جاۋاپكەرشىلىكتى قۋزاستىرۋ ەرەجەسى اتقارىلعان ەكى جىلدان بەرى، جاۋاپكەرشىلىكتى وتەمەسە قۋزاستىرۋ ۇنەمىلىك جاعدايعا اينالدى
كەلۋقاينارى: |جاۋاپتى رەداكتور: | جاڭالانعان ۋاقىت:2018-07-08 19:41:00


ٴوز حابارىمىز. 2016-جىلى 8-شىلدە كۇنى، «جۇڭگو كوممۋنيستىك پارتياسىنىڭ جاۋاپكەرشىلىكتى قۋزاستىرۋ ەرەجەسى» رەسمي اتقارىلدى، بۇل جۇڭگو كوممۋنيستىك پارتياسىنىڭ پارتيانى جالپى بەتتىك قاتاڭ باسقارۋداعى تاعى ٴبىر تۇزىمدىك جاسامپازدىعى بولىپ، پارتيا ىشىندەگى ساياسي تۇرمىستى ونان ارى قاتاڭداستىرۋدى، پارتيا ىشىندەگى ساياسي ەكولوگيانى كىرشىكىسىزدەندىرۋدى ماڭىزدى كەپىلمەن قامدادى. ەكى جىلدان بەرى، جاۋاپكەرسىزدىكتى قۋزاستىرۋ، جاۋاپكەرشىلىكتى قاتاڭ قۋزاستىرۋ ۇنەمىلىك جاعدايعا اينالىپ، ٴار دارەجەلى ٴتارتىپ تەكسەرۋ باقىلاۋ ورگاندارى جاۋاپكەرشىلىكتى پارمەندى قۋزاستىرۋ ارقىلى پارتيانى باسقارۋ، پارتيانى وڭاۋ ساياسي جاۋاپكەرلىگىن ناقتى تياناقتاندىرىپ، پارتيانى جالپى بەتتىك قاتاڭ باسقارۋدى ىشكەرىلەي دامىتتى.


باس شۋجي شي جينپيڭ: ۇقىق بولسا ٴسوزسىز قۋزاستىرۋ، جاۋاپكەرشىلىكتى باتىل ارقالاۋ، جاۋاپكەرسىزدىكتى ٴسوزسىز قۋزاستىرۋ كەرەك،-دەپ قايتا-قايتا دارىپتەگەن بولاتىن. 2016-جىلى قاڭتار ايىندا، باس شۋجي شي جينپيڭ 18-كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە: جاۋاپكەرشىلىكتى قۋزاستىرۋ ٴتۇزىمىن بىرىكتىرىپ، جاۋاپكەرشىلىكتى قۋزاستىرۋ مەحانيزمىن كەمەلدەندىرىپ، جاۋاپكەرشىلىكتى قۋزاستىرۋعا، قاتاڭ قۋزاستىرۋعا تاباندى بولۋ كەرەك،-دەدى.


2016-جىلى 28-ماۋسىم كۇنى، جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ٴماجىلىس اشىپ، «جۇڭگو كوممۋنيستىك پارتياسىنىڭ جاۋاپكەرشىلىكتى قۋزاستىرۋ ەرەجەسىن» قاراپ ماقۇلدادى. 2016-جىلى 8-شىلدە كۇنى، « جۇڭگو كوممۋنيستىك پارتياسىنىڭ جاۋاپكەرشىلىكتى قۋزاستىرۋ ەرەجەسى» رەسمي اتقارىلدى.


