شي جينپيڭ ەكولوگيالىق وركەنيەت گۇيياڭ حالىقارالىق تالقىسىنىڭ 2018-جىلدىق جينالىسىنا قۇتتىقتاۋ حات جولدادى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-07 17:28:00

 

    شينحۋا اگەنتتىگىنىڭ حابارى: شىلدەنىڭ 7-كۇنى ەكولوگيالىق وركەنيەت گۇيياڭ حالىقارالىق تالقىسىنىڭ 2018-جىلدىق جينالىسى گۇيجوۋ ولكەسىنىڭ گۇيياڭ قالاسىندا اشىلدى. مەملەكەت ءتوراعاسى شي جينپيڭ تالقى جينالىسقا قۇتتىقتاپ حات جولدادى.


    شي جينپيڭ قۇتتىقتاۋ حاتىندا مىنالاردى ناقتاپ ايتتى: ەكولوگيالىق وركەنيەت ادامزاتتىڭ بولاشاعىنا تىرەلەدى، جايقالعان جاسىل مەكەن قۇرۋ ءار ەل حالىنىڭ ورتاق ارمانى. حالقارالىق قوعام سەلبەستىكتى كۇشەيتىپ، ورتاق قۇلشىنۋ، تابيعات قۇرمەتتەلىپ جاسىل داميتىن ەكولوگيالىق جۇيە قۇرىپ،جەر شارىندىق ۇلاسپالى دامۋدى جەبەۋ كەرەك. وسى رەتكى تالقى جينالىسىندا ەكولوگيالىق وركەنيەت داۋىرىنە قادام تاستاۋ: ەكولوگيانى الدىمەن ەسكەرىپ، جاسىل دامۋ تاقىرىپ ەتىلۋىنىڭ ءار جاقتىڭ ورتاق تانىمدى ارتتىرىپ، سەلبەستىكتى ىسكەرىلەتۋىن جەبەۋگە، جەر شارىنىڭ ەكولوگيالىق وركەنيەت قۇرىلىسىن جەبەۋگە ءتيىمدى بولاتىندىعىنا سەنەمىن.


    شي جينپيڭنىڭ حاتىندا مىنالار باسا ايتىلعان: جۇڭگو ەكولوگيالىق ورتا قورعاۋعا وسكەلەڭ ءمان بەرەدى، تاماشا تابيعات-ناعىز بايلىق تانىمىنان اۋىتقىماي، تابيعاتپەن جاراسىمدى وتاسىپ ءوتۋدى دارىپتەيدى، جاسىل دامۋ جانە ۇلاسپالى دامۋ جولىنان جاڭىلمايدى. ءبىز حالقارالىق قوعاممەن بىرگە قۇلشىنىپ، 2030-جىلعا دەيىنگى ۇلاسپالى دامۋ كۇن تارتىپتەرىن جالپى بەتتىك تياناقتاندىرىپ، تازا دا كوركەم دۇنيەنى بىرگە قۇرۋدى قالايمىز.

اۋدارعان: قاناتبەك جۇماباي ۇلى