ۋاڭ ياڭ قامداۋ كوپەراتيۆ سەلبەستىك رەفوما جانە دامۋ اڭگىمە ماجىلىسىندە شارۋالارعا قىزمە توتەۋ ماقساتىن ەستە بەرىك ساقتاپ، قىزمەت وتەۋ بورىشىن ۇمىتپاي، قامداۋ كوپەراتيۆ رەفورماسىن تاعى دا تىڭ بەلەسكە كوتەر كەرەك، دەگەندى باسا دارىپتەدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-01-13 15:20:00

 

    ءوز حابارىمىز: ج ك پ ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ۋاڭ ياڭ قاڭتاردىڭ 12 ـ كۇنى قامداۋ كوپەراتيۆ سەلبەستىك رەفورما، دامۋ اڭگىمە ءماجىلىسىن باسقارىپ اشقاندا مىنالاردى باسا ايتتى: قامداۋ سەلبەستىك كوپەراتيۆ-ديحانداردىڭ ءوندىرىس-تۇرمىسىنا قىزمەت ەتەتىن ومىرشەڭ قوسىن جانە ۋنيۋەرسال دانەكەر، اۋىل قىستاق شارۋاشىلىعى مەن قوعامىنىڭ دامۋىن دمەيتىن ماڭىزدى كۇش بولىپ تابىلادى. باس شۋجي شي جينپيڭنىڭ پارتيا 18-قۇرىلتايىنان بەرى قارايعى قامداۋ سەلبەستىك كوپەراتيۆىنىڭ رەفورماسى مەن دامۋى جونىندەگى جەلىلەس ماڭىزدى سوزدەرىن ۇيرەنۋگە بىرلەستىرىپ، پارتيا 19-قۇرىلتاي رۋحىن مۇقيات دايەكتىلەندىرىپ، شي جينپيڭنىڭ جۇڭگوشا سوتسيالىزىم يدەياسىن جەتەكشى ەتىپ، شارۋالارعا قىزمەت توتەۋ ماقساتىن ەستە بەرىك ساقتاپ، قىزمەت وتەۋ بورىشىن ۇمىتپاي جاڭا داۋىردەگى اۋىل شارۋاشىلىق، اۋىل قىستاق ىستەرىن دامىتۋدىڭ جاڭا قاجەتتەرىنە بەلسەنە ۇيلەسۋ، ءتۇزىلىس، مەحانيزىمدە جاڭالىق جاراتۋدى جەدەلدەتىپ، ءوزىن ۇزدىكسىز زورايتىپ اۋىل قىستاقتاردى جالپى بەتتىك كوركەيتۋگە اناعۇرلىم زور ۇلەس قوسۋ كەرەك.


    ۋاڭ ياڭ تاياۋ جىلداردان بەرى قامداۋ سەلبەستىك كوپەراتيۆ ىستەرى دامىتۋدا قول جەتكەن كورنەكتى ناتيجەلەردى تولىق قۇپتاي كەلە مىنالاردى باسا ايتتى: قامداۋ سەلبەستىك كوپەراتيۆتەرى ۇيىمدىق جۇيەسى ءبىرشاما كەمەلدى، تيجارات تورابى ءبىرشاما تولىق بولۋداي ابزالدىلىقتى تولىق ساۋلەلەندىرىپ، شارۋالارمەن قاتناسى اناعۇرلىم تىعىز، شارۋالارعا قىزمەت وتەۋى اناعۇلىم كەمەلدى، بازارلاندىرۋ اينالىمى اناعۇرلىم ءونىمدى بولعان سەلبەستىك تيجارات ۇيىمدىق جۇيەسىن قۇرۋدى جەدەلدەتۋ، وسىزامانعى اينالىم ءتاسىلى مەن ينفورماتسيا تەحنيكاسىندىق جاڭالىقتاردى بەلسەنە قولدانىپ تيجارات تورابىن ساپالاندىرىپ، اۋىل قىستاقتى كوركەيتۋگە قىزمەت ەتۋ ءارى اۋىل قىستاقتى كوركەيتۋ بارىسىندا ءوزىن ۇزدىكسىز زورايتۋ كەرەك.

اۋدارعان: قاناتبەك جۇماباي ۇلى