«العاشقى ماقساتتى ەستەن شىعارماي، تىنباي العا باسايىق» دەگەن تاقىرىپتاعى جەتى ٴبولىمدى كولەمدى ساياسي نازاريالىق ارناۋلى باعدارلاما قوعام ٴار سالاسىندا كۇشتى اڭىس قوزعادى
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-12 10:29:00

 

    ٴوز حابارىمىز: «العاشقى ماقساتتى ەستەن شىعارماي، تىنباي العا باسايىق» دەگەن تاقىرىپتاعى جەتى ٴبولىمدى كولەمدى ساياسي نازاريالىق ارناۋلى باعدارلاما 11-قازان كۇنى ورتالىق تەلەۆيزيا ستانسياسىندا قويىلىپ بولدى. باعدارلامادا شي جينپيڭ جولداس ۇيتقى بولعان پارتيا ورتالىق كوميتەتىنىڭ بۇكىل پارتيا مەن بۇكىل ەلدەگى ٴار ۇلت حالقىنا باسشىلىق ەتىپ، العاشقى ماقساتتى ەستەن شىعارماي، ۇدىرە العا تارتقان ساپارى تولىق تانىستىرىلدى، باعدارلاما قويىلعاننان كەيىن قوعام ٴار سالاسىندا كۇشتى اڭىس قوزعادى.

 

قازاننىڭ 11-كۇنى كەشتە حىنان لەيحى لاۋجيە ٴىسباسقارماسى شوۋجياڭ كوشەسى الەۋمەتتىك رايونى بارلىق پارتيالى كادر بۇقارانى « العاشقى ماقساتتى ەستەن شىعارماي، تىنباي العا باسايىق» دەگەن تاقىرىپتاعى جەتى ٴبولىمدى كولەمدى ساياسي نازاريالىق ارناۋلى باعدارلامانىڭ «ماڭگى اتويلاپ الدا جۇرەيىك» دەگەن 7-ٴبولىمىن كورۋگە ۇيىمداستىردى. الەۋمەتتىك رايوننىڭ مەڭگەرۋشىسى جيىڭ حاييان بىلاي دەدى: بۇدان بىلايعى قىزمەتتە بۇقارانىڭ ويىنداعى جانە ارمانى بولعان ماسەلەلەردى شەشۋدى ماڭداي الدى ورىنعا قويۋىمىز، اسىرەسە الەۋمەتتىك رايون قىزمەتتەرىن توراپتاندىرۋدا جاڭالىق جاراتۋدا الەۋمەتتىك رايونىمىزداعى الەۋمەتتىك يگىلىككە ىنتالى بۇقارانى ۇيىمداستىرىپ، الۋان بۇقارالىق ۇيىم قۇرىپ، بۇقارانىڭ كوكەيتەستى ماسەلەلەرىن ورتاق شەشىپ جانە ولارعا قىزمەت وتەپ، بۇقارانى رازى ەتۋىمىز كەرەك.

 

جياڭشي ولكەسى يىڭتان قالاسىنداعى پارتيالى كادرلار مەن بۇقارا ٴبىرقانشا كۇننەن بەرى ارناۋلى باعدارلامانى قالت جىبەرمەي كوردى. يىڭتان قالاسى جياڭبيان كوشەسى ٴىسباسقارماسى پارتيا قىزمەت كوميتەتىنىڭ ورىنباسار شۋجيى، ٴىسباسقارماسىنىڭ مەڭگەرۋشىسى ياڭ گۋاڭتاي بىلاي دەدى: اۋىر مىندەت ارقالاعان ساياسي پارتيا العاشقى ماقساتتى ەستەن شىعارماي تىنباي العا باسسا بولعانى ٴداۋىر الدىنعى شەبىندە ماڭگى اتويلاپ الدا جۇرە الادى. پارتيا 18-قۇرىلتايىنان بەرى شي جينپيڭ جولداس ۇيتقى بولعان پارتيا ورتالىق كوميتەتى حالىق بۇقاراسىنىڭ تۇرمىسىمەن تىكە قاتىستى ماسەلەلەردەن باستاپ كىرىسىپ حالىققا يگىلىك جەتكىزەتىن ٴبىر قىدىرۋ ٴتيىمدى ساياسات پەن رەفورما شارالاردى ورتاعا قويىپ، نەگىزگى ساتىداعى پارتيالى كادرلاردى باعىتتان اۋىتقىماي، تۋدى بيىل ۇستاپ پارتياعا ىلەسۋگە جىگەرلەندىردى.

 

«العاشقى ماقساتتى ەستەن شىعارماي، تىنباي العا باسايىق» دەگەن تاقىرىپتاعى كولەمدى ساياسي نازاريالىق ارناۋلى باعدارلامانى كورگەننەن كەيىن چيڭداۋ قالاسى ليساڭ رايونى وقۋ-اعارتۋ دەنە-تاربيە مەكەمەسىنىڭ باستىعى ۋاڭ شياۋگۋاڭ تەرەڭ اسەر الدى، ليساڭ رايونى چيڭداۋ قالاسىنداعى سىرتتان جۇمىس ىستەۋگە كەلگەندەردىڭ بالالارىنىڭ مەكتەپكە كىرۋى ماسەلەسى شوعىرلى رايون، بەس جىلدان بەرى ساياساتتىڭ سۇيەمەلدەۋى مەن جەرلىك ورىننىڭ قۇلشىنۋىندا بۇل رايون وقۋ-اعارتۋ مينيسترلىگىنىڭ مىندەتتى وقۋ-اعارتۋدى تۇڭعىش ٴبىركەلكى دامىتۋ اۋداندارىنىڭ ٴبىرى بولدى. ۋاڭ شياۋگۋاڭ بىلاي دەدى: وقىتۋ قىزمەتكەرى بولعاندىعىمنان ساپالى وقۋ-اعارتۋدى كەمەلدەندىرۋ مەن وقۋ-اعارتۋدى ٴبىركەلكى دامىتۋعا نەگىزگى ساتى جاعىنان قوسۋعا تيىستى ۇلەسىمدى قوسىپ، ساپالى دا ٴبىر كەلكى بولعان وقۋ-اعارتۋدى ٴار وتباسىنىڭ باقىتىن اشاتىن كىلتكە اينالدىرۋعا قۇلشىنامىن.

 

اۋدارعان: گۇلميرا قوزىقان قىزى