شينجياڭدا ەمدەۋ سالاسىندا حالىققا يگىلىك جاسالىپ اقاۋسىزدىق جولى كەڭەيدى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 09:48:00

 

    ءوز حابارىمىز: شينجياڭنىڭ قاشقار ايماعى پايزاۋات اۋدانى شاپتول قالاشىعىنىڭ تۇرعىنى الىم سىدىق قۋانىشى قوينىنا سيماي : وسىمەن 2_رەت اقىسىز دەنساۋلىق تەكسەرتىپ تۇرمىن، پارتيا مەن ۇكىمەتتىڭ ابزال ساياساتى ءبىز بۇقارالارعا ناق پايدا جەتكىزىپ جاتىر، ـ دەگەندى ايتادى. مىنە بۇدان شينجياڭ ۇيعۇر اۆتونوميالى رايونىنداعى ەمدەۋ سالاسىندا حالىققا يگىلىك جەتكىزەتىن ماڭىزدى يىنجەنەريا رەتىندەگى جالپى حالىقتىق اقىسىز دەنساۋلىق تەكسەرتۋدىڭ شينجياڭداعى ءار ۇلت حالقىنا پايدا جەتكىزىپ جاتقاندىعىن كورۋگە بولادى.

 

جاقىن جىلداردان بەرى، شينجياڭنىڭ ەمدەۋ دەنساۋلىق ساقتاۋ ىستەرى ەمدەۋ رەفورماسىن ىشكەرىلەتۋدىڭ شەشۋشى كەزەڭىنە ءوتتى، ەمدەۋ سالاسىندا حالىققا يگىلىك مولايا ءتۇستى: جالپى حالىقتىق اقىسىز دەنساۋلىق تەكسەرتۋدە تولىق قامتىلىم ىسكە اسىپ، 2- باسقىشتاعى قىزمەت باستالدى، دەنساۋلىق ساقتاۋ سالاسىندا كەدەيلەردى سۇيەمەلدەۋ يىنجەنەرياسنان سالماقتى ناۋقاسقا، سوزىلمالى ناۋقاسقا شالدىققان كەدەي جان سانىنا جاقسى حابارلار تاراۋدا، ءار دارەجەلى، ءار الۋان ءتۇرلى ەمدەۋ قۇرىلىمدارىنىڭ ءدارى ۇستەمە باعاسىن كۇشىنەن قالدىرۋى سەكىلدى ناق اتقارىلعان ءبىر سىپىرا شارالار شينجياڭداعى ءار ۇلت جۇرتشىلىعىنىڭ اقاۋسىزدىق جولىن كەڭەيتۋدە.

 

2016 ـ جىلى قىركۇيەك ايىندا، اۆتونوميالى رايون 2016 ـ جىلدان باستاپ شينجياڭ قاراستىلىعىنداعى بارلىق قالا ـ اۋىل تۇرعىندارىنا ءار جىلى ءبىر رەت اقىسىز دەنساۋلىق تەكسەرتۋدى بەلگىلەپ، ءار ۇلت جۇرتشىلىعىن حاۋىپسىز، ءونىمدى، وڭايلاسقان ەمدەۋ قىزمەت وتەۋىنەن يگىلىكتەنەتىن ەتتى. بيىل اقپان ايىنا دەيىن، اۆتونوميالى رايوندا اتقارىلعان جاڭا كەزەك جالپى حالىقتىق اقىسىز دەنساۋلىق تەكسەرتۋ يىنجەنەرياسىنا شامامەن 149 مىلليارت 900 مىلليون يۋان قارجى قوسىلىپ، دەنساۋلىق تەكسەرتۋ ورىندالۋى %100 كە جەتىپ، تولىق قامتىلدى. وسى نەگىزدە 2 ـ كەزەك جالپى حالىقتىق اقىسىز دەنساۋلىق تەكسەرتۋ يىنجەنەرياسىنا قوسىلعان قارجى ۇزدىكسىز مولايتىلدى، بۇعان مەجەمەن 178 مىلليارت 500 مىلليون يۋان قارجى قوسىلادى.

 

اۋدارعان: قاناتبەك جۇماباي ۇلى