لي كىچياڭ مەملەكەتتىك كەڭەستىڭ تۇراقتى ىستەر ٴماجىلىسىن باسقارىپ اشتى
كەلۋقاينارى: |جاۋاپتى رەداكتور: | جاڭالانعان ۋاقىت:2017-09-14 10:27:00

 

    ٴوز حابارىمىز: مەملەكەتتىك كەڭەستىڭ زۇڭلي لي كىچياڭ 13- قىركۇيەك كۇنى مەملەكەتتىك كەڭەستىڭ تۇراقتى ىستەر ٴماجىلىسىن باسقارىپ اشىپ، مەملەكەتتىك كەڭەستىڭ 4-رەتكى باقىلاۋ جاعدايى مەن تۇيىندى ساياسات شارالاردىڭ تياناقتانۋىن 3-جاققا باعالاتۋ مالىمەتىن تىڭدادى، ٴارى كەلەلى شەشىم ورنالاستىرۋلاردى تياناقتاندىرۋدى جالعاستى مىقتى يگەرىپ، شارۋاشىلىقتى دامىتۋ مەن حالىق تۇرمىسىن جاقسارتۋدا زور تابىستارعا جەتۋدى اتاپ كورسەتتى.

 

 

ماجىلىستە بىلاي دەلىندى: مەملەكەتتىك كەڭەس تاياۋدا 18 ولكە، اپتونوميالى رايون مەن توتە قاراستى قالاعا تاعى ناقتى تەكسەرۋ جۇرگىزدى جانە قاتىستى تاراۋلاردى ٴوزىن تەكسەرۋگە ۇيىمداستىردى. تەكسەرۋ بارىسىندا ىشنارا ورىنداردا ارتىق وندىرىس قۋاتىن قىسقارتۋ قىزمەتى تىڭعىلىقتى ىستەلمەي، قارجى نىساندارىن قۇرۋ مەن بانكەدەن ەسەپ اشقىزۋ قاتارلىلاردى بەكىتۋگە ۇزاق ۋاقىت جۇمسالعاندىعى، كاسپورىندارعا سايعان ۇيلەسىمسىز اقىلار تيىلماي، عىلىم-تەحنيكا تابىستارىن وندىرگىش كۇشكە اينالدىرۋدا كەدەرگى كوپ بولۋ ماسەلەلەرى ساقتالعاندىعى بايقالدى. ماجىلىستە مىنالار تالاپ ەتىلدى: دامۋ رەفورما كوميتەتى مەن ونەركاسىپ ينفورماتسيالاندىرۋ مينيسترلىگى «جەرلىك ەرەجە پروگرامماسىنا» ەنگىزىلىپ اداقتالماعان مەشەۋ بولات-تەمىر ٴوندىرىسىن تۇبەگەيلى تەكسەرۋى، ماسەلە بايقالعاندارىن قاتاڭ ٴبىر جايلى ەتىپ، جاۋاپكەرشىلىكتى قاتاڭ قۋزاستىرىپ، ماسەلەنىڭ قايتا باس كوتەرۋىنەن ساقتانۋى كەرەك. قاتىستى تاراۋلار تەزدەن شارا شىعارىپ، ٴبىر ٴبولىم كاسىپ قوعامدارىندا، ساۋدا جانە عىلمي قوعامداردا ورىن تەۋىپ وتىرعان قايتالاي اقى الۋ، اقى جوعارى بولۋ ماسەلەلەرىن جونگە سالىپ، تارتىپكە قايشى اقى الۋ تۇرلەرىن كۇشىنەن قالدىرۋى كەرەك.

 

اۋدارعان: گۇلميرا قوزىقان قىزى