13-كەزەكتى مەملەكەتتىك حالىق قۇرىلتايى 1-ٴماجىلىسىنىڭ 4- جالپى ٴماجىلىسى اشىلدى باقىلاۋ زاڭى جوباسى جونىندەگى تۇسىنىك پەن مەملەكەتتىك كەڭەس قۇرىلىمدارىن رەفورمالاۋ جوباسى جونىندەگى تۇسىنىڭ تىڭدالدى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-03-13 17:54:00


    شينحۋا اگەنتتىگىنىڭ حابارى. 13-كەزەكتى مەملەكەتتىك حالىق قۇرىلتايى 1-ٴماجىلىسىنىڭ 4-جالپى ٴماجىلىسى ناۋرىزدىڭ 13-كۇنى تۇستەن بۇرىن حالىق سارايىندا اشىلىپ، مەملەكەتتىك حالىق قۇرىلتايى تۇراقتى كوميتەتىنىڭ باقىلاۋ زاڭى جوباسى جونىندەگى تۇسىنىك پەن مەملەكەتتىك كەڭەستىڭ مەملەكەتتىك كەڭەس قۇرىلىمىدارىن رەفورمالاۋ جوباسى جونىندەگى تۇسىنىك تىڭدالدى.


    شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار ماجىلىسكە قاتىناستى.


    ماجىلىسكە قاتىناسۋعا ٴتيىستى 2 مىڭ 980 ۋاكىلدەن 2مىڭ 962 ۋاكىل قاتىناستى،18 ۋاكىل قاتىناسا المادى، بۇل زاڭدا بەلگىلەنگەن ادام سانىنا ۇيلەسەدى.


12-كەزەكتى مەملەكەتتىك حالىق قۇرىلتايى ٴتۇراقتى كوميتەتىنىڭ تاپسىرۋى بويىنشا، 12-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي جيانگو باقىلاۋ زاڭى جوباسى جونىندە تۇسىنىك جاسادى. لي جيانگو بىلاي دەدى: باقىلاۋ زاڭىن جاساۋ پارتيا ورتالىق كوميتەتىنىڭ مەملەكەتتىڭ باقىلاۋ ٴتۇزىلىسى رەفورماسى جونىندەگى شەشىمدەرى مەن ورنالاستىرۋلارىن تەرەڭدەتۋدى دايەكتى تياناقتاندىرۋداعى ماڭىزدى شارا؛ پارتيانىڭ شىرىكتەسۋگە قارسى قىزمەتىنە بولعان باسشىلىعىنا تاباندى بولىپ جانە ونى كۇشەيتىپ،شوعىرلى ٴبىر تۇتاس، بەدەلدى دە ٴونىمدى مەملەكەتتىڭ باقىلاۋجۇيەسىن ورناتۋدىڭ تابيعي تالابى؛ پارتيانىڭ 18-قۇرىلتايىنان بەرگى شىرىكتەسۋگە قارسى تۇرۋداعى امالياتتىق تاجىريبەلەردى قورتىندىلاپ، جاڭا جاعدايداعى شىرىكتەسۋگە قارسى كۇرەستى پارمەندى زاڭمەن قامتاماسىز ەتۋدىڭ رەال قاجەتى؛ پارتيا ىشىندەگى باقىلاۋ مەن مەملەكەت باقىلاۋدىڭ ورگانيكالى بىرلىگىنە تاباندى بولۋداعى، جۇڭگوشا ەرەكشەلىككە يە باقىلاۋ جولمەن جۇرۋدەگى جاڭا شارا؛ نەگىزگى زاڭنىڭ اتقارىلۋىن كۇشەيتۋ، حالىق قۇرىلتايى ٴتۇزىمىنىڭ مازمۇنىن بايتىپ دامىتۋ، مەملەكەتتى جونگە سالۋ جۇيەسى مەن وڭاۋ قۋاتىن وسىزامانداندىرۋدى جەبەۋدەگى ستراتەگيالىق شارا.


