ٴتوراعا شي جينپيڭنىڭ ازاتتىق ارميا مەن قارۋلى ساقشى قوسىن ۋاكىلدەر ۇيىرمەسىندە سويلەگەن ماڭىزدى ٴسوزى كۇشتى اڭىس قوزعادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-03-13 17:58:00


    شينحۋا اگەنتتىگىنىڭ حابارى: ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ 12-ناۋرىز كۇنى تۇستەن بۇرىن 13-كەزەكتى مەملەكەتتىك حالىق قۇرىلتايىنىڭ 1-ماجىلىسىنە قاتىناسقان ازاتتىق ارميا جانە قارۋلى ساقشى قوسىن ۋاكىلدەر ۇيىرمەسىنىڭ جالپى ماجىلىسىندە سويلەگەن ماڭىزدى ٴسوزى ۋاكىلدەر اراسىندا كۇشتى اڭىس قوزعادى. كوپشىلىك ارميا مەن حالىقتى توعىستىرىپ ىشكەرلەي دامىتۋدى تىڭعىلىقتى جەبەپ، جۇڭگو ارمانى مەن ارميانى قۇدىرەتتەندىرۋ ارمانىن جۇزەگە اسىرۋدى مىعىم قوزعاۋشى كۇش جانە ستراتەگيالىق تىرەكپەن قامتاماسىز ەتەمىز، -دەستى.


    مەملەكەت قورعانىسى مەن اسكەري قوسىن رەفورماسىنىڭ ىشكەرلەۋىنە بايلانىستى وفيسسەرلەر زاڭى، اسكەري مىندەت وتەۋ زاڭى، اسكەري قاراجاتتى باسقارۋ، اسكەرلەردىڭ ەڭبەك اقىسى، تۇرعىن ٴۇي، ەمدەۋ قامتاماسىزداندىرۋى، قوسىننان شەگىنگەن اسكەرلەردى باسقارۋدى قامتاماسىزداندىرۋ قاتارلىلاردىڭ بارىندە جۇڭگونىڭ اسكەري قوسىن ەرەكشەلىگى مەن اسكەري ىستەر كاسىپتىك ەرەكشەلىگى بەينەلەنىپ، اسكەرلەردىڭ كاسىپتىك داڭىق سەزىمى مەن ماقتانىش سەزىمىن ارتتىراتىن ساياسات تۇزىمدەر ىركەس-تىركەس بەلگىلەنىپ، وسىزامانعى اسكەري ىستەر ساياسات تۇزىم تۇزىلىسى جەدەل ورناي باستادى.


    ورتالىق اسكەري ىستەر كوميتەتى ستراتەگيالىق جوسپار كەڭسەسىنىڭ مەڭگەرۋشىسى، مەملەكەتتىك حالىق قۇرىلتايىنىڭ ۋاكىلى ۋاڭ حۇيچيىڭ وتكەن بەس جىلدان بەرگى ارميا مەن حالىقتى توعىستىرىپ ىشكەرلەي دامىتۋ جونىندەگى اسەرىنە توقتالعاندا بىلاي دەدى: ٴتوراعا شي جينپيڭنىڭ ٴوزى باس بولىپ جوبالاپ، جەتەكشىلىك ەتۋى مەن جەبەۋىندە ارميا مەن حالىقتى توعىسترىپ دامىتۋ ستراتەگياسى جالپى بەتتىك اتقارىلىپ، كەلەلى جوسپار، كەلەلى ساياسات، كەلەلى رەفورما، كەلەلى ينجەنەريالار بىرتىندەپ تياناقتاندى، ٴار سالا مەن ٴارقايسى رايونداردا ارميا مەن حالىقتى توعىستىرىپ دامىتۋ كەڭىنەن ورىستەتىلىپ، جالپى بەتتىك ىلگەرلەگەن، تەز قارقىنمەن دامىعان تاماشا ارىن جارىققا شىقتى.

    
    مەملەكەتتىك حالىق قۇرىلتايىنىڭ ۋاكىلى، تەڭىز ارمياسى بەلگىلى بازاسىنىڭ قولباسشىسى ۋاڭ زايجيە بىلاي دەدى: ارميا مەن حالىقتى توعىستىرىپ دامىتۋداعى ەڭ نەگىزگى شىعار تۇيىن- جوعارى ورەلى جوسپاردى كۇشەيتىپ، جاڭالىق جاراتۋ مەحانيزىمىن ۇرتىس كەمەلدەندىرۋ، تولىق قامتىلعان، كوپ سالالى، جوعارى ٴونىمدى جاعدايدى تەزدەن قالىپتاستىرۋ.


    مەملەكەتتىك حالىق قۇرىلتايىنىڭ ۋاكىلى، حۋنان ولكەلىك اسكەري رايوننىڭ ساياسي كوميسسارى فىڭ ي بىلاي دەدى: تۇتاس قوعامدا قاھارمانداردى قاستەرلەۋ اۋقىمىنىڭ بارعان سايىن قويۋلاپ، ارميانى قادىر تۇتۋ رۋحاني قورعانىنىڭ تىپتى دە بەكەمدەلەرى داۋسىز.


    مەملەكەتتىك حالىق قۇرىلتايىنىڭ ۋاكىلى، باتىس بولەك سوعىس رايونىنىڭ ورىنباسار قولباسشىسى، باس اقىلشى رۇڭ گۇيچيڭ: ٴىرى اسكەري جاتتىعۋلاردا جاڭا داۋىرلىك ٴمان مەن امالي باعىت بولۋى، جاتتىعۋ قاعيداسىنا بويسىنۋى، جاڭالىق جاراتىپ، عىلمي جاتتىعۋ جاساۋى، ٴىرى ەل اسكەري قوسىنىنىڭ تاماشا بەينەسىن جاراتىپ، سوعىستا جەڭىسكە جەتەتىن ناعىز قابىلەت جەتىلدىرۋ كەرەك، -دەدى.


    مەملەكەتتىك حالىق قۇرىلتايىنىڭ ۋاكىلى، راكەتا ارمياسى ينجەنەريا ۋنيۆەرسيتەتىنىڭ باستىعى ليۋ گۋاڭبين بىلاي دەدى: ارميا مەن حالىقتى توعىستىرىپ دامىتۋداعى ەڭ ۇلكەن وزگەرىس- حالىقتىق وقۋ-اعارتۋ جۇيەسى اسكەري قوسىنعا زور توپتا ۇزدىك دارىندى تاربيەلەپ بەردى. قۇرلىق ارميا سوعىس ماشيناسى، تەڭىز ارميا سوعىس كەمەلەرى، اۋە ارميا سوعىس ايروپلاندارى جانە راكەتا قوسىن بازالارىندا ايگىلى جوعارى مەكتەپتەردىڭ تۇلەكتەرى بارعان سايىن مولايا تۇستى.


    اۋدارعان: گۇلميرا قوزىقان قىزى