ۋاڭ ياڭ مەملەكەتتىك ساياسي كەڭەستىڭ 4-رەتكى ٴتوراعا ٴماجىلىسىن باسقارىپ اشتى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-15 11:12:00


    ٴوز حابارىمىز: ساياسي كەڭەس 13-كەزەكتى مەملەكەتتىك كوميتەتىنىڭ 4-رەتكى ٴتوراعالار ٴماجىلىسى مەن ٴتوراعالار ٴماجىلىسىنىڭ 1- رەتكى كوللەكتيۆ ۇيرەنۋى مامىردىڭ 14- كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ ياڭ ٴماجىلىستى باسقارىپ ٴسوز سويلەدى.


    ول مىنالاردى باسا دارىپتەدى: جاڭا داۋىردەگى حالىق ساياسي كەڭەسى قىزمەتىن تىندىرىمدى ىستەۋدە ج ك پ ورتالىق كوميتەتىنىڭ ساياسي كەڭەس قىزمەتىنە بولعان ٴتۇرلى تالاپتارىن تياناقتاندىرىپ، ەل ٴىشى- سىرتىنداعى جۇڭحۋا ۇل- قىزدارىنىڭ ۇلتتى كوركەيتۋدەگى اقىل- پاراساتى مەن كۇش- قۋاتىن شوعىرلاندىرۋ ٴتيىس. جۇڭگو كوممۋنيستىك پارتياسىنىڭ باسشىلىعىنا مىزعىماي تاباندى بولۋ- كوپ پارتيا سەلبەستىگى مەن ساياسي كەڭەستىڭ ماڭىزدى العى شارتى. ساياسي كەڭەس مۇشەلەرىنىڭ بەلسەنە اقىل- كەڭەس بەرۋى- جۇڭگو كوممۋنيستىك پارتياسىنىڭ باسشىلىعىنا جاۋاپتى بولعاندىعىنىڭ بەينەسى. ورتاق تانىمدى قۇلشىنا شوعىرلاندىرىپ، ٴار ۇلت- ٴار سالاداعىلاردى ۇلتتى كوركەيتۋگە اقىل- پاراسات پەن كۇش- قايراتتارىن ارناۋعا باستاۋدا ج ك پ ورتالىق كوميتەتىنىڭ تالابىن تياناقتاندىرعاندىق. قوس باعىتتا كۇش شىعارعاندا عانا پارتيانىڭ باسشىلىعى تۇبەگەيلى تياناقتانادى. حالىق ساياسي كەڭەسىنىڭ سيپاتىن تۇراقتاندىرۋعا تاباندى بولىپ، يدەيا- ساياسي جاقتان جەتەكشىلىكتى كۇشەيتىپ، مۇشەلەردى ساياسي سەزگىرلىك پەن پارىقتاۋ قۋاتىن كۇشەيتۋگە باستاپ، حالىق ساياسي كەڭەسىنىڭ سيپاتىن تۇراقتاندىرۋعا تاباندى بولۋ ماسەلەسىندە جانە ساياسي جاقتا شالىس كەتپەۋگە كەپىلدىك ەتىپ، قىزمەتتە ونىمدىلىك جاراتۋ قاجەت.


    ماجىلىستە ساياسي كەڭەس 13-كەزەكتى مەملەكەتتىك كوميتەتى تۇراقتى ىستەر كوميتەتىنىڭ 2- رەتكى ٴماجىلىس كەڭەس ٴتارتىبىنىڭ دايىندىق جوباسى مەن كۇن ٴتارتىبى قارالىپ- ماقۇلدانىپ، ماۋسىمنىڭ 25- كۇنىنەن 27- كۇنىنە دەيىن بەيجيڭدە مەملەكەتتىك ساياسي كەڭەس 13- كەزەكتى تۇراقتى كوميتەتىنىڭ 2- ٴماجىلىسىن اشۋ ۇيعارىلدى. مەملەكەتتىك ساياسي كەڭەس تۇراقتى كوميتەتىنىڭ تاپسىرعان جىلدىق مىندەت ادا ەتۋ بايانداماسى جايلى قىزمەت ٴادىسىنىڭ (سىناق نۇسقاسى) مەن مەملەكەتتىك ساياسي كەڭەس مۇشەلەرىنىڭ مىندەتتەرىن ادا ەتۋ ارحيۆى جايلى قىزمەتتى اتقارۋ جوباسىنىڭ (سىناق نۇسقاسى) سياقتىلار قارالىپ ماقۇلداندى. مەملەكەتتىك ساياسي كەڭەستىڭ جۋىرداعى قىزمەت احۋالى جايلى بايانداما تىڭدالدى. ماجىلىسكە قاتىناسقاندار تاعى باس شۋجي شي جينپيڭنىڭ حالىق ساياسي كەڭەسى قۇرىلعاندىعىنىڭ 65 جىلدىعى جينالىسىندا سويلەگەن ماڭىزدى ٴسوزىن توپتىق ۇيرەندى.

اۋدارعان: امانتاي مۇسايىپ ۇلى