ازيا- تىنىق مۇحيت وڭىرىندەگى كوپتەگەن ەل جۇڭگونىڭ ەكى ماجىلىسىنە نازار اۋداردى
كەلۋقاينارى: |جاۋاپتى رەداكتور: | جاڭالانعان ۋاقىت:2018-03-13 09:14:00

 

    ٴوز حابارىمىز: ناۋرىزدىڭ 11-كۇنى، 13- كەزەكتى مەملەكەتتىك حالىق قۇرىلتايىنىڭ 1- ماجىلىسىندە نەگىزگى زاڭعا وزگەرىس ەنگىزۋ جوباسى داۋىسقا سالىنىپ ماقۇلداندى، بۇل ەلىمىز نەگىزگى زاڭىنىڭ دامۋ تاريحىنداعى ماڭىزدى ەسكەرتكىش، جۇڭحۋا ۇلتىنىڭ ۇلى كوركەيۋ بارىسىنداعى تاريحي ٴسات بولىپ، مەملەكەتتى دامىتۋدىڭ جاڭا داستانى جازىلا باستادى. شەتەلدەردەگى ٴارسالا قايراتكەرلەرى بىلاي دەپ قارادى: جۇڭگو وسى ارقىلى ەلگە جەتەكشىلىك ەتۋ يدەياسىن داۋىرمەن قاتار ىلگەرىلەتىپ، جۇڭگونىڭ جاڭا داۋىردەگى ورنىقتى دامۋىن ىشكەرىلەي قامتاماسىزداندىرادى.

 

بيرما حالىقتىق پالاتاسى زاڭ جوبا كوميتەتىنىڭ باس حاتشىسى ۋ جۋە ٴجۇنلين بىلاي دەپ قارادى: نەگىزگى زاڭعا وزگەرىس ەنگىزۋ- جۇڭگو كوممۋنيستىك پارتياسىنىڭ، جۇڭگو ۇكىمەتىنىڭ جانە حالقىنىڭ ٴداۋىردى دامىتۋ تالابىنا ساي جاساعان ەڭ جاڭا قۇلشىنىسى، مەملەكەتتى دامىتۋدا تاستاعان ماڭىزدى قادامى بولىپ، ەل باسقارۋدىڭ تىڭ پاراعىن اشتى.

 

كامبودچا ستراتەگيا زەرتتەۋ ورنى باستىعىنىڭ ورىنباسارى چياڭ ۋان نالي بىلاي دەپ قارادى: جۇڭگونىڭ نەگىزگى زاڭعا وزگەرىس ەنگىزۋى جۇڭگو كوممۋنيستىك پارتياسىنىڭ باسشىلىعىن بەكەمدەۋگە ٴارى كۇشەيتۋگە، سونداي- اق رەفورما جاساپ دامۋدى ىشكەرىلەتۋگە ٴتيىمدى.

 

ۆيەتنامنىڭ ستراتەگيا زەرتتەۋ جانە حالىقارالىق دامىتۋ وزەگىنىڭ جوعارى دارەجەلى اقىلشىسى رۋان رۇڭگۋاڭ بىلاي دەدى: جۇڭگو 2020- جىلعا جەتكەندە العاشقى ٴجۇز جىلدىق كۇرەس نىساناسىنا جەتەدى دەپ قارايمىن، ياعني دوڭگەلەك داۋلەتتى قوعامدى جالپى بەتتىك قۇرۋ نىساناسىن بۇكىلدەي ورىندايدى، جۇڭگونىڭ %6.5 تەن جوعارى قارقىنمەن شارۋاشىلىقتىڭ ارتۋىن ساقتاپ كەلۋى مۇھجيزا سانالادى.

 

اۋدارعاندار: امانتاي مۇسايىپ ۇلى