«ەرەجە» پارتيا ۋستاۆىن نەگىزگى تياناق ەتىپ، پارتيانى باسقارۋمەن پارتيانى وڭاۋ ساياسي جاۋاپكەرلىگىن كورنەكتىلەندىرىپ، ٴىشىنارا پارتيا ۇيىمدارى مەن پارتيانىڭ باسشى كادرلارىنىڭ پارتيا ىشىندەگى باسشىلىعى السىرەۋ، پارتيا قۇرىلىسىندا ولقىلىقتار ورىن تەبۋ، پارتيانى جالپى بەتتىك باسقارۋ تەبىندى بولماۋ، پارتيالىق كوزقاراس سولعىن، ۇيىم بوشالاڭ، ٴتارتىپ بوساڭ بولۋ، جاۋاپكەرشىلىك ارقالاماۋ، جاۋاپكەرسىزدىك ىستەۋ قاتارلى ماسەلەلەردى اناعۇرلىم ويداعىداي شەشۋگە كۇش سالدى.


«ەرەجە» جاريالانعاننان كەيىن، ٴار دارەجەلى پارتيا ۇيىمدارى (پارتگرۋپپالار)مەن ٴتارتىپ تەكسەرۋ باقىلاۋ ورگاندارى جاۋاپكەرشىلىكتى قۋزاستىرۋدى پارتيانى جالپى بەتتىك قاتاڭ باسقارۋدىڭ تۇتاس بارىسىنا سىڭىرىپ، پارتيا ىشىندەگى جاۋاپكەرشىلىكتى قۋزاستىرۋ، ستيل دۇرىستاپ، ٴتارتىپتى قاتاڭداستىرۋ، ٴتارتىپ تەكسەرۋ، دەموكراتيالىق باقىلاۋ قاتارلى قىزمەتتەردى ورگانيكالى ۇشتاستىرىپ، بورىشىن وتەمەۋ، جاۋاپكەرشىلىكتى ارقالاماۋ، مىندەتىن اتقارماۋ، مىندەتىن بەتالدى اتقارۋ جايتتەرىنىڭ جاۋاپكەرشىلىگىن قاتاڭ قۋزاستىردى. 2017-جىلى جاۋاپكەرشىلىگى قۋزاستىرىلعاندار سانى 2016-جىلداعىدان %147 ارتتى. مۇندا جاۋاپكەرشىلىگى قۋزاستىرىلعان اۋدان، باسقارما دارەجەلى باسشى كادر 5359 بولىپ، 2016-جىلداعىدان %69.7 ارتتى، جاۋاپكەرشىلىگى قۋزاستىرىلعان ٴار دارەجەلى باسشىلىق القانىڭ ٴبىرىنشى جاۋاپتىلارى 16 مىڭ 355 ادام بولىپ، جالپى قۋزاستىرىلعان ادامنىڭ %39.3 ىن ۇستادى. جاۋاپكەرشىلىگى قۋزاستىرىلعان باستى ماسەلەلەردىڭ ٴتۇرى بويىنشا قاراعاندا، كەدەيلىكتەن قۇتىلدىرۋدان قامال الۋ شەشىم-ورنالاستىرۋلارىن دايەكتى تياناقتاندىرماي جاۋاپكەرشىلىگى قۋزاستىرىلعان ادام سانى ەڭ كوپ بولعان.


بيىل مامىر ايىنىڭ سوڭىندا، ىشكى مۇڭعۇل اۆتونوميالى رايوندىق پارتكوم كەدەيلىكتەن قۇتىلدىرىپ، قامال الۋ قىزمەتىن جەبەۋى پارمەنسىز، سيتىلى دۇرىس بولماعان، جاۋاپكەرشىلىكتى ارقالاماعان، مىندەتىن اتقارماعان، مىندەتىن بەتالدى اتقارعان 3 اۋداننىڭ پارتيا، ۇكىمەت ٴبىىرىنشى باسشىسىنىڭ جاۋاپكەرشىلىگىن قاتاڭ قۋزاستىرىپ، مىندەتىنەن قالدىردى. ىشكى مۇڭعۇل اۆتونوميالى رايوندىق ٴتارتىپ تەكسەرۋ كوميتەتى ٴتارتىپ تەكسەرۋ توعىزىنشى كەڭسەسىنىڭ جاۋاپتىسى جىن حۋا بىلاي دەدى: جاۋاپكەرشىلىكتى ناقتى قۋزاستىرۋ، ناقتى جاۋاپكەرشىلىكتى قۋزاستىرۋ، جاۋاپكەرشىلىكتى قۋزاستىرۋ ەرەجەسىن جوعارى قىسىمعا اينالدىرۋ كەرەك، كەدەيلەردى سۇيەمەلدەۋ سالاسىن ايتار بولساق، بيىل قاڭتاردان ماۋسىم ايىنا دەيىن، بۇكىل رايوندا 478 ادامعا پارتيا ٴتارتىبى، اكىمشىلىك ىستەر جازاسى بەرىلدى، 17 ادام ٴادىليا ورگاندارىنا جوتكەلدى، 363 تيىپتىك دەلو اشكەرە حابارلاندىرىلدى.