    لي جيانگو بىلاي: باقىلاۋ زاڭىن شىعارۋ قىزمەتىندە مىناداي وي جەلى مەن ٴپرينسيپ نەگىز ەتىلدى: 1-، دۇرىس ساياسي باعىتقا تاباندى بولدى؛ 2-، نەگىزگى زاڭعا وزگەرىستەر ەنگىزۋمەن ٴبىر اۋىزدىلىقتى ساقتاۋعا تاباندى بولدى؛ 3-،ماسەلەلەردى شەشۋ بەتالىسىنا تاباندى بولدى؛ 4-، عىلمي نەگىزدە زاڭ شىعارۋعا ، زاڭدى دەموكراتيالىق جولمەن شىعارۋعا، زاڭ بويىنشا زاڭ شىعارۋعا تاباندى بولدى.


    لي جيانگو بىلاي دەدى: باقىلاۋ زاڭى جوباسى جالپى 9 تاراۋ بولىپ، جالپى ەرەجە، باقىلاۋ ورگانى مەن ونىڭ مىندەتى، باقىلاۋ كولەمى مەن قاراستىلىعى، باقىلاۋ ۇقىق شەگى، باقىلاۋ ٴتارتىبى، شىرىكتەسۋگە قارسى تۇرۋداعى حالىقارالىق سەلبەستىك، باقىلاۋ ورگانى جانە باقىلاۋشىلاردى باقىلاۋ، زاڭدىق جاۋاپكەرشىلىك جانە قوسىمشا ەرەجەلەردى قامتيدى، جيىنى 69 تارماق. مۇندا7 جاقتاعى باستى مازمۇن قامتىلدى: 1-، باقىلاۋ قىزمەتىنىڭ جەتەكشى يدەياسى مەن باسشىلىق ٴتۇزىلىسىن ايقىنداۋ؛ 2-، باقىلاۋ قىزمەتىنىڭ پرينسيپى مەن باعىتىن ايقىنداۋ؛ 3-، باقىلاۋ كوميتەتىن سايلاۋ مەن جاۋاپكەرشىلىگىن ايقىنداۋ؛4-، الەۋمەتتىك ۇقىق جۇرگىزەتىن بارلىق ۇكىمەت قىزمەتكەرلەرىن تۇتاس باقىلاۋدى جۇزەگە اسىرۋ؛ 5-، باقىلاۋ ورگانىنا قاجەتتى ۇقىق بەرۋ؛ 6-،باقىلاۋ ٴتارتىبىن قاتاڭ جۇيەگە ٴتۇسىرۋ؛ 7-،باقىلاۋ ورگانى جانە باقىلاۋشىلاردى باقىلاۋدى كۇشەيتۋ.


    مەملەكەتتىك كەڭەستىڭ زۇڭليى لي كىچياڭنىڭ قاراۋعا ۇسىنعان مەملەكەتتىك كەڭەس قۇرىلىم رەفورماسى جوباسىنداعى ۇسىنىس جوبادا بىلاي دەپ اتاپ كورسەتتىلدى: جۇڭگو كوممۋنيستىك پارتياسىنىڭ 19-قۇرىلتايىندا قۇرلىم مەن اكىمشىلىك ٴتۇزىلىس رەفورماسىن تەرەڭدەتۋ ايقىن تالاپ ەتىلدى. پارتيا 19-كەزەكتى ورتالىق كوميتەتىنىڭ 3-جالپى ماجىلىسىندە«پارتيا جانە مەملەكەتتىڭ قۇرىلىم رەفورماسىن تەرەڭدەتۋ جوباسى»قارالىپ ماقۇلدانىپ، مۇنىڭ ىشىندەگى مەملەكەتتىك كەڭەس قۇرىلىم رەفورماسىنا قاتىستى مازمۇنداردى 13-كەزەكتى مەملەكەتتىك حالىق قۇرىلتايىنىڭ 1-ماجىلىسىندە قاراۋعا تاپسىرۋعا قوسىلدى. قازىر،«پارتيا جانە مەملەكەتتىڭ قۇرىلىم رەفورماسىن تەرەڭدەتۋ جوباسىندا» قالىپتاسقان «مەملەكەتتىك كەڭەستىڭ قۇرىلىم رەفورما جوباسىن» 13-كەزەكتى مەملەكەتتىك حالىق قۇرىلتايىنىڭ 1-ماجىلىسىندە قاراۋعا ۇسىندىق.


