19-قۇرىلتاي بايانداماسىنا تۇسىنىك : قوعامدىق باستى قايشىلىقتاعى تاريحي تىڭ وزگەرىس
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2017-10-20 18:40:00


    وتكەن ۇزاق ٴبىر مەزگىلدە ەلىمىزدەگى قوعامدىق باستى قايشىلىققا «حالىقتىڭ كۇن سايىن ارتقان زاتتىق جانە وركەنيەت قاجەتى مەن كەنجە قالعان قوعامدىق ٴوندىرىس اراسىنداعى قايشىلىق» دەگەن تۇجىرىم جاسالىپ كەلدى. 19-قۇرىلتاي بايانداماسىندا ەلىمىزدەگى قوعامدىق باستى قايشىلىق « حالىقتىڭ كۇن سايىن ارتقان تاماشا تۇرمىسقا قاجەتى مەن دامۋدىڭ ٴبىركەلكى، تولىق بولماۋى اراسىنداعى قايشىلىق» دەپ العا قويىلدى.


    بۇگىنگى كۇنى حالىقتىڭ تاماشا تۇرمىسقا بولعان قاجەتى زاتتىق جانە وركەنيەت تۇرمىسقا اناعۇرلىم جوعارى تالاپ قويىپ عانا قالماستان دەموكراتيا، زاڭمەن باسقارۋ، ادىلدىك، ادىلەتتىك،حاۋىپسىزدىك، ورتا قاتارلى جاقتارعا دا بارعان سايىن جوعارى تالاپ قويۋدا ؛ ەلىمىزدىڭ قوعامدىق وندىرگىش كۇش ورەسىنىڭ جالپى جاقتان كورنەكتى جوعارلاۋىنا بايلانىستى قالا-اۋىل، ٴوڭىر، كىرىس ٴبولىسى قاتارلى جاقتارداعى ٴبىركەلكى، تولىق بولماۋ ماسەلەلەرى اناعۇرلىم كورنەكتى قايشىلىقتى كەلتىرىپ شىعاردى، بۇل حالىقتىڭ كۇن سايىن ارتقان تاماشا تۇرمىسقا قاجەتىن قاناعاتتاندىرۋعا تۇساۋ بولعان باستى فاكتورعا اينالدى.


    قوعامدىق باستى قايشىلىقتىڭ وزگەرۋى- جالپى جاعدايعا قاتىستى بولىپ، تەرەڭ ىقپال جاسايدى، بۇل پارتيا مەن مەملەكەت قىزمەتىنە قىرۋار تىڭ تالاپتار قويدى. باياندامادا بىلاي دەپ كورسەتىلدى: قوعامدىق باستى قايشىلىقتاعى وزگەرىس- ەلىمىزدىڭ سوتسياليزمنىڭ قانداي تاريحي كەزەڭىندە تۇرعانى جونىندەگى تۇجىرىمىمىزدى مۇلدە وزگەرتكەن جوق، ەلىمىزدىڭ ٴالى دە سوتسياليزمنىڭ العاشقى ساتىسىندا تۇرۋىنداي ٴارى ونى ۇزاق مەزگىل جالعاستىرۋداي نەگىزگى مەملەكەت جاعدايىندا وزگەرىس بولمايدى.


    ورتالىق پارتيا مەكتەبى حالىقارالىق ستراتەگيانى زەرتتەۋ ورنىنىڭ ورىنباسار باستىعى جوۋ تيانيۇڭ تالداۋ جاساپ بىلاي دەدى: حالىقتىڭ كۇن سايىن ارتقان زاتتىق جانە وركەنيەت قاجەتى مەن كەنجە قالعان قوعامدىق ٴوندىرىس اراسىنداعى قايشىلىقتان ادامداردىڭ كۇن سايىن ارتقان تاماشا تۇرمىسقا بولعان قاجەتى مەن دامۋدىڭ ٴبىركەلكى، تولىق بولماۋى اراسىنداعى قايشىلىققا دەيىنگى باستى سەبەپتىڭ ٴبىرى- ەلىمىزدىڭ ٴوندىرگىش كۇش ورەسىنىڭ زور دارەجەدە جوعارلاۋى.


    ج ك پ ورتالىق پارتيا تاريحىن زەرتتەۋ كەڭسەسىنىڭ بۇرىنعى ورىنباسار مەڭگەرۋشىسى لي جۇڭجيە بىلاي دەدى: مەملەكەتتىڭ دامۋىنا بايلانىستى حالىقتىڭ قاجەتىندە دە وزگەرىس تۋىلدى، بۇل دا ەلىمىزدىڭ قوعامدىق باستى قايشىلىعىندا وزگەرىس بولۋىنداعى باستى سەبەپ. ول بىلاي دەدى: تۇرمىسىمىزدا ىشەر اس كيەر كيىم ماسەلەسى شەشىلىپ، دوڭگەلەك داۋلەتتى قوعامعا قادام تاستادىق، سوندىقتان قازىر اناعۇرلىم تاماشا تۇرمىسقا بولعان قاجەت تىپتى مولايىپ، قامتىعان كولەمى بارعان سايىن كەڭەيۋدە. بۇدان سىرت، دامۋدا زور ناتيجەگە قول جەتىپ، حالىق بۇقاراسىنىڭ قاجەتى بارىنشا قاناتتاندى. الايدا بۇندا الىدە ٴبىركەلكى، تولىق بولماۋ ماسەلەسى ساقتالىپ وتىر، قازىر وسى ماسەلەنى باعىتتامالى شەشۋگە تۋرا كەلەدى.


    اۋدارعان: گۇلميرا قوزىقان قىزى