ۋاڭ چيشان برازيليانىڭ سىرتقى ىستەر مينيسترى نۋنەسپەن كەزدەستى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-15 11:14:00

 

    ٴوز حابارىمىز: مەملەكەتتىڭ ورىنباسار ٴتوراعاسى ۋاڭ چيشان مامىردىڭ 14- كۇنى جۇڭنانحايدا برازيليانىڭ سىرتقى ىستەر مينيسترى نۋنەسپەن كەزدەستى.


    ۋاڭ چيشان ٴتوراعا شي جينپيڭنىڭ برازيليانىڭ پرەزيدەنتى تەمەلگە دەگەن شىنايى سالەمىن جەتكىزە كەلىپ بىلاي دەدى: ەل مەن ەل قارىم- قاتىناس ورناتقاندا حالىقتار ارا بارىس- كەلىس نەگىز، باسشىلاردىڭ جەتەكتەۋى تەتىگى سانالادى. جۇڭگو مەن برازيليا جالپى بەتتىك ستراتەگيالىق سەرىكتەر، ٴار ەكەۋى دامۋ جولىنداعى ٴىرى ەل، حالىقارالىق ماسەلەلەردە كەڭ ورتاق تانىمى بار. ەكى جاقتىڭ شارۋاشىلىعى مەن مادەنيەتتەرىنىڭ بوگەنايى بولەك، ەكى ەل حالىقتارىنىڭ دوستىق- سۇيىسپەنشىلىگىنىڭ تامىرى تەرەڭدە، ٴارسالاداعى سەلبەستىگىنىڭ تابىسى قوماقتى. ۇزدىكسىز دامىعان جۇڭگو مەن برازيليا قاتىناسى ەكى جاقتاعىلاردىڭ سەلبەستىگىنە قىرۋار تىڭ مازمۇن قوستى، ەكى جاقتاعىلار ەكى ەل باسشىلارىنىڭ جۇڭگو- برازيليا قاتىناسىن تۇراقتاندىرۋىن ىشكەرىلەي ۇعىنىپ، جۇڭگو مەن برازيليانىڭ جوعارى ساتىلى سايكەستىرۋ جانە سەلبەستىك كوميتەتى سياقتى مەحانيزمدەردىڭ رولىن داۋىرمەن جارىسا ايتارلىقتاي ساۋلەلەندىرىپ، سەلبەستىك كومەسكى كۇشىن ۇزدىكسىز ەكى ەل حالىقتارىن باقىتقا كەنەلتۋگە جۇمساپ، ادامزاتتىڭ تاعدىرلاس ورتاق تۇلعاسىن قۇرۋعا ۇلەس قوسۋ ٴتيىس.


    نۋنەس بىلاي دەدى: برازيليا جۇڭگومەن قاتىناسقا وسكەلەڭ ٴمان بەرەدى. برازيليا مەن جۇڭگونىڭ سەلبەستىگىن كۇشەيتۋ ەكى جاققا ٴتيىمدى بولىپ قانا قالماستان دۇنيە جۇزىلىك ٴمان الادى. جۇڭگو جاعىنداعىلارمەن بىرلىكتە قۇلشىنىپ ەكى ەل قاتىناسىنىڭ تىڭ جاعدايىن جاراتۋدى قالايمىز.

اۋدارعان: امانتاي مۇسايىپ ۇلى