    مەملەكەتتىك كەڭەستىڭ تاپسىرۋىمەن، مەملەكەت ىستەرى جوراسى ۋاڭ يۇڭ مەملەكەتتىك كەڭەس قۇرىلىم رەفورما جوباسى جونىندە تۇسىنىك جاسادى.


    ۋاڭ يۇڭ بىلاي دەدى: مەملەكەتتىك كەڭەستىڭ وسى رەتكى قۇرلىم رەفورماسىنىڭ ناقتى مازمۇنى مىناداي: 1-، مەملەكەتتىك كەڭەستىڭ قۇرامىنداعى تاراۋلاردى رەتكە سالۋ تۋرالى: جاراتىلىستىق بايلىق مينيسترلىگىن ، ەكولوگيالىق ورتا مينيسترلىگىن ، اۋىل شاراۋشىلىق اۋىل-قىستاق مينيسترلىگىن ، مادەنيەت جانە ساياحات مينسترلىگىن ، مەملەكەتتىك دەنساۋلىق ساقتاۋ احاۋسىزدىق كوميتەتىن ، قوسىننان شەگىنگەن اسكەريلەر ٴىسى مينيسترلىگىن ، توتەنشە جاعىداي مينيسترلىگىن قۇرۋ ، عىلىم-تەحنيكا مينيسترلىگىن مەن ٴادىليا مينيسترلىگىن قايتا قۇرۋ، سۋ يگىلىگى مينيسترلىگى مەن قازىنالىق باقىلاۋ مەكەمەسىنىڭ مىندەتىن ساپالىلاندىرۋ، باقىلاۋ مينيسترلىگى مەن مەملەكەتتىك شىركتەسۋدەن ساقتانۋ مەكەمەسىن مەملەكەتتىڭ باقىلاۋ كوميتەتىمەن بىرىكتىرۋ؛2-، مەملەكەتتىك كەڭەستىڭ باسقا قۇرىلىمدارىن تەڭشەۋ تۋرالى: مەملەكەتتىك بازار باقىلاۋ باسقارۋ باس مەكەمەسىن ، مەملەكەتتىك راديو-تەلەۆيزور باس مەكەمەسىن ، جۇڭگو بانكە قامسىزداندىرۋدى باقىلاۋ-باسقارۋ كوميتەتىن ، مەملەكەتتىك حالىقارالىق دامۋ سەلبەستىك مەكەمەسىن، مەملەكەتتىك ەمدەۋ قامتاماسىزداندىرۋ مەكەمەسىن، مەمەلەكەتتىك استىق جانە زات زاپاس مەكەمەسىن ،مەملەكەتتىك كوشپەندىلەردى باسقارۋ مەكەمەسىن ، مەملەكەتتىك ورمان شارۋاشىلىعى جانە جايلىم مەكەمەسىن قۇرۋ، مەملەكەتتىك ٴبىلىم مەنشىك ۇقىعى مەكەمەسىن قايتا قۇرۋ،مەملەكەتتىك قوعامدىق قامتاماسزداندىرۋ قورى القاسىنىڭ قاراستىلىق قاتىناسىن رەتتەۋ، مەملەكەتتىك باجى جەرگىلىكتى باجىنى جيناۋ-باسقارۋ ٴتۇزىمىن رەفورمالاۋ.


