شي جينپيڭ بىن ياڭ وتكىزگەن قارسى الۋ قوناعاسىسىنا قاتناستى
كەلۋقاينارى: |جاۋاپتى رەداكتور: | جاڭالانعان ۋاقىت:2017-11-14 11:32:00

 

    ءوز حابارىمىز: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ قاراشانىڭ 13 ـ كۇنى ۋەنتيەندە لاۋوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىن ياڭ وتكىزگەن قارسى الۋ قوناعاسىسىنا قاتناستى. جەرلىك ۋاقىت كەشكى ساعات 7 بولعاندا شي جينپيڭ مەن بىن ياڭ مەملەكەت ءتوراعا سارايىنىڭ قوناعاسى زالىنا بىرگە كىردى.

 

بىن ياڭ اۋەلى قارسى الۋ ءسوزىن سويلەپ بىلاي دەدى: شي جينپيڭ جولداستىڭ وسى رەتكى لاۋوسقا تاريحي ساپارى لاۋوس ـ جۇڭگو ەلدەرىنىڭ ءداستۇرلى دوستىعىن تەرەڭدەتىپ، لاۋوس پەن جۇڭگونىڭ جالپى بەتتىك ستراتەگيالىق سەلبەستىگىن ىلگەرىلەتۋگە ماڭىزدى ىقپال ەتەدى. لاۋوس پارتياسى ج ك پ ـ نىڭ 19 ـ رەتكى مەملەكەتتىك قۇرىلتايدا ماڭىزدى ناتيجەگە قول جەتكىزگەندىگىن شىن جۇرەكتەن قۇتتىقتايدى، شي جينپيڭ جولداس ۇيتقى بولعان ج ك پ ورتالىعىنىڭ بەرىك باسشىلىعىندا، جۇڭگو حالقىنىڭ قوس ءجۇز جىلدىق نىسانانى جۇزەگە اسىرۋ جولىندا ەرلىكپەن العا تارتا بەرەتىندىگىنە سەنەدى.

 

شي جينپيڭ ارناۋ سوزىندە مىنالاردى ناقتاپ ايتتى : جۇڭگو مەن لاۋوس ەلدەرىنىڭ تاۋ ـ وزەندەرى تۇتاسىپ جاتىر، ەكى ەل جالقىنىڭ دوستىعىنىڭ تاريحى تەرەڭ، ءداستۇرلى دوستىق ادامدار جۇرەگىنە تەرەڭ ۇيالاعان. دەپلوماتيالىق قاتناس ورناتقان 56 جىلدان بەرى ، جۇڭگو مەن لاۋوستىڭ كورشىلەس دوستىعىندا مول جەمىستەر ۇزدىكسىز ءونىپ، ەكى ەل حالقىنا ناق پايدا جەتكىزدى. جۇڭگو لاۋوسپەن بىرگە قۇلشىنىپ، ءداستۇرلى دوستىقتى ساۋلەلەندىرىپ، ءوزارا ءتيىمدى سەلبەستىكتى ىشكەرىلەتىپ، جۇڭگو مەن لاۋوستىڭ جالپى بەتتىك ستراتەگيالىق سەلبەستىك سەرىكتەستىك قاتناسىن ۇزدىكىسز تىڭ ورەگە كوتەرىپ، جۇڭگو مەن لاۋوستىڭ ستراتەگيالىق مانگە يە تاعدىرلاس ورتاق تۇلعاسىن قۇرىپ شىعادى.

 

قوناعاسى كوڭىلدى دە مەرەيلى ءوتتى. قوناعاسىنىڭ الدىندا، شي جينپيڭ قوناعاسىعا قاتناساتىن لاۋوستاعى قارت، ورتا جاس جانە جاس ۇرپاق سىندى 3 ۇرپاق جۇڭگودا وقىعان لاۋوستىق دوس قايراتكەرلەرمەن ءبىر بىرلەپ قول الىسىپ ىقىلاستى اڭگىمەلەسىپ، كوپشىلىكتىڭ جۇڭگو مەن لاۋوستىڭ دوستىعىن قويۋلاتۋعا ۇلەس قوسقاندىقتارىن تۇراقتاندىردى، ولاردى جۇڭگو ـ لاۋوس دوستىعى ءۇشىن جالعاستى كۇش قوسۋعا، اسىرەسە، جاستاردى جالىندىلىق جانە ومىرشەڭدىك ابزالدىلىقتارىن تولىق ساۋلەلەندىرىپ، ەكى ەل دوستىعىنىڭ ءىزباسارلارى بولۋعا شابىتتاندىردى. ديڭ شۇەشياڭ، ليۋ حى ، ياڭ جيشى قاتارلىلار قوناعاسىعا بىرگە قاتناستى.

 

اۋدارعان: قاناتبەك جۇماباي ۇلى