ارەكەت ارقىلى ستيلگە بۇرىلىس جاساۋ داۋ جۇرمەيتىن شىندىق
كەلۋقاينارى: |جاۋاپتى رەداكتور: | جاڭالانعان ۋاقىت:2017-11-13 10:55:00


    − رەتتەۋ - وزگەرتۋ، تياناقتاندىرۋدى قالاي ىلگەرىلەتۋ تۋرالى

حالىق گازەتىنىڭ شولۋشىسى


    بورتە سويلەپ، شىندىققا جۇگىنبەۋ، ۇسىنىس - پىكىرلەردى تىڭداماۋ − قۇر ءسوز؛ ايتقانى كوپ، ىستەگەنى از، ماسەلەنى ءداپ باسىپ تاپقان كۇندە دە قول قۋسىرىپ قاراپ وتىرۋ − جالعان قيسىن؛ ءسوزى مەن ارەكەتى بىردەي بولۋ، شىنايى يگەرىپ، ناقتى ىستەۋ، ارەكەت ارقىلى ستيلگە شىن مانىندە بۇرىلىس جاساۋ عانا داۋ جۇرمەيتىن شىندىق.


    تاربيە جانە امالياتتىق قيمىلى ىشكەرىلەي ورىستەتىلگەن سايىن بۇقارا «4 ءتۇرلى بۇرىلىس ستيلگە» قارسى تۇرۋدىڭ ناقتى ونىمدىلىگىنە، بەرىلگەن ۋادەنىڭ ورىندالۋ جاعدايىنا سولعۇرلىم نازار اۋدارادى. سوندىقتان دا رەتتەۋگە، تۇزەتۋگە كۇش سالعاندا، رەتتەۋدى، تۇزەتۋدى ويداعىداي تياناقتاندىرعاندا عانا، باستان - اياق قاتاڭ ولشەمدى ساقتاۋعا، اياقسىز قالۋدان ساقتانۋعا، قيمىلدى تابىستى اياقتاتۋعا بولادى.


    تاربيەنى مىقتى يگەرۋمەن بىرگە، امالياتتا ايگىلەۋ − بۇل جولعى قيمىلدىڭ ايقىن ەرەكشەلىگى، رەتتەۋدى، تۇزەتۋدى تياناقتاندىرۋدىڭ ءتۇيىنى − امالياتتا. بۇقارامەن بايلانىس جاساۋدىڭ ماقساتى − بۇقاراعا قىزمەت وتەۋ؛ ماسەلەلەردى تەكسەرۋدىڭ تياناعى − ماسەلەنى شەشۋدە. وسى ماننەن العاندا پىكىرلەردى تىڭداۋ، ماسەلەنى ءداپ باسىپ تابۋ، ارينە، ماڭىزدى، دەرتتى ەمدەۋ، قىزمەتتى جاقسارتۋ تەتىك ەسەپتەلەدى. ارەكەت رۋحاني بەت - بەينەنى ايگىلەيتىن بىردەن - ءبىر اينا، ماسەلەنى شەشپەۋ فورماشىلدىق سانالادى. سول سەبەپتى سالىستىرىپ تەكسەرۋ ماتەريالى قانشا بۇكپەسىز، تەرەڭ جازىلعانىمەن، دەموكراتيالىق تۇرمىس جيىنىندا بەت قىزارىپ، ماڭدايدان تەر شىققانىمەن، جەر - جەردىڭ، ورىنداردىڭ قيمىل ناتيجەسىن ساراپتايتىن ولشەم ءالى دە رەتتەۋ - تۇزەتۋ تياناقتاندىرۋدىڭ ونىمدىلىگى بولماق.


    بۇقارا قۇر ايعايعا، «قۇر سويلەپ، ءىس تىندىرمايتىن» قۇر ۋادەگە ولەردەي ءوش. ناقتى ونىمدىلىككە كەپىلدىك ەتۋ، حالىقتىڭ سەنىمىنە يە بولۋ − بۇل جولعى تاربيە جانە امالياتتىق قيمىلىنىڭ ءتۇبىرلى تالابى. ورتالىق «تۇزەتۋ» ماسەلەسىن كورنەكتى تۇردە ويداعىداي شەشۋدى قايتالاي دارىپتەگەن بولسا دا، ءالى دە ءبىر ءبولىم پارتيالى كادرلار بۇعان قۇلاق اسپاي، ناقتى ءىستى كوزبوياۋشىلىقپەن ىستەپ، سىن جانە ءوز - وزىنە سىن جاساپ، دەموكراتيالىق تۇرمىس جيىنى سىندى وتكەلدەن ءوتىپ كەتسەم بولعانى كەڭىپ قالامىن، قيمىلدى دا ەرتە تامامداۋعا بولادى دەپ قارايدى. ناتيجەدە بايقالعان ماسەلەلەر ەشقانداي شەشىم تاپپايدى، وزگەرىس بولمايدى. ەگەردە وسىنداي ستيلمەن ستيلدى جاقسارتاتىن بولساق بۇقارا قانداي سەزىمدە بولار ەدى، ولار قالايشا ۇمىتسىزدەنبەيدى؟


    ماسەلەلەردى تەكسەرىپ، سىن ورىستەتىلگەننەن كەيىن، بۇقارا كەلەر قادامدا ماسەلەلەردى ءبىر - بىرلەپ شەشۋدى اسىعا كۇتۋدە. ستيل ماسەلەسى سىندى ەسكى دەرتكە ۇزاق ۋاقىت بولدى، مىقتى يگەرۋ سەنىمى بولمايىنشا ەسكى دەرتتى جويۋ قيىن. ناتيجەگە قول جەتكىزبەيىنشە تىنبايتىن رۋحپەن قادام سايىن قامال سوعىپ، العان بەتىنەن قايتپاي، رەتتەۋ، تۇزەتۋ نەگىزىن بەكەمدەپ، رەتتەۋ، تۇزەتۋ سەنىمىن كۇشەيتىپ، رەتتەۋ، تۇزەتۋدە ونىمدىلىككە تالپىنساق ستيلگە بۇرىلىس جاساۋدا جەڭىسكە قول جەتكىزە الامىز.

(حالىق گازەتىنەن)