لي كىچياڭ مەملەكەتتىك كەڭەستىڭ تۇراقتى ىستەر ٴماجىلىسىن باسقارىپ اشتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2017-12-07 09:47:00


    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ جەلتوقساننىڭ 6 - كۇنى مەملەكەتتىك كەڭەستىڭ تۇراقتى ىستەر ٴماجىلىسىن باسقارىپ اشىپ، ۇكىمەت ٴىسى ينفورماتسيا جۇيەسىن بىرىكتىرۋ جانە ودان ورتاق يگىلىكتەنۋدى جەبەۋ، ۇكىمەت ٴىسى جاعىندا ٴونىمى جوعارى جانە قولايلى قىزمەت وتەۋ ارقىلى بۇقارانىڭ يەلىككە كەنەلۋ سەزىمىن جوعارىلاتۋ؛ الەۋمەتتىك بايلىقتى ورنالاستىرۋ سالاسىندا ۇكىمەت ينفورماتسياسىن اشىق ۇستاۋ شارالارىن تۇراقتاندىرىپ جانە ونى جۇيەلەندىرۋ جاريا ەتۋ بارىسىن جەبەۋ؛ 2017 - جىلعى مەملەكەتتىك عىلىم تەحنيكا سيلىعىن سارالاۋ ناتيجەسىن بەكىتۋ قاتارلى جاقتاردان ورنالاستىرۋ جاسادى.


    ماجىلىستە بىلاي دەلىندى: جىل باسىنان بەرى مەملەكەتتىك كەڭەس ورنالاستىرۋ جاساپ، ٴار قايسى ولكەلىك ۇكىمەتتەر مەن 71 تاراۋدى ۇكىمەت ىسىن ەلەكترون جولىمەن بىرجايلى ەتۋ مەملەكەتتىك توراپ جۇيەسىنە ەنگىزدى. ٴبىرىنشى، ۇكىمەت ٴىسى ينفورماتسيا جۇيەسىن جالعاستى بىرىكتىرىپ جانە مەملەكەتتىڭ ساندى مالىمەتىنەن ورتاق يگىلىكتەنۋ اۋىس - كۇيىس جاساۋ تەكشەسىن ەنگىزىپ جانە ونى زاڭ بەلگىلەمە بويىنشا قوعامعا اشىق جاريا ەتەدى. الەۋمەتتىك ساندى مالىمەتتەردى تۇراقتى كاسىپورىندار مەن قوعامدىق ۇيىمدارعا اشىق ۇستاۋ جاعدايىن توسىپ، ادىلدىك بەينەلەنەدى. ەكىنشى، ساندى مالىمەت پەن قاتىستى كاسىپتەردى ۇشتاستىرۋ تەزدەتىلەدى. جىل سوڭىنان بۇرىن مەملەكەتتىك كەڭەستىڭ 40 تاراۋىندا ساندى مالىمەتتەردەن ورتاق يگىلىكتەنۋ جۇيەسىن ورناتىپ، ۇكىمەت ٴىسىن بىرجايلى ەتەتىن تاراۋلاردىڭ ازاماتتاردىڭ سالاۋاتىن تۇراقتاندىرۋ، تۇراقتى مال-مۇلىكتى تىزىمگە الۋ، وقۋ ماعلۇماتىن دالەلدەۋ قاتارلى 500 تۇردەن استام ساندى مالىمەتتەرگە ىزدەۋ سالۋ قاجەتىن بىرتىندەپ قاعاناتتاندىرىپ، كاسىپورىندار مەن بۇقارانىڭ جۇمىس بىتىرۋ ٴۇشىن ٴوز الدىنا شاپقىلاۋ جاعدايىن ازايتۋ؛ ۇكىمەت جاق شىعاراتىن، ينفورماتسيا جۇيەسىنەن انىقتاۋعا بولاتىن ينفورماتسيالار جايلى تاعى دا سىپات قاعازىن شىعارۋدى تالاپ ەتپەۋ قاجەت . ٴۇشىنشى، تۇزىلىس جانە تەحنيكادا جاڭالىق جاراتۋدى جەبەپ، ۇكىمەت ٴىسى جاعىندا قىزمەت وتەۋدى ٴبىر جولدا بىتىرۋ جاعدايىن قالىپتاستىرۋ كەرەك؛ تورتىنشى، زاڭ بەلگىلەمەلەردى جاساۋ، وزگەرىس ەنگىزۋ جانە كۇشىنەن قالتىرۋ ىسىن تەزدەتۋ كەرەك، ەلەكتروندىق كۋالىك سىندى نەگىزدىك ولشەمدەردى شىعارۋ قاجەت؛ بەشىنسى، ينفورماتسيا حاۋىپسىزدىگىنە كەپىلدىك ەتىپ، مەملەكەتتىڭ حاۋىپسىزدىگىنە ساياتىن ۇكىمەت ىسى جونىندەگى ساندى مالىمەتتەردى ۇكىمەت تاراۋلارى باسقارۋى ٴتيىس.

اۋدارعان: نازار ٴارىپ ۇلى