جاۋلىجي ورتالىقتىڭ شارلاۋ قىزمەتى جوسپارىن» دايەكتى تياناقتاندىرۋدى جەبەۋ جينالىسىنا قاتىناستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-15 11:13:00


    ٴوز حابارىمىز: «(2018- جىلدان 2022- جىلعا دەيىنگى) ورتالىقتىڭ شارلاۋ قىزمەتى جوسپارىن» دايەكتى تياناقتاندىرۋدى جەبەۋ جينالىسى مامىردىڭ 14- كۇنى چىڭدۋدا اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى، ورتالىقتىڭ شارلاۋ قىزمەتىنە باسشىلىق ەتۋ گرۋپپاسىنىڭ باستىعى جاۋ لىجي ماجىلىسكە قاتىناسىپ ٴسوز سويلەدى. ول مىنالاردى باسا دارىپتەدى: باس شۋجي شي جينپيڭنىڭ وزەكتى ورنىن جانە پارتيا ورتالىق كوميتەتىنىڭ بەدەلى مەن شوعىرلى ٴبىرتۇتاس باسشىلىعىن قورعاۋ- جاڭا داۋىردەگى شارلاۋ قىزمەتىنىڭ پروگرامماسى مەن ۇيتقىسى. شي جينپيڭنىڭ جاڭا داۋىردەگى جۇڭگوشا سوتسياليزم يدەياسى مەن پارتيا 19- قۇرىلتايىنىڭ رۋحىن ىشكەرىلەي ۇيرەنىپ- دايەكتىلەندىرىپ، «4 تانىمدى» بەرىك ورناتىپ، ساياسي شارلاۋدىڭ فۋنكتسياسىن تۇراقتاندىرۋعا تاباندى بولىپ، «ەكىنى قورعاۋداي» ماڭىزدى ساياسي جاۋاپكەرلىكتى سانالىلىقپەن ارقالاپ، «جوسپاردىڭ» دايەكتى تياناقتانۋىن تىڭعىلىقتى جەبەۋ، شارلاۋ- تەكسەرۋدىڭ جالپىلاسۋ ساپاسىن اناعۇرلىم جوعارىلاتىپ، «5 تى 1 تۇلعالاندىرۋ» تۇلعالىق ورنالاستىرۋىن ٴبىرتۇتاس جوسپارلاپ- جەبەپ، «4 جالپى بەتتىك» ستراتەگيالىق ورنالاستىرۋىن سايكەستى جەبەۋدى پارمەندى قامتاماسىزداندىرۋ ٴتيىس.


    جاۋ لىجي مىنالاردى باسا دارىپتەدى: ساياسي شارلاۋدى مىزعىماي تەرەڭدەتىپ، ساياسي ٴتۇزىم مەن ساياسي قاعيداعا قايشى، پارتيانىڭ لۋشيان- باعىت- ساياساتتارىنا جات، قاعيداعا قايشى تۇردە ادام تاڭداۋ- ادام ىستەتۋ، دەموكراتيالىق شوعىرلاندىرۋ ٴتۇزىمى پرينسيبىنە قايشى، پارتيانىڭ ساياسي جاعدايىن بۇلدىرەتىن ماسەلەلەردى دەركەزىندە بايقاپ، شارلاۋدا كوز جازدىرماي، ناقتىلى سەس كورسەتىپ، قۇدىرەتتى ايگىلەۋ كەرەك. ماسەلە باعدارىنا تاباندى بولىپ، ماسەلەلەردى ٴدال بايقاپ، ناقتى- دۇرىس مالىمدەپ، ماسەلەلەردىڭ سيپاتىنا شىندىقتى ٴىس جۇزىنەن ىزدەي وتىرىپ تالداۋ- تۇجىرىم جاساپ، قىزمەتتى قاعيدا- ٴتارتىپ- زاڭ بويىنشا ورىستەتۋ قاجەت. وڭاپ تياناقتاندىرۋ مەن تابىسىن پايدالانۋدى كۇشەيتىپ، ٴتارتىپ تەكسەرۋ- باقىلاۋ ورگاندارى مەن ۇيىمداستىرۋ تاراۋلارى وڭاپ تياناقتاندىرۋ بارىسىن كۇندەلىك باقىلاۋدى كۇشەيتۋلەرى كەرەك. جوعارى- تومەن ىقپالداسىپ ارەكەتكە كەلەتىن باقىلاۋ تورىن قۇرىپ، جان- جاقتىلى شارپىعان، 4 دارەجە بويىنشا سايكەستى جەبەلەتىن قىزمەت جۇلگەسىن ورناتۋ ٴتيىس.


    سىچۋان، چۇڭچيڭ، ٴيۇننان، شانشي، گانسۋ، شينجياڭ قاتارلى ولكە- اۆتونوميالى رايون- توتە قاراستى قالالاردىڭ پارتيا كوميتەتتەرى شارلاۋ قىزمەتىنە باسشىلىق ەتۋ گرۋپپالارىنىڭ باستىقتارى جينالىستا ٴسوز سويلەدى. گۋيجوۋ، شيزاڭ، چيڭحاي، نيڭشيا جانە شينجياڭ ٴوندىرىس- قۇرىلىس بيڭتۋانى جازباشا مالىمەت بەردى.


    جاۋلىجي سىچۋانداعى كەزىندە تاعى ورتالىق ٴتارتىپ تەكسەرۋ كوميتەتى ورگانىنىڭ باعىتتامالى سۇيەمەلدەگەن لياڭشان يزۋ اۆتونوميالى وبلىسىنىڭ لەي بو اۋدانىنا بارىپ تەكسەرۋ- زەرتتەۋ جۇرگىزدى.

اۋدارعان: امانتاي مۇسايىپ ۇلى