ۋاڭ ي اراب ەلدەر وداعىنىڭ باس حاتشىسىمەن، ەگيپەتتىڭ سىرتقى ىستەر مينيسترىمەن جەكە-جەكە كەڭەس وتكىزدى
كەلۋقاينارى:جۇڭگو قازاق راديو تورابى |جاۋاپتى رەداكتور:داۋىل | جاڭالانعان ۋاقىت:2018-07-09 11:16:00


ٴوز حابارىمىز. مەملەكەت ىستەر جوراسى، سىرتقى ىستەر مينيسترى ۋاڭ يي 8-شىلدە كۇنى بەيجيڭدە جۇڭگو-اراب ەلدەرى سەلبەستىك تالقىسىنىڭ 8-كەزەكتى مينيستر دارەجەلىلەر ماجىلىسىنە قاتىناسۋعا ەلىمىزگە كەلگەن اراب ەلدەر وداعىنىڭ باس حاتشىسى گايتپەن كەڭەس وتكىزدى، ەگيپەتتىڭ سىرتقى ىستەر مينيسترى شۋكاليمەن جۇڭگو-ەگيپەت سىرتقى ىستەر مينيسترلىكتەرىنىڭ ستراتەگيالىق سۇقپاتىن وتكىزدى.


گايتپەن كەڭەس وتكىزگەندە، ۋاڭ يي بىلاي دەدى: جۇڭگومەن اراب ەلدەرى ستراتەگيالىق سەلبەستىكتى تەرەڭدەتىپ، ٴبىر-ٴبىرىنىڭ وزەكتى مۇدەسىنە ساياتىن ماسەلەلەردە جالعاستى ٴبىرىن-ٴبىرى باتىل قولداپ، وڭىرمەن دۇنيەنىڭ بەيبىت ورنىقتىلىعى ٴۇشىن ٴوز رولدارىن ساۋلەلەندىرۋلەرى كەرەك. ەكى جاق دامۋ ستراتەگياسىن ۇشتاستىرۋدى تەزدەتىپ، «ٴبىر بەلدەۋ، ٴبىر جولدى» بىرگە قۇرۋ ارقىلى ۇزاق ۋاقىت ورنىقتى سەلبەستىك سەرىكتەرگە اينالىپ، جۇڭگونىڭ جەدەل دامۋ ورايىنان يگىلىكتەنىپ، اراب ەلدەر شارۋاشىلىعىنىڭ الۋاندانۋى مەن ونەركاسىپتەنۋىن جەبەۋى ٴتيىس.


شۋكاليمەن جۇڭگو-ەگيپەت سىرتقى ىستەر مينيسترلىگىنىڭ ستراتەگيالىق سۇحپاتىن وتكىزگەن كەزدە ۋاڭ يي بىلاي دەدى: جاڭا جاعدايدا، ەكى جاق جوعارى جىكتەگىلەردىڭ بارىس-كەلىس ارىنىن ساقتاپ، ەكى ەل باسشىلارىنىڭ ەكى جاقتى قاتىناستاعى ماڭىزدى باستاماشىلدىق رولىن ويداعىداي ساۋلەلەندىرۋى كەرەك. جۇڭگو ەگيپەتپەن دامۋ ستراتەگياسىن ۇشتاستىرۋدى كۇشەيتۋگە پەيىل، ەگيپەتتىڭ «ٴبىر بەلدەۋ، ٴبىر جولدى» بىرگە قۇرۋعا ات سالىسۋىن قارسى الادى، كاسىپ قۋاتى، شارۋاشىلىق-ساۋدا، مادەنيەت، حاۋىپسىزدىك قاتارلى سالالارداعى سەلبەستىكتى تەرەڭدەتەدى. ەكى جاق حالىقارالىق جانە وڭىرلىك ىستەردەگى سايكەسۋدى كۇشەيتىپ، دامۋ جولىنداعى ەلدەردىڭ ورتاق مۇددەسىن ويداعىداي قورعاۋلارى كەرەك.


اۋدارعان: گۇلنۇر قابىلقاق قىزى