ءتوراعا شي جينپيڭنىڭ قارۋلى ساقشى قوسىنعا تۋ ۇسىنۋى جانە سويلەگەن ءتالىم ءسوزى كوماندىر-جاۋىنگەرلەر اراسىندا كۇشتى اڭىز قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-01-13 15:18:00


    ءوز حابارىمىز: توراعا شي جينپيڭنىڭ قارۋلى ساقشى قوسىنعا تۋ ۇسىنۋى جانە سويلەگەن ءتالىم ءسوزى كوماندىر ــ جاۋىنگەرلەر اراسىندا كۇشتى اڭىز قوزعادى، قارۋلى ساقشى قوسىندارءتالىم ءسوزدى جەدەل ۇيرەنىپ دايەكتەندىرىپ، ناق سوعىستىق اسكەر جاتتىقتىرۋ ورلەۋىن كوتەردى.


    قارۋلى ساقشى حىبي باس اتىرەتى ساڭجوۋ تارماق اتىرەتىنىڭ تاربيەشىلەر اتىرەتى قاقاعان سۋىقتى ەلەمەي قارسىلاستىق دالا جاتتىعۋىن جاساپ جاتىر. جورامال ‹‹تەررورشىل ەلەمەنتتىڭ›› اتامانى تۇتقىنداعان كەزدە كەنەتتەن ورنىنان قارعىپ تۇرىپ قانجارىن سۋىرىپ الىپ، ەدەل ـ جەدەل ەكى جاۋىنگەرگە قانجار سۇققان ارەكەت جاسادى. سونىمەن بۇل رەتكى تەررورشىلداردى تۇتقىنداۋ مىندەتى ءساتسىز بولدى . جاتتىعۋداعى بارىستى قايتالاپ كورسەتىپ باعا بەرگەن كەزدە ساڭجوۋ ورتا اترەتىنىڭ باستىعى جوۋ بين بىلاي دەدى : تەررورشىلدىق، زورلىقتى كۇش ارەكەتتەرگە داعدىلى ويلاۋ جۇيەسى بويىنشا شارا قولدانۋعا استە بولمايدى، ءبىز مىناداي ەشقانداي دايىندىقسىز تۇتقيىل ۋاقيعالار تۋىلاتىن جاتتىعۋ جاساۋ ارقىلى عانا جاۋىگەرلەردىڭ شايقاس تانىمىن كۇشەيتە الامىز. تۋىلعان ۋاقيانى ءبىر جايلى ەتۋ ءساتتى بولسىن ـ بولماسىن، بارلىعىنان تاجىريبە ساباق قابىلداۋعا بولادى، تەك وسىلاي بولعاندا عانا ءار قانداي شايقاسقا ساقاداي ساي تۇرا الامىز.


    قارۋلى ساقشى چۇڭچيڭ باس اترەتىنىڭ كەمە-قايىق قوسىنى سۇڭگۋشىلەردىڭ تەرەڭ سۇڭگۋ جاتتىعۋ تۇرلەرىن ورىنداپ جاتىر . باس اتىرەت بويىنشا اسكەر قۇدىرەتتەندىرۋدەگى 10 ۇلگىلى اسكەردىڭ ءبىرى دەپ ماداقتالعان 3 ـ ۇلكەن اتىرەت جاۋىنگەرى لي حوڭميڭ بىلاي دەدى: ءشي ءتوراعانىڭ ءتالىم سوزىندە ۇيتقىلىق اسكەري ونەرگە زەر سالىنعان، ول ءبىزدىڭ اسكەر جاتتىقتىرىپ سوعىسقا دايىندالۋىمىزعا كۇشتى تەبىن قوستى، ءبىز ءسوزسىز ءوزىمىزدىڭ جەڭىپ شىعۋ ونەرىمىزدى ۇشتاپ، ‹‹ءبىر بەلدەۋ ءبىر جولدىڭ›› چاڭجياڭ سۋ الابى ءوڭىرىنىڭ شارۋاشىلىق قۇرىلىسىنا ۇلەس قوسامىز.


    بەيجيڭ قالا ماڭ رايونىنداعى بەلگىلى جاتتىعۋ مايدانىندا تەرورلىققا قارسى تۇرۋداعى مەملەكەت دارەجەلى ۇزدىك قوسىن ەسەپتەلەتىن قارۋلى ساقشى قىراندار اتويشىل قوسىنى 16 ـ كەزەكتى ۋەنگريا حالقارالىق مەرگەندىك جارىسىندا سايىسقا تۇسۋگە دايىندالۋدا. ەرەكشە سوعىس قوسىن جاۋىنگەرى گو زىرۇي بىلاي دەدى: ءبىز راديوـ تەلەۋيزوردان ءشي توراعانىڭ ءتالىم ءسوزىن ەستىپ ءبىلىپ، جىگەرىمىز ەسەلەپ ارتتى جانە ماقتانىشقا بولەندىك، ءبىز ءتالىمدى ناق سوعىستىق جاتتىعۋعا تياناقتاندىرىپ، ‹‹مىلتىقتى اسكەر باسقارۋ، اسكەردى پارتيا باسقارۋدى›› شىنداپ ورىنداپ، بۇدان كەيىنگى جاتتىعۋلاردا، شامباسشىلىق ونەر سىناسۋدا جانە ناق سوعىستا قارۋلى ساقشى قوسىنعا ءتىپتى دە زور جەڭىستەرمەن داڭق سيلايمىز.


اۋدارعان: قاناتبەك جۇماباي ۇلى