شي جينپيڭ 2017-جىلعى «بايلىق» جەر شارى تالقىسىنىڭ اشىلعاندىعىن حات جولداپ قۇتتىقتادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-12-07 09:46:00


    ٴوز حابارىمىز: 2017-جىلعى گۋاڭجوۋ «بايلىق» جەر شارى تالقىسى جەلتوقساننىڭ 6-كۇنى تۇستەن بۇرىن اشىلدى، مەملەكەت ٴتوراعاسى شي جينپيڭ حات قولداپ قۇتتىقتاپ بىلاي دەدى: وسى كەزەك تالقى جەر شارىنىڭ دامۋىندا ٴدوپ كەلگەن تۇيىندى ماسەلەلەرگە دەن قويىپ، تالقىعا قاتىناسقان قوناقتار يدەيا جاقتان اۋىس-كۇيىس جاساپ، اقىل كەڭەس بەرىپ، دۇنيە شارۋاشىلىعىن ارتتىرۋدا ماڭىزدى رول ساۋلەلەندىردى.


    شي جينپيڭ مىنالاردى باسا دارىپتەدى: جۇڭگو شارۋاشىلىعى ۇزاق ۋاقىت جاقسى دامۋ ارنىن ساقتاۋداي نۇرلى بولاشاققا يە جانە دامۋ نەگىزى، شارت جاعدايى، قوزعاۋشى كۇشى جاقسى سىندى فاكتورلار ارقىلى شارۋاشىلىقتىڭ ورنىقتى دا ۇرتىس دامۋىن جەبەيدى. جۇڭگونىڭ اشىق ۇستالعان ەسىگى جابىلمايدى، قايتا ونان ايقارا اشىلادى، تيجارات ورتاسى تىپتى دە اشىق، جاريالى، جۇيەلەنەدى. جۇڭگو جەر شارىمەن سەرىكتەستىك قاتىناسىن جالعاستى دامىتىپ، ٴار ەلمەن مۇددە تۇيىنىن كەڭەيتىپ، شارۋاشىلىق جانە قارجى قوسۋدى ەركىندەستىرۋ قولايلاستىرۋ قۇرىلىسىن جەبەپ، شارۋاشىلىقتى جەر شارىلاندىرۋدا ٴتىپتى دە اشىق، كەشىرىمدى، جالپىعا تيىمدىلىك جاساۋ، تەڭ جانە ورتاق يگىلىكتەنۋ دامۋ باعىتىن جەبەيدى. جەر شارىنداعى كاسىپكەرلەردى جۇڭگوعا قارجى قوسىپ كاسىپ جاراتۋعا، جۇڭگونىڭ رەفورما دامۋ ورايىنان ورتاق يگىلىكتەنۋگە، جۇڭگو مەن شەتەلدىڭ شارۋاشىلىق ساۋدا سەلبەستىگىنىڭ نۇرلى بولاشاعىن بىرلىكتە جاراتۋعا قارسى الادى.


    مەملەكەتتىك كەڭەستىڭ ورىنباسار زۇڭليى ۋاڭ ياڭ تالقىنىڭ اشىلۋ سالتىنا قاتىناستى جانە نەگىزگى تاقىرىپتا لەكسيا جاساپ بىلاي دەدى: جۇڭگونىڭ دامۋى ەسىكتى اشىق ۇستاۋدىڭ ارقاسىندا قولعا كەلگەن تابىستار، الدا جۇڭگو ۇكىمەتى دامۋ قوزعاۋشى كۇشىنە جاڭالىق ەنگىزىپ ساپالى دامۋ جولىمەن جالعاستى جۇرەدى، مۇندا ەسىكتى ٴتىپتى دە اشىق ۇستاۋعا تۋرا كەلەدى. ٴبىز شەتەل قارجىسىنان بەلسەندى دە ٴونىمدى پايدالانۋ باتىعىنا تاباندى بولىپ، شەتەل قارجىسىن ەنگىزۋدەن بۇرىن ولاردى ەلىمىز حالقىمەن بىردەي مامىلەگە يە تۋ جانە كاسىپورىنداردىڭ شەكتەلگەن تىزىمدىگىن ساقتاۋ باسقارۋ فورماسىن جالپى بەتتىك اتقارىپ، بازارعا كىرۋ ولشەمىن زور مولشەردە كەڭ ۇستاپ، تۇيىندى سالالاردا ەسىكتى اشىق ۇستاۋ ۋاقىت كەستەسى مەن جول قاريتاسىن تەزدەن بەلگىلەپ، قارجى قوسقان شەتەل ساۋداگەرلەردىڭ زاڭدى ۇقىق مۇددەسىن قورعاپ جانە ولارعا بىردەي مامىلە جاساپ، ٴادىل باسەكەلەسۋ تيجارات ورتاسىن جاراتادى.


    سول كۇنى ۋاڭ ياڭ گۋاڭجوۋدا وسى كەزەك تالقىعا قاتىناسقان كانادا زۇڭليى ترودو، پاپۋا-جاڭا گۆينەيانىڭ زۇڭليى اۋنەرمەن جەكە - جەكە كەزدەستى، ۋاڭ ياڭ بىلاي دەدى: جۇڭگو كانادامەن ەكى جاقتىلى ساۋدا كولەمىن ونان ارى كەڭەيتىپ، ەكى جاقىلى قارجى قوسۋدى جەبەپ، جاڭالىق جاراتۋ قۋاتىن اشىق ۇستاۋ سەلبەستىگىن كۇشەيتەدى. ونەرمەن كەزدەسكەندە ۋاڭ ياڭ بىلاي دەدى: جۇڭگو پاپۋا-جاڭا گۆينەيانىڭ دامۋىنا مۇمكىندىكتىڭ بارىنشا كومەك كورسەتىپ، پاپۋا-جاڭا گۆينەيانىڭ كەلەر جىلى ازيا تىنىق مۇحيت شارۋاشىلىق سەلبەستىك ۇيىمى باسشىلارىنىڭ بەي رەسىمي ٴماجىلىسىن وتكىزۋىن قولدايدى.

اۋدارعان: نازار ٴارىپ ۇلى