    ۋاڭ يۇڭ بىلاي دەپ اتاپ كورسەتتى: جالپى العاندا، مەملەكەتتىك كەڭەستىڭ وسى رەتكى قۇرلىم رەفورماسىندا، پارتيانىڭ 19-قۇرىلتايى مەن 19-كەزەكتى پارتيا ورتالىق كوميتەتىٴۇشىنشى جالپى ٴماجىلىسىنىڭ رۋحى مەن پارتيانىڭ جالپى بەتتىك باسشىلىق ەتۋ تالابىنا تاباندى بولۋ مەن كۇشەيتۋ دايەكتى تياناقتاندىرىلدى، جاڭا داۋىردەگى ەلىمىز قوعامىنداعى باستى قايشىلىق وزگەرىسىنە ۇيلەسۋ ٴۇشىن، دامۋ قاجەتىنە، نەگىزگى ساتى ۇمىتىنە، حالىق تىلەگىنە نازار اۋدارىلدى، ساپالى، سەلبەسكەن، جوعارى ٴونىمدى بولۋ پرينسيپى بوينشا، قازىرگى جاعدايدى تياناق ەتۋمەن بىرگە بولاشاقتىق ىستەردە ويلاستىرىلىپ، مەملەكەتتىك كەڭەستىڭ قۇرىلىمدىق ورنالاسۋى مەن فۋنكتسياسىن ورنالاستىرۋ ساپالىلانىپ، قىزمەت مىندەتى مەن جاۋاپكەرلىك قاتىناسى جونگە سالىندى. رەفورمادان كەيىن مەملەكەتتىك كەڭەستىڭ مينيستر دارەجەلى سەگىز قۇرىلىمى، ورىنباسار مينيستر دارەجەلى جەتى قۇرىلىمى قىسقارتىلدى. رەفورما ارقىلى مەملەكەتتىك كەڭەستىڭ قۇرىلىمدىق ورنالاسىمى ٴىس جۇزىندىككە اناعۇرلىم ۇيلەسىپ، عىلىمي ۇيلەسىمدى، اناعۇرلىم ٴونىمدى بولدى،بۇل پارتيا 19-قۇرىلتايىندا ورنالاستىرىلعان ٴتۇرلى مىندەتتەردى جالپى بەتتىك دايەكتى تياناقتاندىرۋدىڭ پارمەندى ۇيىمدىق كەپىلى بولاتىندىعى داۋىسز.


    ماجىلىستە داۋىسقا سالۋ ارقىلى 13-كەزەكتى مەملەكەتتىك حالىق قۇرىلتايى 1-ٴماجىلىسىنىڭ 13-كەزەكتى مەملەكەتتىك حالىق قۇرىلتايىنىڭ ارناۋلى كوميتەتتەرىن قۇرۋ تۋرالى بەلگىلەمەسى، 13-كەزەكتى مەملەكەتتىك حالىق قۇرىلتايى 1- ٴماجىلىسىنىڭ 13-كەزەكتى مەملەكەتتىك حالىق قۇرىلتايى ارناۋلى كوميتەتتەرىنىڭ مەڭگەرۋشى جورالارىنا، ورىنباسارلار مەڭگەرۋشى جورالارىنا ، جورالارىنا كورسەتىلگەندەرگە داۋىس بەرۋ ٴادىسى، 13-كەزەكتى مەملەكەتتىك حالىق قۇرىلتايى نەگىزگى زاڭ مەن زاڭ كوميتەتىنىڭ مەڭگەرۋشى جوراسى، ورىنباسار مەڭگەرۋشى جوراسى جانە جورالار ەسىمدىگى، 13-كەزەكتى مەملەكەتتىك حالىق قۇرىلتايى قازىنا ەكونوميكا كوميتەتىنىڭ مەڭگەرۋشى جوراسى، ورىنباسار مەڭگەرۋشى جوراسى جانە جورالارىنىڭ ەسىمدىگى ماقۇلداندى .


    اۋدارعان: نۇربولات ٴداۋىتاقىن ۇلى