ورتالىق اسكەري ىستەر كوميتەتىنىڭ ٴبىرتۇتاس ارتقى شەپ قىزمەتىن قامتاماسىزداندىرۋ قوسىنى قۇرىلعان ٴبىر جىلدان بەرى ٴبىرتۇتاس ارتقى شەپ قىزمەت اينالىم مەحانيزمىن تەزدەن قۇردى
كەلۋقاينارى: |جاۋاپتى رەداكتور: | جاڭالانعان ۋاقىت:2017-10-12 10:29:00

 

    ٴوز حابارىمىز: ورتالىق اسكەري ىستەر كوميتەتىنىڭ ٴبىرتۇتاس ارتقى شەپ قىزمەتىن قامتاماسىزداندىرۋ قوسىنى قۇرىلعان ٴبىر جىلدان بەرى، ٴبىرتۇتاس ارتقى شەپ قىزمەت اينالىم مەحانيزمىن تەزدەن قۇرىپ، بىرلەسىپ سوعىس جاساۋ تۇزىلىسىنە ۇشتاستىرىپ، سوعىس جاساۋدى، جاتتىعۋدى جانە قامتاماسىزداندىرۋدى بىرلەستىرىپ، سوعىس جاساۋ مەن سوعىس مايدانىنا قىزمەت وتەيتىن، شوعىرلى جوعارى ٴونىمدى بولعان جاڭاشا ٴبىرتۇتاس ارتقى شەپ قىزمەتىن قامتاماسىزداندىرۋ جۇيەسىن العاشقى قادامدا قالىپتاستىردى.

 

تاياۋدا كوپ ارميا تۇرلەرى بىرلەسكەن ناق سوعىس جاساۋ مانەۆەرى جۋ-رىحى جاتتىعۋ بازاسىندا وتكىزىلدى. مانەۆەر بارىسىندا ٴبىر جاۋىنگەردىڭ باسى جارالانادى دا ناق مايدانداعى مامان ونى ارتقى الاڭداعى دوحترحاناعا جەدەل جەتكىزۋدى ۇسىنىس ەتەدى. ەمدەۋ قوسىنىنىڭ باستىعى ۋاڭ چيۇڭشۋ بىلاي دەدى: جاڭاشا ٴبىرتۇتاس ارتقى شەپ تۇزىلىسى بۇكىل ارمياداعى ساپالى ەمدەۋ بايلىعىن جانداندىرىپ، ەمدەۋدى بارىنشا ساپالاندىردى.ٴبىز قۇرلىق، تەڭىز، اۋە تاسىمالدارى ارقىلى بۇرىنعى داعدىلى تۇزىلىستە جاڭالىق جاراتتىق، قازىر جاقىن ارالىقتا بولۋ پرەنسىبىن اتقارامىز.

 

ۋحان ٴبىرتۇتاس ارتقى شەپ قىزمەتىن قامتاماسىزداندىرۋ بازاسى عىلىم-تەحنيكا جانە ينفورماتسيالاندىرۋ باسقارماسىنىڭ باستىعى فۋ جۇنۋىن بىلاي دەدى: ٴبىز دەربەس زەرتتەپ جاساعان« ٴبىرتۇتاس ارتقى شەپتى قامتاماسىزداندىرۋ جاعداي قاريتاسى» ينفورماتسيا جۇيەسى سوعىس دايىندىق كەزەكشىلىگى، بايلىق پەن كۇش-قۋاتتى قامتاماسىزداندىرۋ جانە ارەكەت قاتارلى جاقتاردان ناق مايداندا حابار الىپ وتىرادى، بۇل ٴبىزدىڭ ارتقى شەپتى قامتاماسىزداندىرۋىمىزعا نەگىزگى ساندىق مالىمەت ازىرلەپ بەردى.

 

ورتالىق اسكەري ىستەر كوميتەتىنىڭ ٴبىرتۇتاس ارتقى شەپ قىزمەتىن قامتاماسىزداندىرۋ قوسىنى ٴبىر جىلدان بەرى رى -يداعى حيمالىق قارۋ-جاراقتاردى ٴبىر جايلى ەتۋ، جۋ رى مەن شاچاڭدا وتكەن اسكەري پارات قاتارلى 30 نەشە كەلەلى مىندەتتە بولاتتاي بەرىك قامتاماسىزداندىرۋ شەبىن قۇردى. ۋحان ارتقى شەپ قىزمەتىن قامتاماسىزداندىرۋ بازاسى ساياسي ٴبولىمىنىڭ مەڭگەرۋشىسى شيە دۇڭحۇي بىلاي دەدى: ٴبىز وسىزاماندانعان قۇدىرەتتى ٴبىرتۇتاس ارتقى شەپ قىزمەتىن قامتاماسىزداندىرۋ قوسىنىن قۇرۋ نىساناسىن جالعاستى كوزدە ۇستاپ، قۇرلىس ىستەرىنە تالپىنىپ، سوعىس دايىندىعىن نىعايتىپ، جاتتىعۋدى مىقتى يگەرىپ، باسقارۋدى قاتاڭداستىرىپ، پارتيا 19-قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الامىز.

 

اۋدارعان: گۇلميرا قوزىقان قىزى