2018-جىلعى «كوكتەم سامالى ارەكەتى» باستالدى
كەلۋقاينارى: |جاۋاپتى رەداكتور: | جاڭالانعان ۋاقىت:2018-02-12 17:41:00

 

    ٴوز حابارىمىز: ادام كۇش بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك كەڭەس كەدەيلەردى سۇيەمەلدەۋ كەڭسەسى، مەملەكەتتىك باس جۇمىسشىلار ۇيىمى، مەملەكەتتىك ايەلدەر بىرلەستىگى قاتارلى ورىندار 20-اقپاننان ناۋرىز ايىنىڭ سوڭىنا دەيىن بۇكىل ەل كولەمىندە «2018-جىلى كوكتەم سامالى ارەكەتىن» باستاپ، شاعان مەرەكەسىنەن كەيىن اۋىل-قىستاق ەڭبەك كۇشتەرىنىڭ شوعىرلى كاسىپتەنۋىنە قاراتا ارناۋلى قىزمەتكەر قابىلداۋ، قىزمەت وتەۋدى كۇشەيتۋ، تاربيەلەۋ، ۇقىق قورعاۋ قاتارلى ادىستەرمەن اۋىل -قىستاقتاعى ەڭبەكشىلەردىڭ كاسىپ جوتكەۋىنە جانە اۋىلعا قايتىپ كاسىپ جاراتۋىنا كومەكتەسەدى.

 

كەزەكتە مەملەكەت بويىنشا اۋىلعا قايتىپ كاسىپ جاراتقاندار سانى 7 ميلليون ادامنان اسىپ، اۋىلعا قايتىپ كاسىپ جاراتقان ٴار ٴبىر ادام ورتا ەسەپپەن 4 ادامدى كاسىپتەندىرەدى. مەملەكەتتىك كەڭەس تۇراقتى ىستەر ماجىلىسىندە زەرتتەپ ماقۇلداۋدان وتكەن«ديحان جۇمىسكەرلەر قاتارلىلاردىڭ اۋىلعا قايتىپ كاسىپ جاراتۋىنا اناعۇرلىم قولداۋ كورسەتۋ جونىندە پىكىر» تاياۋدا تاراتىلادى.

 

ادام كۇش بايلىعى جانە قوعامدىق قامتاماسىزداندىرۋ مينيسترىنىڭ ورىنباسارى جاڭ يجىن تاياۋدا بىلاي دەدى: ٴىشنارا كاسىپ جاراتۋشىلاردىڭ قارجى توپتاۋ، جەر ىستەتۋ، دارىندى قاتارلى جاقتاردا جولىققان قينشىلىعىنا قاراتا وسى پىكىردە قاتىستى ساياساتتىق قولداۋ تەبىنى ارتتىرىلدى؛ كاسىپ جاراتۋشىلارعا ٴبىر رەتتە تولىقتاما بەرىلەتىن سىناق تۇيىنى ساياساتى تۇڭعىش رەت كاسىپ جاراتۋشىلارعا، سونداي-اق اۋىلعا قايتىپ كاسىپ ىستەپ قالىپتى تيجارات جۇرگىزگەنىنە ٴبىر جىلدان اسقان جۇمىسشى-ديحاندارعا كەڭەيتىلدى.

 

اۋدارعان: گۇلميرا قوزىقان قىزى