«ەرەجەنى» جەرلىك جاعدايعا ۇيلەستىرۋ ٴۇشىن، بۇكىل ەلدىڭ كوپ ساندى ولكە، اۆتونوميالى رايون، توتە قاراستى قالالارىنىڭ جانە شينجياڭ ٴوندىرىس-قۇرىلىس بيڭتۋانىنىڭ پارتيا كوميتەتتەرى اتقارۋ ٴادىسىن جاساپ جانە جاريالاپ، جاۋاپكەرشىلىكتى قۋزاستىرۋ جاعدايىن، ٴتارتىبىن ونان ارى جىڭشكەلەپ، جۇيەگە ٴتۇسىردى.


شاندۇڭ ولكەسى جاريالاعان «ەرەجەنى» اتقارۋ ادىسىندە ەرەجەدە ايقىندالعان 6 ٴتۇرلى جاۋاپكەرشىلىكتى قۋزاستىرۋ جاعدايى 29 ٴتۇرلى ناقتى جاعدايعا قاراي تياناقتاندىرىلىپ، مەرزىمدى جيناقتاپ، ساناققا الۋ بايانداماسىن جاساۋ، قايتالاي تاربيەلەۋ، باقىلاۋ-تەكسەرۋ ٴتۇزىمى اتقارىلدى. بيىل ٴساۋىر ايىندا، شاندۇڭ ولكەلىك ٴتارتىپ تەكسەرۋ كوميتەتى وقۋ-اعارتۋ جۇيەسىندەگى كوپ قىزمەتكەردىڭ ەرەجەگە قايشى قوسىمشا جۇمىس ىستەپ، اقى العاندىعى سەبەپتى، حايياڭ قالاسى وقۋ-اعارتۋ، دەنە-تاربيە مەكەمەسىنىڭ پارتكوم شۋجيى، مەكەمە باستىعى يۇ ۋىنگاڭ، پارتكوم مۇشەسى، ٴتارتىپ تەكسەرۋ كوميتەتىنىڭ شۋجيى شياڭ حۇڭيان قاتارلى ەكى باسشىنىڭ جاۋاپكەرشىلىگى قۋزاستىرىلعاندىعىن حابارلادى. يانتاي قالالىق ٴتارتىپ تەكسەرۋ كوميتەتىنىڭ تۇراقتى مۇشەسى، قالالىق باقىلاۋ كوميتەتىنىڭ مۇشەسى جاڭ ليمين بىلاي دەدى: مىندەتىن اتقارماي، جاۋاپكەرسىزدىك ىستەگەن پارتكوم ٴتارتىپ تەكسەرۋ كوميتەتىنىڭ قوس جاۋاپكەرشىلىگىن قۋزاستىرۋ ارقىلى، تۇلعالىق جاۋاپكەرلىك پەن باقىلاۋ جاۋاپكەرلىگىن تياناقتاندىرۋعا ماجبۇرلەندى. جاۋاپكەرشىلىكتى قۋزاستىرۋ ەرەجەسى مەن ولكەلىك كوميتەتتىڭ اتقارۋ ٴادىسىن قاتاڭ تياناقتاندىرىپ، جاۋاپكەرشىلىكتى قۋزاستىرۋ قىزمەتىنىڭ اينالىم بارىسىن جاسادىق. ناقتىلى قىزمەتتە، جاۋاپكەرلىكتى مىقتى ۇستاپ، دەلوعا مۇقيات بولۋ، ٴتارتىپ قولدانۋ، شىنداپ كىرىسۋگە تاباندى بولىپ، پارتيا ۇيىمى مەن پارتيالى باسشى كادىرلاردىڭ جاۋاپكەرسىزدىك ىستەۋ تيپتىك دەلوسىنان ٴبىر توبىن تەكسەرىپ انىقتاپ، قاتاڭ جازالاۋداي ماجبۇرلەۋ جاۋاپكەرلىگىن تياناقتاندىرىق.


