لي جانشۋ موزامبيكتە رەسىمي دوستىق ساپاردا بولدى
كەلۋقاينارى:جۇڭگو قازاق راديو تورابى |جاۋاپتى رەداكتور:ايناگۇل | جاڭالانعان ۋاقىت:2018-05-16 10:08:00

 

    ٴوز حابارىمىز: موزامبيكتىڭ پارلامەنت باستىعى ماكامونىڭ ۇسىنىسىمەن، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ مامىردىڭ 12-كۇنىنەن 15-كۇنىنە دەيىن موزامبيكتە رەسىمي دوستىق ساپاردا بولىپ، ماپۋتو قالاسىندا پرەزيدەنت نيۋسي، پارلامەنت باستىعى ماكاپۋمەن جەكە-جەكە كەزدەسىپ جانە كەڭەس وتكىزىپ، افريكاداعى جۇڭگو قارجىلاندىرعان كاسىپورىندارمەن اڭگىمە ٴماجىلىس اشىپ، 2018-جىلعى افريكا كۇڭزى ينيستيتۋتىنىڭ بىرلەسپە ٴماجىلىسىنىڭ باستالۋ سالتىنا قاتىناستى، موزامبيك-جۇڭگو مادەنيەت ورتالىعى ياعىني كۇڭزى ينيستيتۋتى مەن مەديا كوركەمونەر نيستيتۋتى وقىتۋ بينا نىساناسىنىڭ تاعانىن قالاۋ سالتىنا، موزامبيكتىڭ ون مىڭ قىستاعىنا جاساندى سەرىك ارقىلى تەلە باعدارلامالارىن جەتكىزۋ نىسانىن ىسكە قوسۋ سالتىنا قاتىناستى جانە جۇڭگو مەن موزامبيك اۋىل شارۋاشىلىق تەحنيكا ۇلگى ورتالىعى مەن جۇڭگونىڭ كومەگىمەن سالىنعان ماپۋتو تەڭىز ارالىق ۇلكەن كوپىردى ەكسكورسيالادى.


    نيۋسيمەن كەزدەسكەندە لي جانشۋ الدىمەن ٴتوراعا شي جينپيڭنىڭ ىقلاستى سالەمىن جەتكىزىپ بىلاي دەدى: جۇڭگو مەن موزامبيك شىنايى دوس ەلدەر، نەشە ۇرپاق باسشىلار ەكى ەلدىڭ دوستىعىن نىعايتۋعا وراسان زور قۇلشىنىستار جاساعان. 2016-جىلى، ەكى ەل باسشىلارى جۇڭگو مەن موزامبيك قاتىناسىن جالپى بەتتىك ستراتەگيالىق سەلبەستىك سەرىكتەستىك قاتىناسقا تۇڭعىش رەت كوتەرىپ، ەكى ەل قاتىناسىنىڭ دامۋى تىڭ داۋىرگە قادام تاستادى. جۇڭگو ٴتوراعا شي جينپيڭنىڭ افريكاعا قاراتىلعان قىزمەتىندە ورتاعا قويعان شىنايى جاقىن بولۋ تانىمى مەن دۇرىس مۇددە كوزقاراسى بويىنشا، موزامبيكتىڭ دەربەس ۇرتىس دامۋ جولىمەن جۇرىن قولداپ، موزامبيكتىڭ دامىپ گۇلدەنۋىنە شىنايى كومەكتەسەدى.


