقۋ اعارتۋ ساياساتىن اتقارۋدى جولعا قويىپ، كەدەي سەميالاردىڭ بالالارىنىڭ جالعاستى وقۋ ارمانىنا جەتۋلەرىنە وراي جاراتتى.

 

يۇننان ولكەلىك سىماۋ 1ـ ورتا مەكتەبىنىڭ ورىنباسار باستىعى سۋ چيپيڭ بىلاي دەيدى: وقۋشى قابىلداعاندا، العاشقى قوعامنان نەمەسە قۇلدىق قوعامنان سوتسيالىستىك قوعامعا توتە وتكەن ۇلتتار مەن نەگىزگى تۇلعالىق ۇلتتاردى نەگىز، باسقا از ساندى ۇلتتاردى قوسىمشا؛ كەدەي سەميالارداعى وقۋشىلاردى نەگىز، ناتيجگسى ۇزدىك وقۋشىلاردى قوسىمشا ەتەمىز، سوندىقتان، وقۋشى قابىلداعاندا كەدەي سەميالارداعى از ۇلت وقۋشىلارعا كوبىرەك قامقورلىق جاسايمىز.

 

اۋدارعان: قاناتبەك جۇماباي ۇلى