جياڭشي ولكەسى جاۋاپكەرشىلىكتى قاتاڭ قۋزاستىرۋمەن بىرگە، جاۋاپكەرشىلىكتى قۋزاستىرۋ ناتيجەسىنىڭ قولدانىلۋىن كۇشەيتىپ، جاۋاپكەرشىلىكتى قۋزاستىرۋدىڭ ۆەنيۋەرسالدى ونىمدىلىگىن ەڭ جوعارى شەكتە ساۋلەلەندىردى. جياڭشي ولكەسى نانچاڭ قالالىق ٴتارتىپ تەكسەرۋ كوميتەتىنىڭ پارتيا ٴىستىلى ۇكىمەت ٴىستىلىن باقىلاۋ كەڭسەسى باقىلاۋ باسقارماسىنىڭ باستىعى ۋاڭ ميڭ جۇن بىلاي دەدى: جاۋاپكەرشىلىكتى قۋزاستىرۋداعى تيپتىك دەلولار- قالالىق پارتيا مەكتەبىنىڭ جانە بۇكىل قالاداعى ٴار دارەجەلى پارتيا ۇيىمدارىنىڭ «ٴتارتىپ ساباقحاناسىنا»، پاك مادەنيەتتى وتباسى ٴىستىلىن ورناتۋ قۇرىلىسىنا، كادىرلاردىڭ ٴىستىل قۇرىلىسىنىڭ ساقتىق تاربيە مازمۇنىنا ەنگىزىلدى.


كوپ رەت اتتانىسقا كەلتىرۋ-جاۋاپكەرشىلىكتى ٴبىر رەت قۋزاستىرعانعا جەتپەيدى. ەكى جىلدان بەرى، جاۋاپكەرشىلىكتى قۋزاستىرۋ- پارتيانى باسقارۋ-وڭاۋدىڭ ماڭىزدى الىمدى اسپابىنا اينالىپ، جاۋاپكەرسىزدىك ىستەسە ٴسوزسىز قۋزاستىرۋ، جاۋاپكەرشىلىكتى قاتاڭ قۋزاستىرۋ ىسكە اسىرىلىپ، جاۋاپكەرشىلىكتى پارمەندى قۋزاستىرۋ ارقىلى پارتيانى جالپى بەتتىك قاتاڭ باسقارۋ جەبەلدى. باس شۋجي شي جينپيڭ 19-كەزەكتى ورتالىق ٴتارتىپ تەكسەرۋ كوميتەتىنىڭ 2-رەتكى جالپى ماجىلسىندە بىلاي دەپ باسا دارىپتەدى: جاۋاپكەرشىلىكتى مىقتى ۇستاۋدا «جاۋاپكەرشىلىكتى قۋزاستىرۋدى» مىقتى ۇستاۋ ەڭ ۇرىمتال تۇسى بولماق. ۇقىقتى اتقارۋ مەن جاۋاپكەرشىلىكتى ارقالاۋدى ٴبىر تۇلعالاندىرۋعا تاباندى بولىپ، پارتيانى باسقارۋ-وڭاۋ ساياسي جاۋاپكەرلىگىن شىنايى تياناقتاندىرۋدى ەڭ ٴتۇبىرلى ساياسي مىندەت ساناۋ كەرەك.