    لي جانشۋ بىلاي دەدى: جۇڭگو موزامبيكپەن ەل باسقارىپ بيلىك جۇرگىزۋ تاجيربەسىندە اۋىس-كۇيىس جاساپ، ساياسي جانە شارۋاشىلىق جاقتا ٴوزارا سەنىمدە بولۋ، حالىقتار ارا دوس بولۋ سىندى 3 ٴىرى ابزالدىلىعىن تولىق ساۋلەلەندىرىپ، ٴبىر بەلدەۋ ٴبىر جول، جۇڭگو-افريكا سەلبەستىك تالقىسى، جۇڭگونىڭ پورتۋگال ٴتىل ەلدەرمەن شارۋاشىلىق ساۋدا سەلبەستىك تالقىسى سىندى ٴۇش مىنبەنى تولىق ىسكە قوسىپ، جۇڭگو كاسىپورىندارىنىڭ موزامبيككە بارىپ قارجى قوسىپ كاسىپ اشۋىن قولداپ، جۇڭگو مەن موزامبيكتىڭ ٴداستۇرلى دوستىعى مەن ساياسي ٴوزارا سەنىمىن ٴتىپتى دە مول ماندىك سەلبەستىك جەتىستىگىنە اينالدىرۋدى قالايدى.


    ماكاپۋمەن كەڭەس وتكىزگەندە لي جانشۋ بىلاي دەدى: جۇڭگونىڭ مەملەكەتتىك حالىق قۇرىلتايى موزامبيك پارلامەنتىمەن ٴار ساتىداعىلاردىڭ دوستىق بارىس-كەلىسىن ساقتاپ، ەكى جاقتىڭ قول قويعان سەلبەستىك قۇجاتتارىن ويداعىداي تياناقتاندىرىپ، پارلامەنت مۇشەلەرىنىڭ تالقى كلاسى مەن اكىمشىلىك قابىلەتىن كۇشەيتۋ زەرتتەۋ كۋرسسىن جاقسى ۇيىمداستىرىپ، ەكى ەل زاڭ شىعارۋ قۇرىلىمدارىنىڭ اۋىس - كۇيىس سەلبەستىگىنىڭ ساپاسىن جوعارىلاتۋدى قالايدى. موزامبيك پارلامەنتىنەن ٴوز رولىن ساۋلەلەندىرىپ، ەكى جاق اۋىس - كۇيىسىنە تاماشا زاڭدىق جانە قارجى قوسۋ ورتاسىن جاراتىپ، جۇڭگو كاسىپورىندارىنىڭ موزامبيككە كوپتەپ قارجى قوسىپ دامۋىنا تيىمدى شارت-جاعداي جاراتۋىن ٴۇمىت ەتەدى.


    لي جانشۋ افريكاداعى جۇڭگو قارجىلاندىرعان كاسىپورىندار اڭگىمە ماجىلىسىنە قاتىناسىپ، افريكاداعى كاسىپورىنداردان جەرلىك ورىن زاڭ ەرەجەسىنە بويسىنىپ، جەرلىك ورىنداردىڭ سالت-داستۇرىنە قۇرمەت ەتىپ، جۇڭگو وبىرازىن، كاسىپورىن وبرازىن جانە جۇڭگو ازاماتتار وبىرازىن تىكتەپ، جۇڭگو مەن افريكانىڭ جالپى بەتتىك دوستىق سەلبەستىگىنە ىشكەرلەي ۇلەس قوسۋدى ٴۇمىت ەتتى. لي جانشۋ 2018-جىلعى افريكا كۇڭزى ينيستيتۋتىنىڭ بىرلەسپە ٴماجىلىسىنىڭ اشىلۋ سالتىندا ارنايى ٴسوز سويلەپ بىلاي دەدى: افريكاداعى كۇڭزى ينيستيتۋتىنىڭ جۇڭگو مەن افريكانىڭ دوستىعى، بىلىمنەن ورتاق يگىلىكتەنۋ، مادەنيەت اۋىس-كۇيىس جاساۋ سىندى وسى نەگىزدى شىعار تۇيىن ەتىپ، جۇڭگو مادەنيەتىن، جۇڭگو قيكاسىن جاقسى ۇگىتتەۋمەن بىرگە جۇڭگوعا افريكانى تانىستىرىپ، جۇڭگو مەن افريكانىڭ ادامزات مادەنيەت اۋىس-كۇيىسىن جەبەيتىن ەلشىلەردەن بولۋىن ٴۇمىت ەتتى.


اۋدارعان: نازار ٴارىپ ۇلى