13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-ٴماجىلىسى گرۋپپالار ٴماجىلىسىن اشتى
كەلۋقاينارى:جۇڭگو قازاق راديو تورابى |جاۋاپتى رەداكتور: | جاڭالانعان ۋاقىت:2018-07-10 10:13:00


    ٴوز حابارىمىز: 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 4-رەتكى ٴماجىلىسى شىلدەنىڭ 9-كۇنى گرۋپپالار ٴماجىلىسىن اشىپ، مەملەكەتتىك حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ اۋا بىلعانۋىنان ساقتانۋ زاڭىنىڭ اتقارىلۋ احۋالىن تەكسەرۋ بايانداماسىن جانە مەملەكەتتىك حالىق قۇرىلتايى تۇراقتى كوميتەتىنىڭ ەكولوگيالىق ورتانى جالپى بەتتىك پارمەندى قورعاپ، بىلعانىشتان ساقتانۋداعى قامال الۋ شايقاسىن ايتارلىقتاي جۇرگىزۋدى زاڭ بويىنشا جەبەۋ قاۋلى جوباسىن تالقىلادى. كوميتەت باستىعى لي جانشۋ تالقىعا قاتىناستى.


    تالقىعا قاتىناسقاندار اۋا بىلعانۋىنان ساقتانۋ زاڭىنىڭ اتقارىلۋ احۋالىن تەكسەرۋ بايانداماسىن جالپى بەتتىك بىلاي دەپ قارادى: ەكولوگيالىق ورتانى جالپى بەتتىك پارمەندى قورعاپ، بىلعانىشتان ساقتانۋداعى قامال الۋ شايقاسىن باتىل جۇرگىزىپ، كوك اسپاندى قورعاۋ سوعىسىندا جەڭىپ شىعۋ-پارتيا ورتالىق كوميتەتىنىڭ جاساعان ماڭىزدى شەشىم ورنالاستىرۋى. زاڭنىڭ اتقارىلۋىن تەكسەرۋ بايانداماسىنىڭ ساياسي تۇرعىسى بيىك بولىپ، پارتيانىڭ 18-قۇرىلتايىنان بەرگى اۋا بىلعانىشىنان ساقتانۋ قىزمەتىندە قول جەتكەن بەلسەندى تابىستار تولىق تۇراقتاندىرىلدى، زاڭنىڭ اتقارىلۋ بارىسىندا ساقتالعان باستى ماسەلەلەر تولىق اڭىس ەتىلىپ، ماسەلە ساقتالۋ سەبەبىنە ىشكەرىلەي تالداۋ جاسالىپ، ورتاعا قويىلعان ۇسىنىستاردىڭ باعىتتامالىلىعى، قولدانىلمالىلىعى جانە اتقارىلمالىلىعى كۇشتى بولىپ، قاتىناسقاندار وسى باياندامانى تەگىس القادى.


    تالقىعا قاتىناسقاندار ەكولوگيالىق ورتانى جالپى بەتتىك پارمەندى قورعاپ، بىلعانىشتان ساقتانۋداعى قامال الۋ شايقاسىن ايتارلىقتاي جۇرگىزۋدى زاڭ بويىنشا جەبەۋ قاۋلى جوباسىن تالقىلاعان كەزدە بىلاي دەپ قارادى: مەملەكەتتىك حالىق قۇرىلتايى تۇراقتى كوميتەتىنىڭ ارناۋلى قاۋلى شىعارۋى-شي جينپيڭنىڭ ەكولوگيالىق وركەنيەت يدەياسى مەن پارتيا ورتالىق كوميتەتىنىڭ شەشىم ورنالاستىرۋىن ناقتى ارەكەتپەن دايەكتى تياناقتاندىرعاندىق، زاڭنىڭ جالپى بەتتىك ٴونىمدى اتقارىلۋىن جەبەۋگە، بىلعانىشتان ساقتانۋداعى قامال الۋ شايقاسىن ايتارلىقتاي جۇرگىزۋگە حالىق قۇرىلتايىنىڭ تيەسىلى ۇلەسىن قوسقاندىق، ەكولوگيالىق ورتانىڭ زاڭمەن باسقارىلۋ قۇرىلىسىن جالپى بەتتىك كۇشەيتىپ، باقىلاۋ تەبىنىن ارتتىرۋدى بەلسەنە قاراستىرىپ، زاڭنىڭ اتقارىلۋىن تەكسەرۋدىڭ باعىتتامالىلىعى مەن ونىمدىلىگىن كۇشەيتۋدىڭ ماڭىزدى شاراسى، تالقىعا قاتىناسقاندار وسى قاۋلى جوبانىڭ وسى رەتكى تۇراقتى كوميتەت ماجىلىسىندە داۋىسقا سالىنۋىن قۇپتادى.

اۋدارعان: امانتاي مۇسايىپ ۇلى